LIVE:
ਕਮਲ ਖ਼ਾਨ ਤੋਂ ਲੈ ਕੇ ਜੱਸੀ ਗਿੱਲ ਤੱਕ ਬਾਲੀਵੁੱਡ ਦੇ ਇਹ ਸਿਤਾਰੇ ਦੇਖੋ ਬੁੱਢੇ ਹੋਣ 'ਤੇ ਕਿਹੋ ਜਿਹੇ ਲੱਗਣਗੇ
ਬੋਤਲ ਦਾ ਢੱਕਣ ਖੋਲਣ ਤੋਂ ਬਾਅਦ ਹੁਣ ਸ਼ੋਸ਼ਲ ਮੀਡੀਆ 'ਤੇ ਬੁਢਾਪਾ ਛਾ ਰਿਹਾ ਹੈ। ਜੀ ਹਾਂ ਸ਼ੋਸ਼ਲ ਮੀਡੀਆ 'ਤੇ ਅੱਜ ਕੱਲ੍ਹ ਬੁਢਾਪੇ ਵਾਲਾ ਫੇਸ ਫਿਲਟਰ ਕਾਫੀ ਟਰੈਂਡ ਕਰ ਰਿਹਾ ਹੈ ਜਿਸ 'ਚ ਵਿਅਕਤੀ ਬੁਢਾਪੇ 'ਚ ਕਿਹੋ ਜਿਹਾ ਦਿਖਣ ਵਾਲਾ ਹੈ ਇਸ ਦੀ ਝਲਕ ਦੇਖਣ ਨੂੰ ਮਿਲਣ ਵਾਲੀ ਹੈ। ਪੰਜਾਬੀ ਗਾਇਕ ਕਮਲ ਖ਼ਾਨ ਦੀ ਵੀ ਇਸੇ ਤਰ੍ਹਾਂ ਦੀ ਤਸਵੀਰ ਸਾਹਮਣੇ ਆਈ ਹੈ ਜਿਸ 'ਚ ਉਹਨਾਂ ਦੇ ਬੁਢਾਪੇ ਦੀਆਂ ਝਲਕਾਂ ਦੇਖਣ ਨੂੰ ਮਿਲ ਰਹੀਆਂ ਹਨ।
ਬਾਲੀਵੁੱਡ 'ਤੇ ਵੀ ਇਸ ਦੀ ਖੁਮਾਰੀ ਛਾ ਗਈ ਹੈ। ਵਰੁਣ ਧਵਨ ਤੋਂ ਲੈ ਕੇ ਰਣਵੀਰ ਸਿੰਘ ਅਤੇ ਦੀਪਿਕਾ ਪਾਦੁਕੋਣ ਦੀਆਂ ਬੁਢਾਪੇ ਵਾਲੀਆਂ ਤਸਵੀਰਾਂ ਸ਼ੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਐਕਟਰ ਅਰਜੁਨ ਕਪੂਰ ਦੀ ਤਸਵੀਰ ਵੀ ਸਾਹਮਣੇ ਆਈ ਹੈ ਜਿਸ 'ਚ ਦੇਖਿਆ ਜਾ ਸਕਦਾ ਹੈ ਕਿ ਉਹਨਾਂ ਦਾ ਜ਼ਬਰਦਸਤ ਅੰਦਾਜ਼ ਬੁੱਢੇ ਹੋਣ 'ਤੇ ਵੀ ਬਰਕਰਾਰ ਰਹਿਣ ਵਾਲਾ ਹੈ।
ranveer singh and Deepika padukon
ਇਸ ਤੋਂ ਇਲਾਵਾ ਕਈ ਅੰਤਰਰਾਸ਼ਟਰੀ ਕ੍ਰਿਕੇਟ ਖਿਡਾਰੀਆਂ ਦੀਆਂ ਵੀ ਚਿੱਟੀ ਦਾੜ੍ਹੀ 'ਤੇ ਚਿਹਰੇ 'ਤੇ ਝੁਰੜੀਆਂ ਵਾਲੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ। ਪੰਜਾਬ ਦੇ ਸੁਪਰਸਟਾਰ ਗਾਇਕ ਅਤੇ ਅਦਾਕਾਰ ਜੱਸੀ ਗਿੱਲ ਵੀ ਇਸ ਲਿਸਟ 'ਚ ਸ਼ਾਮਿਲ ਹੋ ਚੁੱਕੇ ਹਨ ਤੇ ਉਹਨਾਂ ਦਾ ਵੀ ਬੁਢਾਪੇ ਵਾਲਾ ਲੁੱਕ ਸਾਹਮਣੇ ਆਇਆ ਹੈ।
