ਸਪਨਾ ਚੌਧਰੀ ਦੇ ਡਾਂਸ ਸ਼ੋਅ 'ਚ ਚੱਲੀਆਂ ਡਾਗਾਂ, ਦੂਰੋਂ ਵੇਖਕੇ ਹੱਸਦੀ ਰਹੀ ਸਪਨਾ ਚੌਧਰੀ, ਵੀਡਿਓ ਵਾਇਰਲ
ਹਰਿਆਣਵੀਂ ਡਾਂਸਰ ਸਪਨਾ ਚੌਧਰੀ ਆਪਣੇ ਡਾਂਸ ਲਈ ਜਿੱਥੇ ਜਾਣੀ ਜਾਂਦੀ ਹੈ ਉੱਥੇ ਉਹਨਾਂ ਦਾ ਬੇਬਾਕ ਅੰਦਾਜ਼ ਵੀ ਸਭ ਨੂੰ ਪਸੰਦ ਆਉਂਦਾ ਹੈ । ਜਦੋਂ ਉਹ ਡਾਂਸ ਕਰਦੀ ਹੈ ਤਾਂ ਸ਼ੋਅ ਵਿੱਚ ਮੌਜੂਦ ਹਰ ਸ਼ਖਸ ਝੂਮ ਉੱਠਦਾ ਹੈ । ਪਰ ਇਸ ਦੇ ਨਾਲ ਇੱਕ ਹੋਰ ਗੱਲ ਹੈ ਕਿ ਸਪਨਾ ਦੇ ਸ਼ੋਅ ਵਿੱਚ ਭੀੜ ਭੜਕ ਜਾਂਦੀ ਹੈ । ਇੱਥੋਂ ਤੱਕ ਕਿ ਲੋਕਾਂ ਵਿੱਚ ਮਾਰ ਕੁੱਟ ਵੀ ਹੋ ਜਾਂਦੀ ਹੈ ।
ਇਸ ਬਾਰੇ ਸਪਨਾ ਨੇ ਕੁਝ ਦਿਨ ਪਹਿਲਾਂ ਹੀ ਜਵਾਬ ਦਿੱਤਾ ਸੀ । ਪਰ ਇਸ ਸਭ ਦੇ ਚੱਲਦੇ ਸੋਸ਼ਲ ਮੀਡੀਆ ਤੇ ਸਪਨਾ ਚੌਧਰੀ ਦੇ ਸ਼ੋਅ ਦਾ ਇੱਕ ਵੀਡਿਓ ਸਾਹਮਣੇ ਆਇਆ ਹੈ । ਇਸ ਵੀਡਿਓ ਵਿੱਚ ਲੋਕਾਂ ਵਿਚਾਲੇ ਜ਼ਬਰਦਸਤ ਹੰਗਾਮਾ ਹੋ ਰਿਹਾ ਹੈ ਤੇ ਡਾਂਗਾਂ ਚੱਲ ਰਹੀਆਂ ਹਨ । ਇਸ ਵੀਡਿਓ ਵਿੱਚ ਸਪਨਾ ਚੌਧਰੀ ਵੀ ਖੜੀ ਹੋਈ ਨਜ਼ਰ ਆ ਰਹੀ ਹੈ । ਉਹ ਸ਼ੋਅ ਵਿੱਚ ਹੰਗਾਮਾ ਦੇਖ ਕੇ ਮੁਸਕਰਾ ਰਹੀ ਹੈ । ਇਹ ਵੀਡਿਓ ਭਾਵੇਂ ਪੁਰਾਣਾ ਹੈ ਪਰ ਇਹ ਵਾਇਰਲ ਹੁਣ ਹੋ ਰਿਹਾ ਹੈ ।
https://www.youtube.com/watch?v=fV6xrxtLIfc
ਸਟੇਜ ਸ਼ੋਅ ਦੀ ਸ਼ਾਨ ਕਹੀ ਜਾਣ ਵਾਲੀ ਸਪਨਾ ਚੌਧਰੀ ਏਨੀਂ ਦਿਨੀਂ ਅਜੈ ਹੁੱਡਾ ਦੇ ਨਾਲ ਕੀਤੇ ਸਟੇਜ ਸ਼ੋਅ ਕਰਕੇ ਕਾਫੀ ਚਰਚਾ ਵਿੱਚ ਹੈ । ਅਜੈ ਹੁੱਡਾ ਦੇ ਮਸ਼ਹੂਰ ਗਾਣੇ ਸਾਲਿਡ ਬਾਡੀ ਤੇ ਸਪਨਾ ਨੇ ਅਜੈ ਦੇ ਨਾਲ ਸਟੇਜ ਸ਼ੋਅ ਕੀਤਾ ਸੀ । ਇਸ ਸ਼ੋਅ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਲੋਕ ਮੌਜੂਦ ਸਨ । ਯੂਟਿਊਬ ਤੇ ਇਸ ਦੀ ਵੀਡਿਓ ਦੇ ਵੀਵਰਜ਼ ਲੱਖਾਂ ਵਿੱਚ ਹਨ ।