LIVE:
ਰਾਨੂੰ ਮੰਡਲ ਨੂੰ 55 ਲੱਖ ਦਾ ਘਰ ਦੇਣ ਦੀ ਖ਼ਬਰ 'ਤੇ ਪਹਿਲੀ ਵਾਰ ਬੋਲੇ ਸਲਮਾਨ ਖ਼ਾਨ, ਦੱਸੀ ਸੱਚਾਈ
ਲਤਾ ਮੰਗੇਸ਼ਕਰ ਦਾ ਗੀਤ ਗਾ ਕੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਰਾਨੂੰ ਮੰਡਲ ਜਿਸ ਦੀ ਕਿਸਮਤ ਪੂਰੀ ਤਰ੍ਹਾਂ ਨਾਲ ਬਦਲ ਚੁੱਕੀ ਹੈ। ਰਾਨੂੰ ਮੰਡਲ ਹਿਮੇਸ਼ ਰੇਸ਼ਮੀਆ ਨਾਲ ਕਈ ਗੀਤ ਗਾ ਚੁੱਕੀ ਹੈ ਜਿਹੜੇ ਉਸ ਦੀ ਫ਼ਿਲਮ ਹੈਪੀ ਹਾਰਡੀ ਐਂਡ ਹੀਰ 'ਚ ਸੁਣਨ ਨੂੰ ਮਿਲਣ ਵਾਲੇ ਹਨ। ਰਾਤੋ ਰਾਤ ਸਟਾਰ ਬਣੀ ਰਾਨੂੰ ਮੰਡਲ ਨਾਲ ਜੁੜੀਆਂ ਕਈ ਖ਼ਬਰਾਂ ਸਾਹਮਣੇ ਆਈਆਂ ਜਿੰਨ੍ਹਾਂ 'ਚੋਂ ਇੱਕ ਕਾਫੀ ਵਾਇਰਲ ਹੋਈ।ਉਹ ਸੀ ਕਿ ਰਾਨੂੰ ਮੰਡਲ ਨੂੰ ਸਲਮਾਨ ਖ਼ਾਨ ਨੇ 55 ਲੱਖ ਦਾ ਘਰ ਗਿਫ਼ਟ 'ਚ ਦਿੱਤਾ ਹੈ।
ਹੁਣ ਸਲਮਾਨ ਖ਼ਾਨ ਦਾ ਪਹਿਲੀ ਵਾਰ ਇਸ ਖ਼ਬਰ 'ਤੇ ਬਿਆਨ ਸਾਹਮਣੇ ਆਇਆ ਹੈ। ਬਾਂਬੇ ਟਾਈਮਸ ਨਾਲ ਗੱਲ ਕਰਦੇ ਹੋਏ ਸਲਮਾਨ ਖ਼ਾਨ ਦਾ ਕਹਿਣਾ ਹੈ ਕਿ 'ਇਹ ਗਲਤ ਖ਼ਬਰ ਹੈ ਮੈਂ ਇਸ ਬਾਰੇ 'ਚ ਸੁਣਿਆ ਹੈ। ਮੈਂ ਕੁਝ ਵੀ ਨਹੀਂ ਕੀਤਾ ਹੈ ਅਤੇ ਉਸ ਦਾ ਕਰੈਡਿਟ ਵੀ ਨਹੀਂ ਦੇਣਾ ਚਾਹੀਦਾ ਹੈ। ਮੈਂ ਉਹਨਾਂ ਲਈ ਅਜਿਹਾ ਕੁਝ ਨਹੀਂ ਕੀਤਾ ਹੈ'।
ਇਸ ਤੋਂ ਪਹਿਲਾਂ ਰਾਨੂੰ ਮੰਡਲ ਨੇ ਇੱਕ ਵੈੱਬਸਾਈਟ ਨੂੰ ਇੰਟਰਵਿਊ 'ਚ ਕਿਹਾ ਸੀ 'ਜੀ ਨਹੀਂ ਜੇਕਰ ਉਹ ਮੈਨੂੰ ਘਰ ਦਿੰਦੇ ਤਾਂ ਸਭ ਦੇ ਸਾਹਮਣੇ ਮੈਨੂੰ ਪੇਸ਼ ਕਰਦੇ। ਉਹ ਕਹਿੰਦੇ ਕਿ ਹਾਂ ਮੈਂ ਰਾਨੂੰ ਮੰਡਲ ਨੂੰ ਘਰ ਦਿੱਤਾ ਹੈ ਜਾਂ ਫਿਰ ਦੋਸਤ ਨੂੰ ਘਰ ਦਿੱਤਾ ਹੈ। ਮਤਲਬ ਕੁਝ ਤਾਂ ਬੋਲ ਕੇ ਐਲਾਨ ਕਰਦੇ ਜਦੋਂ ਤੱਕ ਅਜਿਹਾ ਕੁਝ ਨਹੀਂ ਹੁੰਦਾ ਹੈ ਇਹ ਸੋਚਣਾ ਤਾਂ ਠੀਕ ਨਹੀਂ ਹੈ'।
ਰਾਨੂੰ ਮੰਡਲ ਦਾ ਵੀਡੀਓ ਬਣਾ ਉਹਨਾਂ ਨੂੰ ਮਸ਼ਹੂਰ ਕਰਨ ਵਾਲੇ ਉਹਨਾਂ ਦੇ ਮੈਨੇਜਰ ਅਤਿੰਦਰ ਚੱਕਰਵਰਤੀ ਵੀ ਮੀਡੀਆ ਅੱਗੇ ਇਹਨਾਂ ਖ਼ਬਰਾਂ ਦਾ ਖੰਡਨ ਕਰ ਚੁੱਕੇ ਹਨ। ਅਸਲ 'ਚ ਰਾਨੂੰ ਮੰਡਲ ਨੂੰ ਘਰ ਰਾਨਾਘਾਟ ਦੇ ਲੋਕਲ ਪ੍ਰਸ਼ਾਸ਼ਨ ਵੱਲੋਂ ਦਿੱਤਾ ਗਿਆ ਸੀ ਅਤੇ ਉਹਨਾਂ ਦਾ ਅਧਾਰ ਕਾਰਡ ਬਣਵਾਇਆ ਗਿਆ ਸੀ। ਹੁਣ ਘਰ ਵਾਲੀਆਂ ਖ਼ਬਰਾਂ 'ਤੇ ਸਲਮਾਨ ਖ਼ਾਨ ਨੇ ਖ਼ੁਦ ਝੂਠੀਆਂ ਹੋਣ ਦੀ ਮੋਹਰ ਲਗਾ ਦਿੱਤੀ ਹੈ।
