LIVE:
ਜਦੋਂ ਰਣਜੀਤ ਬਾਵਾ ਦੀ ਪੱਗ 'ਚ ਨੋਟ ਫਸਾਉਣ ਵਾਲੇ ਪ੍ਰਸ਼ੰਸਕ ਦੀ ਬਾਂਹ ਫੜਕੇ ਉਹਨਾਂ ਸਮਝਾਈ ਪੱਗ ਦੀ ਅਹਿਮੀਅਤ, ਦੇਖੋ ਵੀਡੀਓ
ਪੰਜਾਬੀ ਗਾਇਕਾਂ ਦੇ ਲਾਈਵ ਸ਼ੋਅ ਦੌਰਾਨ ਅਕਸਰ ਹੀ ਬਹੁਤ ਸਾਰੀਆਂ ਅਜਿਹੀਆਂ ਘਟਨਾਵਾਂ ਹੋ ਜਾਂਦੀਆਂ ਹਨ ਜਿਹੜੀਆਂ ਕਈ ਵਾਰ ਕਿਸੇ ਨਾ ਕਿਸੇ ਵਿਵਾਦ ਨੂੰ ਵੀ ਸੱਦਾ ਦੇ ਦਿੰਦੀਆਂ ਹਨ। ਜ਼ਿਆਦਾਤਰ ਅਜਿਹੇ ਮੌਕੇ ਸੋਸ਼ਲ ਮੀਡੀਆ 'ਤੇ ਕਲਾਕਾਰ ਦਾ ਕਸੂਰ ਲੋਕਾਂ ਵੱਲੋਂ ਕੱਢਿਆ ਜਾਂਦਾ ਹੈ। ਹੁਣ ਰਣਜੀਤ ਬਾਵਾ ਦੇ ਲਾਈਵ ਸ਼ੋਅ ਦਾ ਇੱਕ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ ਜਿਸ 'ਚ ਇੱਕ ਵਿਅਕਤੀ ਅਚਾਨਕ ਸਟੇਜ 'ਤੇ ਆ ਕੇ ਰਣਜੀਤ ਬਾਵਾ ਦੀ ਪੱਗ 'ਚ ਨੋਟ ਫਸਾਉਣ ਦੀ ਕੋਸ਼ਿਸ਼ ਕਰਦਾ ਹੈ।
ranjit bawa
ਇਹ ਦੇਖ ਰਣਜੀਤ ਬਾਵਾ ਤੁਰੰਤ ਪਿੱਛੇ ਹੱਟ ਜਾਂਦੇ ਹਨ ਅਤੇ ਉਸ ਵਿਅਕਤੀ ਨੂੰ ਸਮਝਾਉਂਦੇ ਹਨ ਕਿ ਇਸ ਤਰ੍ਹਾਂ ਕਰਨ ਨਾਲ ਪੱਗ ਉੱਤਰ ਸਕਦੀ ਹੈ। ਇਹ ਹੀ ਨਹੀਂ ਰਣਜੀਤ ਬਾਵਾ ਸਟੇਜ ਤੋਂ ਕਹਿੰਦੇ ਹਨ ਕਿ ਪੱਗ ਬਹੁਤ ਕੁਰਬਾਨੀਆਂ ਨਾਲ ਮਿਲੀ ਹੈ ਇਸ ਦਾ ਸਤਿਕਾਰ ਕਰਨਾ ਹਰ ਕਿਸੇ ਦਾ ਫਰਜ਼ ਹੈ। ਇਸ 'ਤੇ ਕੋਈ ਵਿਵਾਦ ਨਾ ਹੋ ਜਾਵੇ ਇਸ ਨੂੰ ਦੇਖਦੇ ਹੋਏ ਰਣਜੀਤ ਬਾਵਾ ਨੇ ਉਸ ਪ੍ਰਸ਼ੰਸਕ ਨੂੰ ਫਿਰ ਤੋਂ ਸਟੇਜ 'ਤੇ ਬੁਲਾਇਆ 'ਤੇ ਸਮਝਾਇਆ ਕਿ ਬਾਅਦ 'ਚ ਲੋਕ ਕਲਾਕਾਰਾਂ ਦਾ ਦੋਸ਼ ਦੱਸਦੇ ਹਨ ਇਸ ਲਈ ਫੋਟੋਆਂ ਖਿਚਵਾਉਣ ਤੋਂ ਮਨਾ ਨਹੀਂ ਕਰਦੇ ਬਸ ਪੱਗ ਦਾ ਧਿਆਨ ਰੱਖਣ ਦੀ ਜ਼ਰੂਰਤ ਹੁੰਦੀ ਹੈ।
ਦੱਸ ਦਈਏ ਪਿਛਲੇ ਦਿਨੀਂ ਗੁਰਨਾਮ ਭੁੱਲਰ ਦਾ ਵੀਡੀਓ ਕਾਫੀ ਵਾਇਰਲ ਹੋਇਆ ਸੀ ਜਿਸ 'ਚ ਗੁਰਨਾਮ ਭੁੱਲਰ ਫੈਨ ਨਾਲ ਬਦਸਲੂਕੀ ਕਰਦੇ ਹੋਏ ਨਜ਼ਰ ਆਏ ਸੀ। ਹਾਲਾਂਕਿ ਬਾਅਦ 'ਚ ਗੁਰਨਾਮ ਭੁੱਲਰ ਨੇ ਉਸ ਫੈਨ ਨਾਲ ਮੁਲਾਕਾਤ ਕਰ ਮੁਆਫੀ ਵੀ ਮੰਗ ਲਈ ਸੀ। ਇਸ ਲਈ ਰਣਜੀਤ ਬਾਵਾ ਨੇ ਸਟੇਜ 'ਤੇ ਹੀ ਆਪਣੀ ਇਹ ਸਾਰੀ ਗੱਲ ਸਾਫ ਕਰ ਦਿੱਤੀ ਤਾਂ ਜੋ ਕੋਈ ਵਿਵਾਦ ਨਾ ਹੋਵੇ।
ਹੋਰ ਵੇਖੋ : ਗੁਰਨਾਮ ਭੁੱਲਰ ਲਈ ਬਹੁਤ ਖ਼ਾਸ ਹੈ ਉਹਨਾਂ ਦਾ ਨਵਾਂ ਗੀਤ 'ਪਾਗਲ',ਇਹ ਹੈ ਗੀਤ ਪਿੱਛੇ ਦੀ ਸਾਰੀ ਕਹਾਣੀ
ਰਣਜੀਤ ਬਾਵਾ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹਨਾਂ ਦੀ ਫ਼ਿਲਮ ਤਾਰਾ ਮੀਰਾ ਜਿਸ ਨੂੰ ਗੁਰੂ ਰੰਧਾਵਾ ਪ੍ਰੋਡਿਊਸ ਕਰ ਰਹੇ ਹਨ ,11 ਅਕਤੂਬਰ ਨੂੰ ਸਿਨੇਮਾ ਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਰਣਜੀਤ ਬਾਵਾ ਫ਼ਿਲਮ ਦੀ ਸਾਰੀ ਟੀਮ ਸਮੇਤ ਪ੍ਰਮੋਸ਼ਨਾਂ 'ਚ ਕਾਫੀ ਰੁੱਝੇ ਹੋਏ ਹਨ।
