ਟੀਵੀ ਜਗਤ ’ਚ ਖ਼ਾਸ ਥਾਂ ਰੱਖਦੀ ਸੀ ਪ੍ਰਿਆ ਤੇਂਦੁਲਕਰ, ਛੋਟੀ ਉਮਰ ’ਚ ਹੋਈ ਦਰਦਨਾਕ ਮੌਤ

ਛੋਟੇ ਪਰਦੇ ਦੇ ਕੁਝ ਸਿਤਾਰੇ ਅਜਿਹੇ ਹੁੰਦੇ ਨੇ ਜਿਨ੍ਹਾਂ ਨੂੰ ਲੋਕ ਕਦੇ ਨਹੀਂ ਭੁੱਲਦੇ ਅਜਿਹੀ ਹੀ ਇੱਕ ਅਦਾਕਾਰਾ ਸੀ ਪ੍ਰਿਆ ਤੇਂਦੁਲਕਰ । ਪ੍ਰਿਆ ਤੇਂਦੁਲਕਰ ਨੇ ਆਪਣੇ ਸੀਰੀਅਲ ‘ਰਜਨੀ’ ਨਾਲ ਲੋਕਾਂ ਦੇ ਦਿਲਾਂ ਵਿੱਚ ਖ਼ਾਸ ਜਗ੍ਹਾ ਬਣਾ ਲਈ ਸੀ ਕਿਉਂਕਿ ਇਸ ਵਿੱਚ ਦੇਸ਼ ਵਿੱਚ ਫੈਲੇ ਭ੍ਰਿਸਟਾਚਾਰ ਨੂੰ ਬੜੀ ਬੇਬਾਕੀ ਨਾਲ ਦਿਖਾਇਆ ਜਾਂਦਾ ਸੀ । ਰਜਨੀ ਦਾ ਕਿਰਦਾਰ ਇਸ ਭ੍ਰਿਸ਼ਟਾਚਾਰ ਨਾਲ ਬੜੀ ਬੇਬਾਕੀ ਨਾਲ ਲੜਦਾ ਸੀ । ਇਸ ਕਰਕੇ ਰਜਨੀ ਤੇ ਪ੍ਰਿਆ ਤੇਂਦੁਲਕਰ ਘਰ-ਘਰ ਪਾਪੂਲਰ ਹੋ ਗਏ ਸੀ ।

https://www.youtube.com/watch?v=d-0fOYL9brM

ਪ੍ਰਿਆ ਲੇਖਕ ਵਿਜੈ ਤੇਂਦੁਲਕਰ ਦੀ ਬੇਟੀ ਸੀ । 19 ਅਕਤੂਬਰ ਨੂੰ ਪ੍ਰਿਆ ਦਾ ਜਨਮ ਦਿਨ ਹੁੰਦਾ ਹੈ । ਪ੍ਰਿਆ ਦਾ ਵਿਆਹ ਉਹਨਾਂ ਦੇ ਕੋ-ਸਟਾਰ ਕਰਣ ਰਾਜ਼ਦਾਨ ਨਾਲ ਹੋਇਆ ਸੀ ਪਰ ਇਹ ਵਿਆਹ ਜ਼ਿਆਦਾ ਚਿਰ ਨਹੀਂ ਚੱਲਿਆ ਤੇ 7 ਸਾਲਾਂ ਵਿੱਚ ਹੀ ਇਹ ਜੋੜੀ ਵੱਖ ਵੱਖ ਹੋ ਗਈ । ਸੀਰੀਅਲ ਰਜਨੀ ਵਿੱਚ ਰਾਜ਼ਦਾਨ ਉਸ ਦੇ ਪਤੀ ਦੇ ਕਿਰਦਾਰ ਵਿੱਚ ਸਨ । 1985 ਵਿੱਚ ਦੋਹਾਂ ਨੇ ਵਿਆਹ ਕਰ ਲਿਆ ਸੀ ।

47 ਸਾਲ ਦੀ ਉਮਰ ਵਿੱਚ ਦਿਲ ਦਾ ਦੌਰਾ ਪੈਣ ਨਾਲ ਪ੍ਰਿਆ ਦਾ ਦਿਹਾਂਤ ਹੋ ਗਿਆ ਸੀ । ਉਸ ਦੌਰ ਵਿੱਚ ਉਹ ਬ੍ਰੈਸਟ ਕੈਂਸਰ ਨਾਲ ਵੀ ਜੂਝ ਰਹੀ ਸੀ । 19 ਸਤੰਬਰ 2002 ਵਿੱਚ ਪ੍ਰਿਆ ਦਾ ਦਿਹਾਂਤ ਹੋ ਗਿਆ ਸੀ । ਰਜਨੀ ਤੋਂ ਇਲਾਵਾ ਪ੍ਰਿਆ ਨੇ ਏਕਤਾ ਕਪੂਰ ਦੇ ਸ਼ੋਅ ‘ਹਮ ਪਾਂਚ’ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾਈ ।

https://www.youtube.com/watch?v=K5r8YbwV_0g

ਇਸ ਸੀਰੀਅਲ ਵਿੱਚ ਉਹ ਫੋਟੋ ਫਰੇਮ ਵਿੱਚ ਮ੍ਰਿਤਕ ਪਤਨੀ ਦਾ ਕਿਰਦਾਰ ਨਿਭਾਉਂਦੀ ਸੀ । ਪ੍ਰਿਆ ਤੇਂਦੁਲਕਰ ਨੇ ਤਕਰੀਬਨ 20 ਫ਼ਿਲਮਾਂ ਵਿੱਚ ਵੀ ਕੰਮ ਕੀਤਾ ਸੀ । ਫ਼ਿਲਮ ਮੋਹਰਾ, ਗੁਪਤ, ਔਰ ਪਿਆਰ ਹੋ ਗਿਆ ਸਮੇਤ ਕਈ ਫ਼ਿਲਮਾਂ ਸ਼ਾਮਿਲ ਹਨ ।