ਹੁਣ ਰਾਨੂ ਮੰਡਲ ਦੀ ਇਸ ਵੀਡੀਓ ਨੇ ਸੋਸ਼ਲ ਮੀਡੀਆ ’ਤੇ ਲਿਆਂਦਾ ਭੂਚਾਲ

ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਤੇ ਮਿਊਜ਼ਿਕ ਡਾਈਰੈਕਟਰ ਹਿਮੇਸ਼ ਰੇਸ਼ਮਿਆ ਨੇ ਆਪਣੀ ਫ਼ਿਲਮ ਲਈ ਰਾਨੂ ਮੰਡਲ ਤੋਂ ਇੱਕ ਗਾਣਾ ਗਵਾਇਆ ਹੈ । ਇਸ ਗਾਣੇ ਦਾ ਵੀਡੀਓ ਸੋਸ਼ਲ ਮੀਡੀਆ ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ । ਇਸ ਵੀਡੀਓ ਤੋਂ ਬਾਅਦ ਰਾਨੂ ਦਾ ਇੱਕ ਹੋ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ ਇਸ ਵੀਡੀਓ ਵਿੱਚ ਰਾਨੂੰ ਲਤਾ ਮੰਗੇਸ਼ਕਰ ਦਾ ਮਸ਼ਹੂਰ ਗਾਣਾ ‘ਡਫਲੀ ਵਾਲੇ ਡਫਲੀ ਵਜਾ’ ਗਾ ਰਹੀ ਹੈ ।

https://www.instagram.com/p/B1eZd0MBwqA/

ਇਹ ਗਾਣਾ 1979 ਵਿੱਚ ਰਿਲੀਜ਼ ਹੋਈ ਫ਼ਿਲਮ ਸਰਗਮ ਦਾ ਹੈ । ਇਹ ਗੀਤ ਰਿਸ਼ੀ ਕਪੂਰ ’ਤੇ ਫ਼ਿਲਮਾਇਆ ਗਿਆ ਹੈ । ਇਸ ਗਾਣੇ ਨੂੰ ਲਤਾ ਮੰਗੇਸ਼ਕਰ ਤੇ ਮੁਹੰਮਦ ਰਫੀ ਨੇ ਗਾਇਆ ਸੀ । ਰਾਨੂ ਮੰਡਲ ਨੇ ਇਸ ਗਾਣੇ ਨੂੰ ਗਾ ਕੇ ਇੱਕ ਵਾਰ ਫਿਰ ਇਸ ਗਾਣੇ ਵਿੱਚ ਨਵੀਂ ਰੂਹ ਫੂਕ ਦਿੱਤੀ ਹੈ । ਰਾਨੂ ਮੰਡਲ ਦੀ ਜੋ ਵੀਡੀਓ ਸਾਹਮਣੇ ਆਈ ਹੈ, ਉਸ ਵਿੱਚ ਉਹ ਕਿਸੇ ਸਟੂਡੀਓ ਵਿੱਚ ਬੈਠੀ ਹੋਈ ਨਜ਼ਰ ਆ ਰਹੀ ਹੈ ।

ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਹਾਲ ਹੀ ਵਿੱਚ ਰਾਨੂ ਇੱਕ ਟੀਵੀ ਸ਼ੋਅ ਵਿੱਚ ਗੈਸਟ ਬਣਕੇ ਪਹੁੰਚੀ ਸੀ । ਇਸ ਦੌਰਾਨ ਰਾਨੂ ਤੋਂ ਪੁਛਿਆ ਗਿਆ ਕਿ ਉਹ ਸਟੇਸ਼ਨ ’ਤੇ ਗਾਣਾ ਕਿਉਂ ਗਾਉਂਦੀ ਸੀ ? ਇਸ ਦੇ ਜੁਵਾਬ ਵਿੱਚ ਰਾਨੂ ਨੇ ਕਿਹਾ ਕਿ ‘ਮੈਂ ਰੇਲਵੇ ਸਟੇਸ਼ਨ ’ਤੇ ਇਸ ਲਈ ਗਾਉਂਦੀ ਸੀ, ਕਿਉਂਕਿ ਮੇਰੇ ਕੋਲ ਘਰ ਨਹੀਂ ਸੀ ਤੇ ਗਾਣਾ ਗਾ ਕੇ ਮੈਂ ਆਪਣਾ ਢਿੱਡ ਭਰਦੀ ਸੀ । ਸਟੇਸ਼ਨ ਤੇ ਕੋਈ ਖਾਣ ਲਈ ਦੇ ਜਾਂਦਾ ਸੀ ਤੇ ਕੋਈ ਪੈਸੇ ਦੇ ਜਾਂਦਾ ਸੀ’ ।

https://www.instagram.com/p/B1qJFsPBzsG/