ਸਰਗੁਨ ਮਹਿਤਾ ਨੂੰ ਪੰਜਾਬੀ ਫ਼ਿਲਮ ਇੰਡਸਟਰੀ ’ਚ ਹੋਏ ਪੰਜ ਸਾਲ, ਅੱਜ ਦੇ ਦਿਨ ਰਿਲੀਜ਼ ਹੋਈ ਸੀ ਪਹਿਲੀ ਫ਼ਿਲਮ, ਸਰਗੁਣ ਨੇ ਪਾਈ ਭਾਵੁਕ ਪੋਸਟ

ਸਰਗੁਨ ਮਹਿਤਾ ਨੂੰ ਪੰਜਾਬੀ ਫ਼ਿਲਮਾਂ ਵਿੱਚ ਕੰਮ ਕਰਦੇ ਹੋਏ 5 ਸਾਲ ਹੋ ਗਏ ਹਨ, 31 ਜੁਲਾਈ ਨੂੰ ਉਹਨਾਂ ਦੀ ਪਹਿਲੀ ਪੰਜਾਬੀ ਫ਼ਿਲਮ ‘ਅੰਗਰੇਜ਼’ ਰਿਲੀਜ਼ ਹੋਈ ਸੀ । ਇਸ ਖ਼ਾਸ ਦਿਨ ‘ਤੇ ਉਹਨਾਂ ਨੇ ਬਹੁਤ ਭਾਵੁਕ ਪੋਸਟ ਵੀ ਪਾਈ ਹੈ । ਉਹਨਾਂ ਨੇ ਫ਼ਿਲਮ ਦਾ ਪੋਸਟਰ ਤੇ ਕੁਝ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਇਸ ਨੂੰ ਲੰਮਾਂ ਚੌੜਾ ਕੈਪਸ਼ਨ ਵੀ ਦਿੱਤਾ ਹੈ । ਉਹਨਾਂ ਲਿਖਿਆ ਹੈ ’31 ਜੁਲਾਈ 2015 ਨੂੰ ਮੈਂ ਆਪਣੇ ਪਰਿਵਾਰ ਦੇ ਮੈਂਬਰਾਂ ਤੇ ਕੁਝ ਹੋਰ ਲੋਕਾਂ ਨਾਲ ਆਪਣੀ ਪਹਿਲੀ ਫ਼ਿਲਮ ਦੇਖਣ ਗਈ ਹੋਈ ਸੀ ।

ਇਨਟਰਵਲ ਵਿੱਚ ਮੇਰੇ ਭਰਾ ਨੇ ਮੈਨੂੰ ਕਿਹਾ, ਕਹਿੰਦਾ ਬਾਕੀ ਸਭ ਕੁਝ ਤਾਂ ਵਧੀਆ ਹੈ, ਪਰ ਤੂੰ ਕਿੱਥੇ ਆ, ਮੈਂ ਕਿਹਾ ਮੇਰੀ ਐਂਟਰੀ ਇਨਟਰਵਲ ਤੋਂ ਬਾਅਦ ਹੈ । ਉਸ ਨੂੰ ਲੱਗਿਆ ਆਪਾਂ ਏਨੇਂ ਬੰਦੇ ਇੱਕਠੇ ਕਰਕੇ ਲੈ ਕੇ ਆਏ ਹਾਂ, ਪਤਾ ਨਹੀਂ ਢੰਗ ਦੇ 2-3 ਸੀਨ ਹੈਗੇ ਵੀ ਆ ਕਿ ਨਹੀਂ ।

https://www.instagram.com/p/CDL5Zhng8i5/

ਪਤਾ ਨਹੀਂ ਸੀ ਮੈਨੂੰ ਕਿ ਫ਼ਿਲਮ ਖਤਮ ਹੁੰਦਿਆਂ ਤੱਕ ਉਸ ਦਾ ਡਰ ਖੁਸ਼ੀ ਤੇ ਫਖਰ ਦਾ ਰੂਪ ਲੈ ਲਵੇਗਾ’ । ਇਸ ਦੇ ਨਾਲ ਹੀ ਉਹਨਾਂ ਨੇ ਫ਼ਿਲਮ ਦੀ ਪੂਰੀ ਟੀਮ ਦਾ ਤੇ ਦਰਸ਼ਕਾਂ ਦਾ ਧੰਨਵਾਦ ਕੀਤਾ ਹੈ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਇਸ ਫ਼ਿਲਮ ਤੋਂ ਬਾਅਦ ਸਰਗੁਨ ਮਹਿਤਾ ਲਗਾਤਾਰ ਪੰਜਾਬੀ ਫ਼ਿਲਮਾਂ ਵਿੱਚ ਨਜ਼ਰ ਆ ਰਹੀ ਹੈ । ਉਹਨਾਂ ਦੀਆਂ ਫ਼ਿਲਮਾਂ ਬਾਕਸ ਆਫ਼ਿਸ ਦੇ ਹਿੱਟ ਹੁੰਦੀਆਂ ਹਨ ।

https://www.instagram.com/p/CDTSPCFgyeD/

https://www.instagram.com/p/CDIghVFg-qy/