ਨੇਹਾ ਧੂਪੀਆ ਤੇ ਅੰਗਦ ਬੇਦੀ ਆਪਣੀ ਬੇਟੀ ਨੂੰ ਲੈ ਕੇ ਪਹੁੰਚੇ ਆਪਣੇ ਪਰਿਵਾਰ ਦੀ ਪਿਤਾ ਪੁਰਖੀ ਹਵੇਲੀ ’ਚ
ਨੇਹਾ ਧੂਪੀਆ ਤੇ ਅੰਗਦ ਬੇਦੀ ਦੀ ਬੇਟੀ ਮੇਹਰ ਹੁਣ ਇੱਕ ਸਾਲ ਦੀ ਹੋ ਗਈ ਹੈ । ਆਪਣੇ ਪਹਿਲੇ ਜਨਮ ਦਿਨ ਤੇ ਮੇਹਰ ਆਪਣੇ ਦਾਦੇ ਬਿਸ਼ਨ ਬੇਦੀ ਦੀ ਹਵੇਲੀ ਪਹੁੰਚੀ । ਜਿਸ ਦੀਆਂ ਤਸਵੀਰਾਂ ਬਿਸ਼ਨ ਬੇਦੀ ਨੇ ਆਪਣੇ ਇੰਸਟਾਗ੍ਰਾਮ ਤੇ ਸ਼ੇਅਰ ਕੀਤੀਆਂ ਹਨ । ਇਹਨਾਂ ਤਸਵੀਰਾਂ ਵਿੱਚ ਅੰਗਦ, ਨੇਹਾ ਤੇ ਮੇਹਰ ਤਿੰਨੇ ਆਪਣੀ ਪਿਤਾ ਪੁਰਖੀ ਹਵੇਲੀ ਦੇ ਵਿਹੜੇ ਵਿੱਚ ਖੜੇ ਦਿਖਾਈ ਦੇ ਰਹੇ ਹਨ ।
ਬਿਸ਼ਨ ਬੇਦੀ ਦੀ ਹਵੇਲੀ ਅੰਮ੍ਰਿਤਸਰ ਦੇ ਪੁਤਲੀਘਰ ਦੇ ਕੋਲ ਹੈ । ਮੇਹਰ ਦੇ ਜਨਮ ਦਿਨ ਤੇ ਅੰਗਦ ਮੇਹਰ ਨੂੰ ਹਰਿਮੰਦਰ ਸਾਹਿਬ ਵੀ ਲੈ ਕੇ ਪਹੁੰਚੇ । ਇਸ ਮੌਕੇ ਤੇ ਨੇਹਾ ਪੀਲੇ ਰੰਗ ਦੇ ਸੂਟ ਵਿੱਚ ਦਿਖਾਈ ਦਿੱਤੀ ਜਦੋਂ ਕਿ ਮੇਹਰ ਚਿੱਟੇ ਰੰਗ ਦੇ ਕੱਪੜਿਆਂ ਵਿੱਚ ਸੀ ।
ਇਸ ਮੌਕੇ ਤਿੰਨਾਂ ਨੇ ਤਸਵੀਰਾਂ ਵੀ ਖਿਚਵਾਈਆਂ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਪਿਛਲੇ ਸਾਲ ਨੇਹਾ ਤੇ ਅੰਗਦ ਨੇ 10 ਮਈ ਨੂੰ ਵਿਆਹ ਕਰਵਾਇਆ ਸੀ ਤੇ 18 ਨਵੰਬਰ ਨੂੰ ਬੇਟੀ ਨੇ ਜਨਮ ਲਿਆ ਸੀ ।