ਸ਼ਿਲਪਾ ਸ਼ੈੱਟੀ ਦੀ ਧੀ ਹੋਈ 40 ਦਿਨਾਂ ਦੀ, ਅਦਾਕਾਰਾ ਨੇ ਭਾਵੁਕ ਹੋ ਕੇ ਪਾਈ ਇਹ ਪੋਸਟ
ਕੋਰੋਨਾ ਵਾਇਰਸ ਦੇ ਚੱਲਦੇ ਸਾਰਾ ਦੇਸ਼ ਲਾਕਡਾਊਨ ਹੈ । ਪ੍ਰਸ਼ਾਸਨ ਵੱਲੋਂ ਘਰ ਤੋਂ ਨਾ ਨਿਕਲਣ ਦੇ ਹੁਕਮ ਦਿੱਤੇ ਗਏ ਨੇ । ਜਿਸਦੇ ਚੱਲਦੇ ਬਾਲੀਵੁੱਡ ਸਿਤਾਰੇ ਵੀ ਇੱਕ ਚੰਗੇ ਨਾਗਰਿਕ ਵਾਂਗ ਇਸ ਨਿਯਮ ਦੀ ਪਾਲਣਾ ਕਰ ਰਹੇ ਨੇ । ਪਰ ਸਿਤਾਰੇ ਸੋਸ਼ਲ ਮੀਡੀਆ ਦੇ ਰਾਹੀਂ ਆਪਣੇ ਫੈਨਜ਼ ਦੇ ਨਾਲ ਆਪਣੀ ਜ਼ਿੰਦਗੀ ਦੇ ਖੁਸ਼ਨੁਮਾ ਪਲਾਂ ਨੂੰ ਸ਼ੇਅਰ ਕਰ ਰਹੇ ਨੇ ਤੇ ਲੋਕਾਂ ਨੂੰ ਘਰ ‘ਚ ਹੀ ਰਹਿਣ ਦੀ ਅਪੀਲ ਕਰ ਰਹੇ ਨੇ । ਬਾਲੀਵੁੱਡ ਐਕਟਰੈੱਸ ਸ਼ਿਲਪਾ ਸ਼ੈੱਟੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਇਕ ਬਹੁਤ ਹੀ ਇਮੋਸ਼ਨਲ ਮੈਸੇਜ ਪਾਇਆ ਹੈ ।
ਹੋਰ ਵੇਖੋ:ਹਰਦੀਪ ਗਰੇਵਾਲ ਨੇ ਆਪਣੇ ਰੋਮਾਂਟਿਕ ਬੀਟ ਸੌਂਗ ‘ਸੁਰਮੇ ਵਾਲੀ ਅੱਖ’ ਨਾਲ ਜਿੱਤਿਆ ਦਰਸ਼ਕਾਂ ਦਾ ਦਿਲ, ਦੇਖੋ ਵੀਡੀਓ
ਉਨ੍ਹਾਂ ਨੇ ਆਪਣੀ ਧੀ ਦਾ ਫੋਟੋ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ਅੱਜ ਸਮਿਸ਼ਾ ਨੇ 40 ਦਿਨ ਪੂਰੇ ਕਰ ਲਏ ਨੇ । ਇਹ ਇੱਕ ਮਾਂ ਦੇ ਲਈ ਬਹੁਤ ਵੱਡੀ ਗੱਲ ਹੁੰਦੀ ਹੈ । ਰਿਵਾਜ਼ ਦੇ ਅਨੁਸਾਰ ਇਸ ਦਿਨ ਮੈਂ ਤੇ ਮੇਰੀ ਬੇਟੀ ਘਰ ਤੋਂ ਪਹਿਲੀ ਵਾਰ ਬਾਹਰ ਨਿਕਲ ਕੇ ਮੰਦਿਰ ਜਾਣਾ ਸੀ ਤਾਂ ਕਿ ਉਸ ਨੂੰ ਆਸ਼ੀਰਵਾਦ ਮਿਲ ਸਕੇ, ਪਰ ਮੌਜੂਦਾ ਹਲਾਤ ਇਵੇਂ ਦੇ ਨਹੀਂ ਹੈ । ਜਿਸ ਕਰਕੇ ਅਸੀਂ ਇਹ ਕੰਮ ਆਪਣੇ ਘਰ ‘ਚ ਮੌਜੂਦ ਮੰਦਿਰ ‘ਚ ਹੀ ਕੀਤਾ ਹੈ । ਸ਼ਿਲਮਾ ਦੀ ਇਸ ਫੋਟੋ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ ਤੇ ਸ਼ੇਅਰ ਵੀ ਕੀਤਾ ਜਾ ਰਿਹਾ ਹੈ ।
ਫੋਟੋ ‘ਚ ਸ਼ਿਲਪਾ ਨੇ ਆਪਣੀ ਧੀ ਨੂੰ ਗੋਦ ‘ਚ ਲਿਆ ਹੋਇਆ ਹੈ ਤੇ ਆਲੇ ਦੁਆਲੇ ਪੁੱਤਰ ਤੇ ਪਤੀ ਰਾਜ ਕੁੰਦਰਾ ਬੈਠੇ ਹੋਏ ਨਜ਼ਰ ਆ ਰਹੇ ਨੇ । ਦੱਸ ਦਈਏ 15 ਫਰਵਰੀ 2020 ‘ਚ ਉਨ੍ਹਾਂ ਦੀ ਧੀ ਦਾ ਜਨਮ ਹੋਇਆ ਹੈ । ਸ਼ਿਲਪਾ ਜੋ ਕਿ 11 ਸਾਲ ਬਾਅਦ ਦੂਜੀ ਵਾਰ ਸੈਰੋਗੇਸੀ ਦੇ ਨਾਲ ਮਾਂ ਬਣੀ ਨੇ । ਗੌਰਤਲਬ ਹੈ ਕਿ ਸ਼ਿਲਪਾ ਸ਼ੈੱਟੀ ਨੇ ਸਾਲ 2009 ‘ਚ ਰਾਜ ਕੁੰਦਰਾ ਦੇ ਨਾਲ ਵਿਆਹ ਕਰਵਾ ਲਿਆ ਸੀ । ਦੋਵਾਂ ਦਾ ਇੱਕ ਬੇਟਾ ਵੀ ਹੈ ਜਿਸਦਾ ਨਾਂਅ ਵਿਆਨ ਕੁੰਦਰਾ ਹੈ । ਸ਼ਿਲਪਾ ਅਕਸਰ ਆਪਣੇ ਬੇਟੇ ਦੇ ਨਾਲ ਆਪਣੀ ਵੀਡੀਓਜ਼ ਤੇ ਫੋਟੋਆਂ ਸ਼ੇਅਰ ਕਰਦੇ ਰਹਿੰਦੇ ਨੇ ।