LIVE:
ਸੰਜੇ ਦੱਤ ਦੇ ਕੈਂਸਰ ਦਾ ਇਲਾਜ਼ ਕੀਮੋਥਰੈਪੀ ਨਾਲ ਨਹੀਂ ਬਲਕਿ ਇਸ ਤਕਨੀਕ ਨਾਲ ਹੋ ਰਿਹਾ ਹੈ, ਘੱਟਦੇ ਵਜ਼ਨ ਦਾ ਖੁੱਲਿਆ ਰਾਜ਼
ਸੰਜੇ ਦੱਤ ਏਨੀਂ ਦਿਨੀਂ ਸਭ ਤੋਂ ਵੱਡੀ ਜੰਗ ਲੜ ਰਹੇ ਹਨ । ਸੰਜੇ ਦੱਤ ਲੰਗ ਕੈਂਸਰ ਦੀ ਬਿਮਾਰੀ ਨਾਲ ਲੜ ਰਹੇ ਹਨ । ਬੀਤੇ ਦਿਨ ਉਹਨਾਂ ਦੀਆਂ ਕੁਝ ਤਸਵੀਰਾਂ ਵੀ ਸਾਹਮਣੇ ਆਈਆਂ ਸਨ, ਜਿਨ੍ਹਾਂ ਵਿੱਚ ਉਹ ਕਾਫੀ ਕਮਜ਼ੋਰ ਨਜ਼ਰ ਆ ਰਹੇ ਹਨ । ਸੰਜੇ ਦੀ ਸਿਹਤ ਨੂੰ ਲੈ ਕੇ ਉਹਨਾਂ ਦੇ ਪ੍ਰਸ਼ੰਸਕ ਕਾਫੀ ਫ਼ਿਕਰਮੰਦ ਹਨ ।
ਹੋਰ ਪੜ੍ਹੋ :
ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਸੰਜੇ ਦੀ ਸਿਹਤ ਕੀਮੋਥਰੈਪੀ ਕਰਕੇ ਵਿਗੜਦੀ ਜਾ ਰਹੀ ਹੈ ਤੇ ਉਹਨਾਂ ਦਾ ਵਜ਼ਨ ਘੱਟ ਹੁੰਦਾ ਜਾ ਰਿਹਾ ਹੈ । ਇਸ ਸਭ ਦੇ ਚਲਦੇ ਹੁਣ ਉਹਨਾਂ ਦੀ ਥਰੈਪੀ ਨੂੰ ਲੈ ਕੇ ਨਵੀਂ ਗੱਲ ਸਾਹਮਣੇ ਆਈ ਹੈ, ਜਿਸ ਕਰਕੇ ਉਹਨਾਂ ਦੇ ਪ੍ਰਸ਼ੰਸਕਾਂ ਦੀ ਚਿੰਤਾ ਕੁਝ ਘੱਟ ਸਕਦੀ ਹੈ ।
ਸੰਜੇ ਦੇ ਕਰੀਬੀ ਲੋਕਾਂ ਦਾ ਕਹਿਣਾ ਹੈ ਕਿ ਸੰਜੇ ਦੀ ਬਿਮਾਰੀ ਓਨੀਂ ਗੰਭੀਰ ਨਹੀਂ ਜਿੰਨੀ ਦੱਸੀ ਜਾ ਰਹੀ ਹੈ । ਉਹਨਾਂ ਦਾ ਵਜ਼ਨ ਸਿਰਫ 5 ਕਿੱਲੋ ਘਟਿਆ ਹੈ । ਸੰਜੇ ਦੇ ਕੈਂਸਰ ਦਾ ਇਲਾਜ਼ ਕੀਮੋ ਨਾਲ ਨਹੀਂ ਹੋ ਰਿਹਾ ਬਲਕਿ Immunotherapy ਨਾਲ ਹੋ ਰਿਹਾ ਹੈ ।
ਕੀਮੋਥਰੈਪੀ ਨਾਲ ਕਿਸੇ ਮਰੀਜ਼ ਦੇ ਸਹੀ ਸੈੱਲ ਵੀ ਪ੍ਰਭਾਵਿਤ ਹੁੰਦੇ ਹਨ, ਜਿਸ ਨਾਲ ਮਰੀਜ਼ ਦਾ ਵਜਨ ਘੱਟ ਜਾਂਦਾ ਹੈ । ਪਰ Immunotherapy ਸਿਰਫ ਕੈਂਸਰ ਨੂੰ ਪੈਦਾ ਕਰਨ ਵਾਲੇ ਸੈਲਾਂ ਤੇ ਹੀ ਅਸਰ ਕਰਦੀ ਹੈ । ਇਸ ਨਾਲ ਮਰੀਜ਼ ਦੇ ਸਹੀ ਸੈੱਲ ਪ੍ਰਭਾਵਿਤ ਨਹੀਂ ਹੁੰਦੇ ।
