ਰਵੀਨਾ ਟੰਡਨ ਨੇ ਸ਼ਿਲਪਾ ਸ਼ੈੱਟੀ ਦੇ ਲਈ ਚੁੱਕਿਆ ਵੱਡਾ ਕਦਮ, ਲਿਆ ਇਹ ਫ਼ੈਸਲਾ

ਸ਼ਿਲਪਾ ਸ਼ੈੱਟੀ ਏਨੀਂ ਦਿਨੀਂ ਆਪਣੇ ਪਤੀ ਦੇ ਕਾਰਨ ਕਾਫੀ ਚਰਚਾ ‘ਚ ਹੈ । ਜਿਸ ਕਾਰਨ ਉਸ ਨੇ ਰਿਆਲਟੀ ਸ਼ੋਅ ਨੂੰ ਵੀ ਅਲਵਿਦਾ ਆਖ ਦਿੱਤਾ ਹੈ । ਅਜਿਹੇ ‘ਚ ਸ਼ਿਲਪਾ ਸ਼ੈੱਟੀ ਦੀ ਜਗ੍ਹਾ ‘ਤੇ ਸ਼ੋਅ ਦੇ ਮੇਕਰਸ ਨਵੇਂ ਜੱਜ ਦੀ ਭਾਲ ਕਰ ਰਹੇ ਹਨ । ਇਸ ਦੇ ਲਈ ਸ਼ੋਅ ਦੇ ਮੇਕਰਸ ਨੇ ਰਵੀਨਾ ਟੰਡਨ ਨੂੰ ਜੱਜ ਬਨਾਉਣ ਦਾ ਆਫਰ ਵੀ ਦਿੱਤਾ ਸੀ ਪਰ ਰਵੀਨਾ ਨੇ ਇਸ ਆਫਰ ਨੂੰ ਠੁਕਰਾ ਦਿੱਤਾ ਹੈ ।

ਹੋਰ ਪੜ੍ਹੋ : ਨਦੀ ਵਿੱਚ ਫਸੇ ਨੌਜਵਾਨ ਦੀ ਇਸ ਮੁੰਡੇ ਨੇ ਬਚਾਈ ਜਾਨ, ਵੀਡੀਓ ਹੋ ਰਿਹਾ ਹੈ ਵਾਇਰਲ 

ਖਬਰਾਂ ਮੁਤਾਬਕ ਸ਼ੋਅ ਦੇ ਮੇਕਰਸ ਨੇ ਰਵੀਨਾ ਨੂੰ ਇਸ ਲਈ ਸੰਪਰਕ ਵੀ ਕੀਤਾ ਸੀ । ਪਰ ਅਦਾਕਾਰਾ ਨੇ ਸਾਫ ਇਨਕਾਰ ਕਰ ਦਿੱਤਾ ਹੈ । ਦੱਸਿਆ ਜਾ ਰਿਹਾ ਹੈ ਕਿ ਰਵੀਨਾ ਨੇ ਇਹ ਕਹਿੰਦੇ ਹੋਏ ਸਾਫ ਇਨਕਾਰ ਕੀਤਾ ਹੈ ਕਿ ਇਹ ਸ਼ੋਅ ਸ਼ਿਲਪਾ ਨੂੰ ਬਿਲੋਂਗ ਕਰਦਾ ਹੈ ਅਤੇ ਉਸ ਦੀ ਇਹੀ ਇੱਛਾ ਹੈ ਕਿ ਇਸ ਸ਼ੋਅ ਨੂੰ ਸ਼ਿਲਪਾ ਹੀ ਕਰੇ ।

ਦੱਸ ਦਈਏ ਕਿ ਰਵੀਨਾ ਟੰਡਨ ਏਨੀਂ ਦਿਨੀਂ ਦੇਸ਼ ਤੋਂ ਬਾਹਰ ਗਈ ਹੋਈ ਹੈ ਅਤੇ ਅਗਲੇ ਮਹੀਨੇ ਹੀ ਉਹ ਵਾਪਸ ਪਰਤੇਗੀ ।ਦੱਸ ਦਈਏ ਕਿ ਸ਼ਿਲਪਾ ਸ਼ੈੱਟੀ ਏਨੀਂ ਦਿਨੀਂ ਆਪਣੇ ਪਤੀ ਰਾਜ ਕੁੰਦਰਾ ਦੀ ਗ੍ਰਿਫਤਾਰੀ ਨੂੰ ਲੈ ਕੇ ਕਾਫੀ ਪ੍ਰੇਸ਼ਾਨ ਚੱਲ ਰਹੀ ਹੈ ।