ਬਾਲੀਵੁੱਡ ਵਿੱਚ ਸਰਦਾਰਾਂ ਦੀ ਪੈਂਦੀ ਹੈ ਧੱਕ, ਆਮਿਰ ਖ਼ਾਨ ਤੋਂ ਬਾਅਦ ਸਲਮਾਨ ਖ਼ਾਨ ਆਉਣਗੇ ਸਰਦਾਰ ਲੁੱਕ ’ਚ ਨਜ਼ਰ …!
ਬਾਲੀਵੁੱਡ ਦੇ ਮਿਸਟਰ ਪਰਫੈਕਟਨਿਸਟ ਆਮਿਰ ਖ਼ਾਨ ਛੇਤੀ ਹੀ ਫ਼ਿਲਮ ਲਾਲ ਸਿੰਘ ਚੱਡਾ ਵਿੱਚ ਸਰਦਾਰ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ । ਫ਼ਿਲਮ ਨੂੰ ਲੈ ਕੇ ਉਹਨਾਂ ਦੇ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ । ਪਰ ਇਸ ਸਭ ਦੇ ਚਲਦੇ ਇੱਕ ਖ਼ਬਰ ਆ ਰਹੀ ਹੈ ਕਿ ਛੇਤੀ ਹੀ ਸਲਮਾਨ ਖ਼ਾਨ ਵੀ ਸਰਦਾਰ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆ ਸਕਦੇ ਹਨ । ਆਮਿਰ ਖ਼ਾਨ ਦਾ ਕੁਝ ਦਿਨ ਪਹਿਲਾਂ ਪੱਗ ਵਾਲਾ ਲੁੱਕ ਸਾਹਮਣੇ ਆਇਆ ਸੀ ਜਿਸ ਨੂੰ ਕਿ ਕਾਫੀ ਪਸੰਦ ਕੀਤਾ ਗਿਆ ਸੀ ।
https://www.instagram.com/p/B4_nGQ3h3k-/
ਖ਼ਬਰਾਂ ਦੀ ਮੰਨੀਏ ਤਾਂ ਸਲਮਾਨ ਖ਼ਾਨ ਆਪਣੇ ਜੀਜੇ ਆਯੂਸ਼ ਸ਼ਰਮਾ ਨਾਲ ਇੱਕ ਗੈਂਗਸਟਰ ਫ਼ਿਲਮ ਲਈ ਹੱਥ ਮਿਲਾ ਸਕਦੇ ਹਨ, ਜਿਸ ਵਿੱਚ ਉਹ ਪੱਗ ਵਾਲੀ ਲੁੱਕ ਵਿੱਚ ਨਜ਼ਰ ਆ ਸਕਦੇ ਹਨ । ਜਾਣਕਾਰੀ ਮੁਤਾਬਿਕ ਸਲਮਾਨ ਇਸ ਫ਼ਿਲਮ ਵਿੱਚ ਨੈਗਟਿਵ ਰੋਲ ਨਿਭਾ ਸਕਦੇ ਹਨ । ਇਸ ਫ਼ਿਲਮ ਦਾ ਨਿਰਦੇਸ਼ਨ ਅਭਿਰਾਜ ਮੀਨਾਵਾਲਾ ਕਰੇਗੀ ਤੇ ਇਹ ਇਸੇ ਸਾਲ ਮਈ ਵਿੱਚ ਰਿਲੀਜ਼ ਹੋ ਸਕਦੀ ਹੈ ।
https://www.instagram.com/p/B6P1R54FcIv/
ਦੱਸਿਆ ਜਾ ਰਿਹਾ ਹੈ ਕਿ ਸਲਮਾਨ ਇਸ ਕਿਰਦਾਰ ਲਈ ਆਪਣੀ ਦਾੜ੍ਹੀ ਵਧਾਉਣਗੇ ਤੇ ਆਯੂਸ ਸ਼ਰਮਾ ਇੱਕ ਨਾਰਥ ਇੰਡੀਅਨ ਗੈਂਗਸਟਰ ਦਾ ਲੁੱਕ ਲੈਣ ਲਈ ਖੁਦ ਨੂੰ ਜ਼ਿਆਦਾ ਮਸਕੁਲਰ ਬਨਾਉਣਗੇ । ਫ਼ਿਲਮ ਲਈ ਲੁੱਕ ਟੈਸਟ ਅਗਲੇ ਹਫ਼ਤੇ ਸ਼ੁਰੂ ਹੋ ਜਾਵੇਗਾ ।ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਸਲਮਾਨ ਖ਼ਾਨ ਨੇ ਇਸ ਤੋਂ ਪਹਿਲਾਂ ਫ਼ਿਲਮ ‘ਹੀਰੋਜ’ ਵਿੱਚ ਸਰਦਾਰ ਲੁੱਕ ਵਿੱਚ ਨਜ਼ਰ ਆਏ ਸਨ ।