ਪ੍ਰਿਯੰਕਾ ਨਿਊਜੀਲੈਂਡ ’ਚ ਬਣੀ ਪਹਿਲੀ ਭਾਰਤੀ ਮੂਲ ਦੀ ਮੰਤਰੀ
ਚੇਨਈ ਵਿੱਚ ਜੰਮੀ ਪ੍ਰਿਯੰਕਾ ਰਾਧਾਕ੍ਰਿਸ਼ਨਨ ਨਿਊਜ਼ੀਲੈਂਡ ਵਿੱਚ ਮੰਤਰੀ ਬਣਨ ਵਾਲੀ ਪਹਿਲੀ ਭਾਰਤੀ ਮੂਲ ਦੀ ਨਾਗਰਿਕ ਬਣ ਗਈ ਹੈ। ਪ੍ਰਿਯੰਕਾ ਨੂੰ ਜੈਸਿੰਡਾ ਆਡਰਨ ਦੇ ਮੰਤਰੀ ਮੰਡਲ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਮੰਤਰੀ ਦਾ ਅਹੁਦਾ ਮਿਲਣ 'ਤੇ ਪ੍ਰਿਯੰਕਾ ਨੇ ਖੁਸ਼ੀ ਜ਼ਾਹਰ ਕਰਦਿਆਂ ਸਾਰਿਆਂ ਦਾ ਧੰਨਵਾਦ ਕੀਤਾ ਹੈ। ਉਸ ਨੇ ਕਿਹਾ, "ਮੈਨੂੰ ਵਧਾਈ ਦੇਣ ਦਾ ਮੈਸੇਜ ਕਰਨ ਤੇ ਕਾਲ ਕਰਨ ਲਈ ਲਈ ਸਮਾਂ ਕੱਢਣ ਲਈ ਸਭ ਦਾ ਤਹਿ ਦਿਲੋਂ ਧੰਨਵਾਦ।"
ਹੋਰ ਪੜ੍ਹੋ :-
41 ਸਾਲਾ ਪ੍ਰਿਯੰਕਾ ਰਾਧਾਕ੍ਰਿਸ਼ਨਨ ਦਾ ਜਨਮ ਚੇਨਈ ਵਿੱਚ ਹੋਇਆ ਸੀ। ਹਾਲਾਂਕਿ, ਉਸ ਦਾ ਪਰਿਵਾਰ ਕੇਰਲ ਦੇ ਪੈਰਾਵੂਰ ਦਾ ਰਹਿਣ ਵਾਲਾ ਹੈ। ਪ੍ਰਿਯੰਕਾ ਪਹਿਲੀ ਵਾਰ ਸਕੂਲ ਸਿੱਖਿਆ ਲਈ ਸਿੰਗਾਪੁਰ ਗਈ ਸੀ। ਬਾਅਦ 'ਚ ਉਹ ਹੋਰ ਪੜ੍ਹਾਈ ਲਈ ਨਿਊਜ਼ੀਲੈਂਡ ਚਲੀ ਗਈ। ਪ੍ਰਿਅੰਕਾ ਰਾਧਾਕ੍ਰਿਸ਼ਨਨ ਸਤੰਬਰ 2017 'ਚ ਪਹਿਲੀ ਸੰਸਦ ਮੈਂਬਰ ਬਣੀ ਸੀ।
ਸਾਲ 2019 'ਚ ਉਨ੍ਹਾਂ ਨੂੰ ਨਸਲੀ ਭਾਈਚਾਰਿਆਂ ਲਈ ਸੰਸਦੀ ਪ੍ਰਾਈਵੇਟ ਸੱਕਤਰ ਨਿਯੁਕਤ ਕੀਤਾ ਗਿਆ ਸੀ।ਇਸ ਖੇਤਰ ਵਿਚ ਉਸ ਦੇ ਕੰਮ ਨੇ ਇਹ ਅਧਾਰ ਬਣਾਇਆ ਜਿਸ ਕਰਕੇ ਉਸ ਨੂੰ ਵਿਭਿੰਨਤਾ, ਸ਼ਮੂਲੀਅਤ ਅਤੇ ਨਸਲੀ ਕਮਿਊਨਿਟੀਆਂ ਬਣਾਇਆ। ਇਸ ਤੋਂ ਇਲਾਵਾ ਪ੍ਰਿਯੰਕਾ ਕਮਿਊਨਿਟੀ ਤੇ ਸਵੈਇੱਛੁਕ ਖੇਤਰ ਦੇ ਮੰਤਰੀ ਤੇ ਸਮਾਜਿਕ ਵਿਕਾਸ ਤੇ ਰੁਜ਼ਗਾਰ ਮੰਤਰਾਲੇ ਦੀ ਸਹਾਇਕ ਮੰਤਰੀ ਵੀ ਰਹਿਣਗੇ।