ਸਟੇਜ ਦੇ ਪਿੱਛੇ ਮਾਡਲ ਦੀਆਂ ਜੁੱਤੀਆਂ ਸੰਭਾਲਦੀ ਸੀ ਨੇਹਾ ਧੂਪੀਆ, ਜਨਮ ਦਿਨ ’ਤੇ ਜਾਣੋਂ ਕੁਝ ਦਿਲਚਸਪ ਕਿੱਸੇ

ਅੱਜ ਭਾਵੇਂ ਨੇਹਾ ਧੂਪੀਆ ਨੂੰ ਬਾਲੀਵੁੱਡ ਦੇ ਵੱਡੇ ਸਿਤਾਰਿਆਂ ਵਿੱਚ ਗਿਣਿਆ ਜਾਂਦਾ ਹੈ, ਪਰ ਉਹਨਾਂ ਦੇ ਕਰੀਅਰ ਦੀ ਸ਼ੁਰੂਆਤ ਕੁਝ ਖ਼ਾਸ ਠੀਕ ਨਹੀਂ ਸੀ ਰਹੀ । ਨੇਹਾ ਬਾਲੀਵੁੱਡ ਵਿੱਚ ਆਪਣੀ ਚੰਗੀ ਅਦਾਕਾਰੀ ਤੇ ਸਮਾਜ ਸੇਵੀ ਕੰਮਾਂ ਕਰਕੇ ਜਾਣੀ ਜਾਂਦੀ ਹੈ । ਪਰ ਤੁਹਾਨੂੰ ਪਤਾ ਹੈ ਕਿ ਇੱਕ ਸਮਾਂ ਅਜਿਹਾ ਵੀ ਸੀ ਜਦੋਂ ਨੇਹਾ ਸਟੇਜ ਦੇ ਪਿੱਛੇ ਮਾਡਲ ਦੀਆਂ ਜੁੱਤੀਆਂ ਸੰਭਾਲਦੀ ਹੁੰਦੀ ਸੀ ।

https://www.instagram.com/p/B0nSgSyHMpk/

ਇਸ ਆਰਟੀਕਲ ਵਿੱਚ ਤੁਹਾਨੂੰ ਉਹਨਾਂ ਦੀ ਜ਼ਿੰਦਗੀ ਦੇ ਕੁਝ ਅਣਸੁਣੇ ਕਿੱਸੇ ਦੱਸਦੇ ਹਾਂ । ਨੇਹਾ ਨੇ ਇੱਕ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਸੀ ਕਿ ਉਹਨਾਂ ਨੇ ਆਪਣਾ ਪਹਿਲਾ ਫੈਸ਼ਨ ਸ਼ੋਅ ਮਾਡਲ ਨੂੰ ਜੁੱਤੀਆਂ ਪਾਉਣ ਵਿੱਚ ਮਦਦ ਕਰਨ ਦਾ ਕੰਮ ਕਰਦੇ ਹੋਏ ਅਟੈਂਡ ਕੀਤਾ ਸੀ । ਨੇਹਾ ਨੇ ਦੱਸਿਆ ਕਿ ਜਦੋਂ ਵੀ ਉਹ ਹੁਣ ਕੋਈ ਵੀ ਫੈਸ਼ਨ ਸ਼ੋਅ ਅਟੈਂਡ ਕਰਦੀ ਹੈ ਤਾਂ ਉਸ ਨੂੰ ਉਹ ਦਿਨ ਯਾਦ ਆ ਜਾਂਦਾ ਹੈ ।

https://www.instagram.com/p/B0vHHs3guxE/

ਨੇਹਾ ਧੂਪੀਆ ਖੁਦ ਮਿਸ ਇੰਡੀਆ ਰਹਿ ਚੁੱਕੀ ਹੈ । ਉਹ ਦਿੱਲੀ ਦੀ ਰਹਿਣ ਵਾਲੀ ਹੈ ਤੇ ਮੁੰਬਈ ਵਿੱਚ ਵੱਡੀ ਸਟਾਰ ਬਣਨ ਦਾ ਸੁਫ਼ਨਾ ਲੈ ਕੇ ਆਈ ਸੀ । ਇਸ ਤੋਂ ਬਾਅਦ ਨੇਹਾ ਨੇ ਕਈ ਵੱਡੇ ਬੈਨਰ ਦੀਆਂ ਫ਼ਿਲਮਾਂ ਕੀਤੀਆ ਹਨ ।

https://www.instagram.com/p/B0sfRJOHTma/

ਨੇਹਾ ਧੂਪੀਆ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਕਾਫੀ ਸੁਰਖੀਆਂ ਵਿੱਚ ਰਹੀ ਹੈ । ਉਸ ਨੇ ਸਾਲ 2018 ਵਿੱਚ ਅਦਾਕਾਰ ਅੰਗਦ ਬੇਦੀ ਨਾਲ ਵਿਆਹ ਕਰਵਾ ਲਿਆ ਸੀ । ਵਿਆਹ ਤੋਂ ਛੇ ਮਹੀਨੇ ਬਾਅਦ ਹੀ ਉਹਨਾਂ ਦੇ ਘਰ ਬੇਟੀ ਮੇਹਰ ਧੂਪੀਆ ਨੇ ਜਨਮ ਲਿਆ ਸੀ ।