ਕਿਸਾਨਾਂ ਦੇ ਸਮਰਥਨ ’ਚ ਅੱਗੇ ਆਏ ਨਵ ਭਾਟੀਆ, ਗਲੋਬਲ ਇੰਡੀਅਨ ਅਵਾਰਡ ਕੀਤਾ ਵਾਪਿਸ

ਨਵੇਂ ਖੇਤੀਬਾੜੀ ਕਾਨੂੰਨਾਂ ਦੇ ਵਿਰੁੱਧ ਪ੍ਰਦਰਸ਼ਨ ਪਿਛਲੇ ਇੱਕ ਮਹੀਨੇ ਤੋਂ ਚੱਲ ਰਿਹਾ ਹੈ। ਇਸ ਸਭ ਦੇ ਚਲਦੇ ਭਾਰਤੀ ਮੂਲ ਦੇ ਨਵ ਭਾਟੀਆ ਨੇ ਗਲੋਬਲ ਇੰਡੀਅਨ ਅਵਾਰਡ ਵਾਪਿਸ ਕਰਨ ਦਾ ਐਲਾਨ ਕੀਤਾ ਹੈ । ਨਵ ਭਾਟੀਆ ਵਾਲੀਬਾਲ ਖਿਡਾਰੀ ਹਨ। ਭਾਰਤੀ ਮੂਲ ਦੇ ਭਾਟੀਆ ਨੇ ਗਲੋਬਲ ਇੰਡੀਅਨ ਅਵਾਰਡ ਮਿਲਣ ਤੋਂ ਇੱਕ ਦਿਨ ਬਾਅਦ ਇਸ ਨੂੰ ਠਕਰਾਉਣ ਦਾ ਫੈਸਲਾ ਕੀਤਾ ਹੈ।

ਹੋਰ ਪੜ੍ਹੋ :

• ਗਾਇਕ ਅਰਜਨ ਢਿੱਲੋਂ ਦਾ ਨਵਾਂ ਗੀਤ ‘ਸੂਰਮੇ ਆਉਣ ਤਰੀਕਾਂ ‘ਤੇ’ ਹੋਇਆ ਰਿਲੀਜ਼
• ਰਾਜੇਸ਼ ਖੰਨਾ ਨੇ ਬ੍ਰੇਕਅਪ ਤੋਂ ਬਾਅਦ ਕਰ ਲਿਆ ਸੀ ਵਿਆਹ, ਐਕਸ ਗਰਲ ਫ੍ਰੈਂਡ ਤੋਂ ਇਸ ਤਰ੍ਹਾਂ ਲਿਆ ਬਦਲਾ

ਕੈਨੇਡਾ-ਇੰਡੀਆ ਫਾਉਂਡੇਸ਼ਨ ਨੇ ਭਾਟੀਆ ਨੂੰ ਐਤਵਾਰ ਨੂੰ ਇਥੇ ਉਨ੍ਹਾਂ ਦੇ ਵਰਚੁਅਲ ਗਾਲਾ ਦੌਰਾਨ ਪੁਰਸਕਾਰ ਨਾਲ ਸਨਮਾਨਤ ਕੀਤਾ ਸੀ। ਇਸ ਪੁਰਸਕਾਰ ਨੂੰ ਸਵੀਕਾਰਦਿਆਂ ਭਾਟੀਆ ਨੇ ਆਪਣੇ ਪਹਿਲੇ ਰਿਕਾਰਡ ਕੀਤੇ ਭਾਸ਼ਣ ਵਿਚ ਕਿਹਾ ਕਿ ਉਹ ਰਤਨ ਟਾਟਾ, ਦੀਪਕ ਚੋਪੜਾ, ਨਾਰਾਇਣਮੂਰਤੀ ਅਤੇ ਮੋਂਟੇਕ ਸਿੰਘ ਆਹਲੂਵਾਲੀਆ ਵਰਗੇ ਦਿੱਗਜਾਂ ਦੀ ਸੂਚੀ ਵਿਚ ਸ਼ਾਮਲ ਹੋਣਾ ਮਾਣ ਮਹਿਸੂਸ ਕਰਦੇ ਹਨ, ਜਿਨ੍ਹਾਂ ਨੂੰ ਪਹਿਲਾਂ ਹੀ ਇਹ ਪੁਰਸਕਾਰ ਮਿਲ ਚੁੱਕਾ ਹੈ।

ਪਰ ਅਵਾਰਡ ਮਿਲਣ ਦੇ ਇੱਕ ਦਿਨ ਬਾਅਦ ਹੀ ਭਾਟੀਆ ਨੇ ਭਾਰਤ ਵਿੱਚ ਕਿਸਾਨ ਅੰਦੋਲਨ ਦੇ ਸਮਰਥਨ ਵਿੱਚ ਪੁਰਸਕਾਰ ਲੈਣ ਤੋਂ ਇਨਕਾਰ ਕਰ ਦਿੱਤਾ। ਭਾਟੀਆ ਨੇ ਆਪਣੇ ਇੱਕ ਬਿਆਨ ਵਿੱਚ ਕਿਹਾ, ‘ਸੱਚ ਬੋਲਾਂ ਮੈਂ ਰਾਜਨੀਤੀ ਤੋਂ ਦੂਰ ਰਹਿੰਦਾ ਹਾਂ, ਪਰ ਮੈਂ ਇਕ ਮਾਣਮੱਤਾ ਸਿੱਖ ਹਾਂ ਅਤੇ ਇਹ ਸਭ ਤੋਂ ਪਹਿਲਾਂ ਅਤੇ ਸਭ ਤੋਂ ਮਹੱਤਵਪੂਰਮਨ ਹੈ ….ਮੇਰਾ ਦਿਲ ਇਸ ਸਮੇਂ ਇਸ ਪੁਰਸਕਾਰ ਨੂੰ ਸਵੀਕਾਰ ਨਹੀਂ ਕਰ ਸਕਦਾ, ਕਿਉਂਕਿ ਸਾਰੇ ਭਾਰਤ ਵਿਚ ਮੇਰੇ ਭਰਾ ਅਤੇ ਭੈਣ ਦੁਖੀ ਹਨ । ਮੈਂ ਭਾਰਤ ਦੇ ਸਾਰੇ ਕਿਸਾਨਾਂ ਦੇ ਨਾਲ ਖੜਾ ਹਾਂ। ਮੈਂ ਇਕ ਸੁਰੱਖਿਅਤ ਅਤੇ ਸ਼ਾਂਤੀਪੂਰਨ ਹੱਲ ਲਈ ਦੁਆ ਕਰਦਾ ਹਾਂ।