ਜਿਹੜਾ ਡਿੱਗ ਕੇ ਖੜਾ ਹੋ ਜਾਵੇ ਉਹ ਹੈ ਅਸਲ ਪੰਜਾਬੀ, ਗੱਗੂ ਗਿੱਲ ਦੀ ਇਹ ਵੀਡੀਓ ਕਰਦੀ ਹੈ ਸਭ ਕੁਝ ਬਿਆਨ

ਖਾਲਸਾ ਏਡ ਉਹਨਾਂ ਪਰਿਵਾਰਾਂ ਦੀ ਲਗਾਤਾਰ ਮਦਦ ਕਰ ਰਿਹਾ ਹੈ, ਜਿਨ੍ਹਾਂ ਦਾ ਪੰਜਾਬ ਵਿੱਚ ਆਏ ਹੜ੍ਹ ਨੇ ਸਭ ਕੁਝ ਬਰਬਾਦ ਕਰ ਦਿੱਤਾ ਸੀ । ਖਾਲਸਾ ਏਡ ਵੱਲੋਂ ਇਹਨਾਂ ਪਰਿਵਾਰਾਂ ਨੂੰ ਮੁੜ ਉਹਨਾਂ ਦੇ ਪੈਰਾਂ ਤੇ ਖੜਾ ਕਰਨ ਲਈ ਲਗਾਤਾਰ ਮਦਦ ਕੀਤੀ ਜਾ ਰਹੀ ਹੈ । ਪਿਛਲੇ ਦਿਨੀਂ ਸੰਸਥਾ ਵੱਲੋਂ ਉਹਨਾਂ ਕਿਸਾਨਾਂ ਨੂੰ ਮੱਝਾਂ ਦਿੱਤੀ ਜਾ ਰਹੀਆਂ ਸਨ, ਜਿਨ੍ਹਾਂ ਦੇ ਪਸ਼ੂ ਹੜ੍ਹ ਵਿੱਚ ਰੁੜ ਗਏ ਸਨ ।

https://www.facebook.com/khalsaaidint/videos/516237959216528/

ਪਰ ਹੁਣ ਖਾਲਸਾ ਏਡ ਵੱਲੋਂ ਹੜ੍ਹ ਪ੍ਰਭਾਵਿਤ ਪਿੰਡਾਂ ਦੀਆਂ ਸੁਸਾਇਟੀਆਂ ਨੂੰ ਟਰੈਕਟਰ ਤੇ ਵਾਹੀ ਲਈ ਸੰਦ ਮੁਹੱਈਆ ਕਰਵਾਏ ਜਾ ਰਹੇ ਹਨ । ਇਹਨਾਂ ਟਰੈਕਟਰਾਂ ਰਾਹੀਂ ਕਿਸਾਨਾਂ ਦੇ ਖੇਤ ਬਿਲਕੁਲ ਮੁਫਤ ਵਾਹੇ ਜਾਣਗੇ, ਇੱਥੋਂ ਤੱਕ ਕਿ ਟਰੈਕਟਰਾਂ ਵਿੱਚ ਤੇਲ ਵੀ ਖਾਲਸਾ ਏਡ ਵੱਲੋਂ ਭਰਵਾਇਆ ਜਾਵੇਗਾ । ਖਾਲਸਾ ਏਡ ਦੀ ਇਸ ਮੁਹਿੰਮ ਦੌਰਾਨ ਪਾਲੀਵੁੱਡ ਅਦਾਕਾਰ ਗੱਗੂ ਗਿੱਲ ਵੀ ਮੌਜੂਦ ਰਹੇ ।

https://www.facebook.com/khalsaaidint/videos/478973059495445/UzpfSTEwMDAzMzUwNzAwMDM3NjoxNjgwMDM0MzcyMTI3ODEx/

ਇਸ ਮੌਕੇ ਗੱਗੂ ਗਿੱਲ ਨੇ ਕਿਹਾ ਕਿ ਖਾਲਸਾ ਏਡ ਦਾ ਇਹ ਉਪਰਾਲਾ ਬਹੁਤ ਵਧੀਆ ਹੈ ਜਿਸ ਨਾਲ ਹੜ੍ਹ ਨਾਲ ਝੰਬੇ ਕਿਸਾਨ ਇੱਕ ਵਾਰ ਫਿਰ ਆਪਣੇ ਪੈਰਾਂ ਤੇ ਖੜੇ ਹੋ ਸਕਣਗੇ ।

ਇਸ ਦੇ ਨਾਲ ਹੀ ਉਹਨਾਂ ਨੇ ਪ੍ਰਵਾਸੀ ਪੰਜਾਬੀਆਂ ਦਾ ਵੀ ਧੰਨਵਾਦ ਕੀਤਾ ਜਿਹੜੇ ਲਗਾਤਾਰ ਲੋਕਾਂ ਨੂੰ ਮਦਦ ਭੇਜ ਰਹੇ ਹਨ । ਗੱਗੂ ਗਿੱਲ ਨੇ ਕਿਹਾ ਕਿ ਜਿਹੜਾ ਡਿੱਗ ਕੇ ਖੜਾ ਹੋ ਜਾਵੇ ਉਹ ਹੀ ਅਸਲ ਪੰਜਾਬੀ ਹੈ ਕਿਉਂਕਿ ਪੰਜਾਬੀ ਹਰ ਮੁਸ਼ਕਿਲ ਨਾਲ ਲੜਨਾ ਜਾਣਦੇ ਹਨ ।