ਵਾਲ ਵਾਲ ਬਚੀ ਟੀਵੀ ਦੀ ਨਾਮੀ ਅਦਾਕਾਰ, ਦੀਵਾਲੀ ਪਾਰਟੀ 'ਤੇ ਲਹਿੰਗੇ ਨੂੰ ਲੱਗੀ ਅੱਗ
ਦੀਵਾਲੀ ਪਾਰਟੀ ਦੇ ਦਿਨ ਟੀਵੀ ਦੀ ਨਾਮੀ ਅਦਾਕਾਰਾ ਨਿਆ ਸ਼ਰਮਾ ਵਾਲ ਵਾਲ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬਚ ਗਈ। ਦਰਅਸਲ, ਪਾਰਟੀ ਵਿਚ ਨਿਆ ਦੇ ਲਹਿੰਗੇ ਨੂੰ ਦੀਵੇ ਦੀ ਅੱਗ ਚੜ੍ਹ ਗਈ ਸੀ। ਲਹਿੰਗੇ ਦੇ ਅੰਦਰ ਲੱਗੇ ਕੈਨ ਸੀਟ ਦੀ ਜਲੀ ਹੋਈ ਤਸਵੀਰ ਐਕਟਰੈੱਸ ਨੇ ਇੰਸਟਾਗ੍ਰਾਮ ਸਟੋਰੀ ਉਤੇ ਸ਼ੇਅਰ ਕੀਤੀ ਹੈ।
ਨਿਆ ਨੂੰ ਇਸ ਗੱਲ ਉਤੇ ਭਰੋਸਾ ਨਹੀਂ ਹੋ ਰਿਹਾ ਕਿ ਉਹ ਇਸ ਵੱਡੇ ਹਾਦਸੇ ਤੋਂ ਬਚ ਗਈ। ਨਿਆ ਨੇ ਜਲੇ ਹੋਏ ਲਹਿੰਗੇ ਦੀ ਤਸਵੀਰ ਦੇ ਨਾਲ ਕੈਪਸ਼ਨ ਵਿਚ ਲਿਖਿਆ,'ਦੀਵੇ ਦੀ ਤਾਕਤ, ਸਕਿੰਟ ਵਿਚ ਲੱਗੀ ਅੱਗ, ਮੇਰੇ ਅਉਟਫਿਟ ਵਿਚ ਲੱਗੀ ਲੇਅਰ ਕਾਰਨ ਮੈਂ ਬਚ ਗਈ ਜਾਂ ਸ਼ਾਇਦ ਕੋਈ ਸ਼ਕਤੀ ਸੀ ਜਿਸ ਨੇ ਮੈਨੂੰ ਬਚਾਇਆ'।
nia sharma
ਨਿਆ ਸ਼ਰਮਾ ਇਸ ਪਾਰਟੀ 'ਚ ਆਪਣੇ ਅਉਟਫਿਟ ਨਾਲ ਕਹਿਰ ਢਾਹ ਰਹੀ ਸੀ ਇਸ ਲਈ ਸ਼ਾਇਦ ਕਿਸੇ ਦੀ ਨਜ਼ਰ ਉਹਨਾਂ ਨੂੰ ਲੱਗ ਗਈ। ਉਹਨਾਂ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਏਕਤਾ ਕਪੂਰ ਦੇ ਚਰਚਿਤ ਟੀਵੀ ਸੀਰੀਅਲ ਨਾਗਿਨ 4 'ਚ ਨਜ਼ਰ ਆਉਣਗੇ। ਨਿਆ ਸ਼ਰਮਾ ਤੋਂ ਪਹਿਲਾਂ ਮੌਨੀ ਰੋਆਏ ਇਸ ਸੀਰੀਅਲ 'ਚ ਨਜ਼ਰ ਆ ਚੁੱਕੀ ਹੈ।
ਨਿਆ ਸ਼ਰਮਾ ਕਈ ਟੀਵੀ ਸੀਰੀਅਲਾਂ 'ਚ ਕੰਮ ਕਰ ਚੁੱਕੀ ਹੈ। ਨਿਆ ਪਵਿੱਤਰ ਰਿਸ਼ਤਾ, ਇਸ਼ਕ ਮੇਂ ਮਰਜਾਵਾਂ,ਜਮਾਈ ਰਾਜਾ 'ਚ ਕੰਮ ਕਰ ਚੁੱਕੀ ਹੈ। ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿਣ ਵਾਲੀ ਨਿਆ ਸ਼ਰਮਾ ਦੀਆਂ ਅਕਸਰ ਬੋਲਡ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ।