ਮਸ਼ਹੂਰ ਅਦਾਕਾਰ ਰਣਜੀਤ ਚੌਧਰੀ ਦਾ 64 ਸਾਲ ਦੀ ਉਮਰ ਵਿੱਚ ਦਿਹਾਂਤ, ਆਾਖਰੀ ਵਾਰ ਫ਼ਿਲਮ ‘ਕਾਂਟੇ’ ’ਚ ਆਏ ਸਨ ਨਜ਼ਰ

ਮਸ਼ਹੂਰ ਅਦਾਕਾਰ ਰਣਜੀਤ ਚੌਧਰੀ ਦਾ 64 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਹੈ । ਉਹਨਾਂ ਦੇ ਦਿਹਾਂਤ ਦੀ ਖ਼ਬਰ ਉਹਨਾਂ ਦੀ ਭੈਣ ਨੇ ਆਪਣੇ ਇੰਸਟਾਗ੍ਰਾਮ ਤੇ ਦਿੱਤੀ ਹੈ । ਤਕਰੀਬਨ 40 ਫ਼ਿਲਮਾਂ ਅਤੇ ਟੀਵੀ ਸੀਰੀਅਲ ਵਿੱਚ ਕੰਮ ਕਰ ਚੁੱਕੇ ਰਣਜੀਤ ਚੌਧਰੀ ਨੂੰ ਲੋਕ ਮਿਸੀਸਿਪੀ ਮਸਾਲਾ ਤੇ ਕਾਮਸੂਤਰ ਵਿੱਚ ਉਹਨਾਂ ਦੇ ਕਿਰਦਾਰ ਨੂੰ ਲੈ ਕੇ ਯਾਦ ਕਰਦੇ ਹਨ । ਰਣਜੀਤ ਮਸ਼ਹੂਰ ਅਦਾਕਾਰਾ ਪਰਲ ਦੇ ਬੇਟੇ ਹਨ । ਰਣਜੀਤ ਦੀ ਭੈਣ ਦਾ ਨਾਂਅ ਰੋਹਿਨੀ ਚੌਧਰੀ ਹੈ ।

https://www.instagram.com/p/B_Afz9lpPf7/

ਰਣਜੀਤ ਚੌਧਰੀ ਨੇ ਫ਼ਿਲਮ ਖੱਟਾ ਮੀਠਾ ਤੋਂ ਆਪਣਾ ਕਰੀਅਰ ਸ਼ੁਰੂ ਕੀਤਾ ਸੀ । ਬਾਅਦ ਵਿੱਚ ਉਹ ਬਾਤੋਂ ਬਾਤੋਂ ਮੈ, ਖੂਬਸੁਰਤ ਅਤੇ ਕਾਲੀਆ ਵਰਗੀਆਂ ਫ਼ਿਲਮਾਂ ਵਿੱਚ ਨਜ਼ਰ ਆਏ । ਲੰਮੇ ਅਰਸੇ ਤੱਕ ਰਣਜੀਤ ਅਮਰੀਕਾ ਵਿੱਚ ਇਕੱਲੇ ਹੀ ਭਟਕਦੇ ਰਹੇ ।

https://twitter.com/Bollywoodirect/status/1250481145197637632

ਉਹਨਾਂ ਵੱਲੋਂ ਲਿਖੀ ਕਹਾਣੀ ਸੈਮ ਐਂਡ ਮੀ ਨੂੰ ਦੀਪਾ ਮਹਿਤਾ ਨੇ ਫ਼ਿਲਮ ਦੇ ਰੂਪ ਵਿੱਚ ਨਿਰਦੇਸ਼ਨ ਵੀ ਕੀਤਾ ਹੈ । ਇਸ ਫ਼ਿਲਮ ਵਿੱਚ ਰਣਜੀਤ ਨੇ ਅਦਾਕਾਰੀ ਵੀ ਕੀਤੀ ਹੈ । ਦੀਪਾ ਮਹਿਤਾ ਤੇ ਰਣਜੀਤ ਚੰਗੇ ਦੋਸਤ ਸਨ, ਉਹ ਹਮੇਸ਼ਾ ਉਹਨਾਂ ਦੀਆਂ ਫ਼ਿਲਮਾਂ ਵਿੱਚ ਨਜ਼ਰ ਆਉਂਦੇ ਸਨ ।