ਨੀਰੂ ਬਾਜਵਾ ਦੀ ਨਵੀਂ ਫਿਲਮ 'ਮੁੰਡਾ ਹੀ ਚਾਹੀਦਾ' ਦਾ ਪਹਿਲਾ ਪੋਸਟਰ ਆਇਆ ਸਾਹਮਣੇ 

ਬਾਲੀਵੁੱਡ ਵਾਂਗ ਹੁਣ ਪਾਲੀਵੁੱਡ ਵਿੱਚ ਵੀ ਕਮੇਡੀ ਜਾਂ ਫਿਰ ਲਵ ਸਟੋਰੀ ਤੋਂ ਹੱਟ ਕੇ ਨਵੇਂ ਕੰਸੈਪਟ ਤੇ ਫਿਲਮਾਂ ਬਣਨ ਲੱਗੀਆ ਹਨ । ਕੁਝ ਦਿਨ ਪਹਿਲਾਂ ਹੀ ਮਾਂ ਬੋਲੀ ਨੂੰ ਪ੍ਰਫੁੱਲਤ ਕਰਨ ਵਾਲੀ ਫਿਲਮ ਉੜਾ ਆੜਾ ਰਿਲੀਜ਼ ਹੋਈ ਹੈ । ਇਸ ਫਿਲਮ ਦੀ ਸਫਲਤਾ ਤੋਂ ਬਾਅਦ ਨੀਰੂ ਬਾਜਵਾ ਦੀ ਨਵੀਂ ਫਿਲਮ ਆਉਣ ਵਾਲੀ ਹੈ ਜਿਸ ਦਾ ਪੋਸਟਰ ਨੀਰੂ ਬਾਜਵਾ ਨੇ ਆਪਣੇ ਇੰਸਟਾਗ੍ਰਾਮ ਤੇ ਕੀਤਾ ਹੈ ।

ਫਿਲਮ ਦੇ ਨਾਂ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਦਾ ਨਾਂ "ਮੁੰਡਾ ਹੀ ਚਾਹੀਦਾ" ਹੈ । ਜਿਸ ਤਰ੍ਹਾਂ ਦਾ ਫਿਲਮ ਦਾ ਨਾਂ ਹੈ ਉਸ ਤੋਂ ਸਾਫ ਹੋ ਜਾਂਦਾ ਹੈ ਕਿ ਇਹ ਫਿਲਮ ਭਰੂਣ ਹੱਤਿਆ 'ਤੇ ਹੋਵੇਗੀ । ਨੀਰੂ ਬਾਜਵਾ ਐਕਟਰੈੱਸ ਦੇ ਨਾਲ ਨਾਲ ਪ੍ਰੋਡਿਊਸਰ ਤੇ ਡਾਇਰੈਕਟਰ ਵੀ ਹੈ । ਇਸ ਲਈ ਇਹ ਫਿਲਮ ਨੀਰੂ ਬਾਜਵਾ ਹੀ ਪ੍ਰੋਡਿਊਸ ਕਰ ਰਹੀ ਹੈ । ਇਸ ਤੋਂ ਪਹਿਲਾਂ ਨੀਰੂ ਬਾਜਵਾ ਸਰਗੀ ਤੇ ਚੰਨੋ ਕਮਲੀ ਯਾਰ ਦੀ ਨਾਂ ਹੇਠ ਫਿਲਮਾਂ ਬਣਾ ਚੁੱਕੀ ਹੈ ।

https://www.instagram.com/p/BtWQCgNnyYv/?utm_source=ig_embed

https://www.instagram.com/p/BtWQobpHsqG/?utm_source=ig_embed

ਹੁਣ ਨੀਰੂ ਮੁੰਡਾ ਹੀ ਚਾਹੀਦਾ ਫਿਲਮ ਬਣਾ ਰਹੀ ਹੈ ਇਹ ਉਹਨਾਂ ਦੇ ਪ੍ਰੋਡਕਸ਼ਨ ਹੇਠ ਬਣਨ ਵਾਲੀ ਤੀਜੀ ਫਿਲਮ ਹੈ । ਨੀਰੂ ਬਾਜਵਾ ਦੀ ਕੁਝ ਦਿਨ ਪਹਿਲਾਂ ਹੀ ਉੜਾ ਆੜਾ ਫਿਲਮ ਰਿਲੀਜ਼ ਹੋਈ ਹੈ ਜਿਸ ਨੂੰ ਬਾਕਸ ਆਫਿਸ 'ਤੇ ਚੰਗਾ ਹੁਲਾਰਾ ਮਿਲਿਆ ਹੈ ।