ਗੁਰਕਿਰਪਾਲ ਸੁਰਾਪੁਰੀ ਗਾਉਣ ਤੋਂ ਪਹਿਲਾਂ ਕਰਦੇ ਸਨ ਇਹ ਕੰਮ, ਜਨਮ ਦਿਨ ਤੇ ਜਾਣੋਂ ਪੂਰੀ ਕਹਾਣੀ By Rupinder Kaler 25 Feb 2019 | Updated On 25 Feb 2019 18:27 IST in Punjabi Buzz Celebrities Special New Update Advertisment ਤੇਰੇ ਨਾਲ ਹੱਸ ਕੀ ਲਿਆ ਮੁੰਡਿਆ ਤੂੰ ਤਾਂ ਮਗਰ ਪੈ ਗਿਆ ਮੇਰੇ ਵਰਗੇ ਹਿੱਟ ਗੀਤ ਦੇਣ ਵਾਲੇ ਗੁਰਕਿਰਪਾਲ ਸੁਰਾਪੁਰੀ ਦਾ ਅੱਜ ਜਨਮ ਦਿਨ ਹੈ । ਜਲੰਧਰ ਦੂਰਦਰਸ਼ਨ ਦੇ ਪ੍ਰੋਗਰਾਮ ਲਾਰਾ ਲੱਪਾ ਤੋਂ ਆਪਣੇ ਮਿਊਜ਼ਿਕ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਗੁਰਕਿਰਪਾਲ ਸੁਰਾਪੁਰੀ ਨੇ ਹੁਣ ਤੱਕ ਕਈ ਹਿੱਟ ਗੀਤ ਦਿੱਤੇ ਹਨ । ਕਰੀਅਰ ਦੀ ਸ਼ੁਰੂਆਤ ਦੀ ਗੱਲ ਕੀਤੀ ਜਾਵੇ ਤਾਂ ਲਾਰਾ ਲੱਪਾ ਪ੍ਰੋਗਰਾਮ ਵਿੱਚ ਸੁਰਜੀਤ ਬਿੰਦਰਖੀਆ, ਸਤਵਿੰਦਰ ਬੁੱਗਾ ਸਮੇਤ ਕੁਝ ਹੋਰ ਨਾਮਵਰ ਗਾਇਕਾਂ ਨੇ ਬੋਲੀਆਂ ਪਾਉਣੀਆਂ ਸਨ । ਇਹਨਾਂ ਗਾਇਕਾਂ ਦੇ ਨਾਲ ਗੁਰਕਿਰਪਾਲ ਸੁਰਾਪੁਰੀ ਨੇ ਵੀ ਇੱਕ ਬੋਲੀ ਪਾਉਣੀ ਸੀ ਤੇ ਇਸ ਸਭ ਦੇ ਚਲਦੇ ਜਦੋਂ ਗੁਰਕਿਰਪਾਲ ਸੁਰਾਪੁਰੀ ਨੇ ਬੋਲੀ ਪਾਈ ਤਾਂ ਉਸ ਦੀ ਅਵਾਜ਼ ਨੇ ਹਰ ਇੱਕ ਨੂੰ ਕਾਇਲ ਕਰ ਦਿੱਤਾ । ਇਸ ਤੋਂ ਬਾਅਦ ਉਸ ਨੇ ਮੁੜਕੇ ਨਹੀਂ ਦੇਖਿਆ । ਗੁਰਕਿਰਪਾਲ ਸੁਰਾਪੁਰੀ ਦਾ ਮਿਊਜ਼ਿਕ ਨਾਲ ਕੋਈ ਵੀ ਵਾਸਤਾ ਨਹੀਂ ਸੀ ਸ਼ੁਰੂ ਦੇ ਦਿਨਾਂ ਵਿੱਚ ਉਹ ਪਨ ਵਾਇਰ ਨਾਂ ਦੀ ਕੰਪਨੀ ਵਿੱਚ ਸੀਨੀਅਰ ਟੈਕਨੀਕਲ ਅਸਿਸਟੈਂਟ ਦੇ ਤੌਰ 'ਤੇ ਕੰਮ ਕਰਦੇ ਸਨ । ਗੁਰਕਿਰਪਾਲ ਸੁਰਾਪੁਰੀ ਨੇ ਇਲੈਕਟ੍ਰਾਨਿਕ ਕਮਿਊਨੀਕੇਸ਼ਨ ਵਿੱਚ ਡਿਪਲੋਮਾ ਕੀਤਾ ਹੋਇਆ ਹੈ । Advertisment ਪਰ ਇਸ ਸਭ ਦੇ ਚਲਦੇ ਉਹ ਭੰਗੜਾ ਆਰਟਿਸਟ ਸੁਰਿੰਦਰ ਰਿਹਾਲ ਦੀ ਪਾਰਟੀ ਵਿੱਚ ਬੋਲੀਆਂ ਪਾਉਂਦੇ ਹੁੰਦੇ ਸਨ । ਪਰ ਜਦੋਂ ਉਹਨਾਂ ਦੀ ਅਵਾਜ਼ ਨੂੰ ਹਰ ਇੱਕ ਨੇ ਪਸੰਦ ਕੀਤਾ ਤਾਂ ਉਹਨਾਂ ਨੇ ਵਾਸੂਦੇਵ ਗੋਸਵਾਮੀ ਕੋਲੋਂ ਮਿਊਜ਼ਿਕ ਦੀਆਂ ਬਰੀਕੀਆਂ ਸਿੱਖੀਆਂ । ਗੁਰਕਿਰਪਾਲ ਸੁਰਾਪੁਰੀ ਦਾ ਸਭ ਤੋਂ ਪਹਿਲਾ ਹਿੱਟ ਗੀਤ ਕੰਗਣਾ ਸੀ ਇਹ ਗੀਤ ਵੀ ਸਭ ਤੋਂ ਪਹਿਲਾਂ ਜਲੰਧਰ ਦੂਰਦਰਸ਼ਨ ਤੇ ਆਇਆ ਸੀ ਇਸ ਗੀਤ ਨੇ ਗੁਰਕਿਰਪਾਲ ਸੁਰਾਪੁਰੀ ਨੂੰ ਗਾਇਕੀ ਦੇ ਖੇਤਰ ਵਿੱਚ ਇੱਕ ਪਹਿਚਾਣ ਦਿਵਾ ਦਿੱਤੀ ਸੀ । ਗੁਰਕਿਰਪਾਲ ਸੁਰਾਪੁਰੀ ਦੇ ਗੀਤਾਂ ਦੀ ਖ਼ਾਸ ਗੱਲ ਇਹ ਹੈ ਕਿ ਉਹਨਾਂ ਦੇ ਜ਼ਿਆਦਾਤਰ ਗੀਤਾਂ ਦੀ ਕੰਪੋਜੀਸ਼ਨ ਵੀ ਉਹਨਾਂ ਨੇ ਖੁਦ ਹੀ ਕੀਤੀ ਹੈ ।ਗੁਰਕਿਰਪਾਲ ਗੀਤ ਵੀ ਲਿਖਦੇ ਹਨ ਕਿਉਂਕਿ ਲੇਖਣੀ ਉਹਨਾਂ ਦੇ ਖੂਨ ਵਿੱਚ ਸੀ । ਗੁਰਕਿਰਪਾਲ ਦੇ ਪਿਤਾ ਤੇ ਚਾਚਾ ਜੀ ਗਜ਼ਲਾਂ ਲਿਖਦੇ ਹਨ । ਜਦੋਂ ਦੀਆਂ ਟੁੱਟੀਆਂ ਨੇ ਯਾਰੀਆਂ, ਯਾਰੀ ਲਾ ਕੇ ਜਿਹੜੇ ਮੁਖ ਮੋੜ ਲੈਂਦੇ ਨੇ ਵਰਗੇ ਬਹੁਤ ਸਾਰੇ ਗੀਤ ਗੁਰਕਿਰਪਾਲ ਸੁਰਾਪੁਰੀ ਨੇ ਖੁਦ ਲਿਖੇ ਹਨ । ਗੁਰਕਿਰਪਾਲ ਸੁਰਾਪੁਰੀ ਦਾ ਅਸਲੀ ਨਾਂ ਗੁਰਕਿਰਪਾਲ ਸਿੰਘ ਹੈ ਪਰ ਸੁਰਾਪੁਰੀ ਉਹਨਾਂ ਨੇ ਆਪਣੇ ਪਿੰਡ ਦੇ ਨਾਂ ਨੂੰ ਜੋੜ ਕੇ ਬਣਾਇਆ ਹੈ । ਉਹਨਾਂ ਦਾ ਪਿੰਡ ਸੁਰਾਪੁਰੀ ਨਵਾਂ ਸ਼ਹਿਰ ਦੇ ਨਾਲ ਲੱਗਦਾ ਹੈ । ਗੁਰਕਿਰਪਾਲ ਸੁਰਾਪੁਰੀ ਮੁਤਾਬਿਕ ਉਸ ਇਸ ਫੀਲਡ ਵਿੱਚ ਹਨ ਇਸ ਲਈ ਉਹਨਾਂ ਦੇ ਪਰਿਵਾਰ ਦਾ ਸਭ ਤੋਂ ਵੱਡਾ ਹੱਥ ਹੈ ਕਿਉਂਕਿ ਉਹ ਕੋਈ ਵੀ ਗਾਣਾ ਗਾਉਣ ਤੋਂ ਪਹਿਲਾ ਆਪਣੇ ਪਰਿਵਾਰ ਨੂੰ ਸੁਣਾਉਂਦੇ ਹਨ । ਗੁਰਕਿਰਪਾਲ ਸੁਰਾਪੁਰੀ ਮੁਤਾਬਿਕ ਉਹਨਾਂ ਦਾ ਪਸੰਦੀਦਾ ਗਾਇਕ ਮਲਕੀਤ ਸਿੰਘ ਹੈ ਜਿਨ੍ਹਾਂ ਨੇ ਵਿਦੇਸ਼ ਵਿੱਚ ਰਹਿੰਦੇ ਹੋਏ ਵੀ ਪੰਜਾਬੀਅਤ ਨੂੰ ਬਰਕਰਾਰ ਰੱਖਿਆ ਹੈ । #gurkirpal-surapuri Subscribe to our Newsletter! Be the first to get exclusive offers and the latest news Subscribe Now Advertisment Stay updated with the latest news headlines. Follow us: Related Articles Advertisment Advertisment Latest Stories Advertisment Read the Next Article