ਅਮਰਿੰਦਰ ਗਿੱਲ ਤੇ ਪ੍ਰਭ ਗਿੱਲ ਤੋਂ ਸ਼ਿੱਪਰਾ ਗੋਇਲ ਕੈਨੇਡਾ 'ਚ ਸੁਣ ਰਹੇ ਨੇ ਗਾਣੇ, ਵੀਡੀਓ ਹੋਇਆ ਵਾਇਰਲ
ਅਮਰਿੰਦਰ ਗਿੱਲ ਤੇ ਪ੍ਰਭ ਗਿੱਲ ਤੋਂ ਸ਼ਿੱਪਰਾ ਗੋਇਲ ਕੈਨੇਡਾ 'ਚ ਸੁਣ ਰਹੇ ਨੇ ਗਾਣੇ, ਵੀਡੀਓ ਹੋਇਆ ਵਾਇਰਲ : ਪੰਜਾਬੀ ਸੰਗੀਤ ਜਗਤ ਦੀ ਸੁਰੀਲੀ ਅਵਾਜ਼ ਸ਼ਿੱਪਰਾ ਗੋਇਲ ਜਿੰਨ੍ਹਾਂ ਦੇ ਗਾਣਿਆਂ ਨੇ ਪੰਜਾਬੀਆਂ ਦੇ ਦਿਲਾਂ 'ਚ ਵੱਖਰੀ ਜਗ੍ਹਾ ਬਣਾਈ ਹੈ। ਅੱਜ ਕੱਲ ਸ਼ਿੱਪਰਾ ਗੋਇਲ ਕੈਨੇਡਾ ਦੀ ਧਰਤੀ 'ਤੇ ਆਪਣੀ ਅਵਾਜ਼ ਦਾ ਜਾਦੂ ਬਿਖੇਰਨ ਲਈ ਗਏ ਹੋਏ ਹਨ ਅਤੇ ਇਸ ਦੌਰਾਨ ਹੀ ਉਹਨਾਂ ਦਾ ਮੁਲਾਕਾਤਾਂ ਦਾ ਦੌਰ ਵੀ ਜਾਰੀ ਹੈ। ਸ਼ਿੱਪਰਾ ਨੇ ਪਿਛਲੇ ਦਿਨੀਂ ਗਾਇਕ ਪ੍ਰਭ ਗਿੱਲ ਨਾਲ ਮੁਲਾਕਾਤ ਦਾ ਵੀਡੀਓ ਸਰੋਤਿਆਂ ਨਾਲ ਸਾਂਝਾ ਕੀਤਾ ਸੀ ਜਿਸ 'ਚ ਉਹ ਪ੍ਰਭ ਗਿੱਲ ਤੋਂ ਉਹਨਾਂ ਦੇ ਗੀਤ ਸੁਣਦੇ ਨਜ਼ਰ ਆਏ।
ਇਸ ਤੋਂ ਬਾਅਦ ਹੁਣ ਸ਼ਿੱਪਰਾ ਗੋਇਲ ਹੋਰਾਂ ਨੇ ਪੰਜਾਬੀ ਇੰਡਸਟਰੀ ਦੇ ਦਮਦਾਰ ਕਲਾਕਾਰ ਅਮਰਿੰਦਰ ਗਿੱਲ ਨਾਲ ਵੀ ਵੀਡੀਓ ਸਾਂਝਾ ਕੀਤਾ ਹੈ ਜਿਸ 'ਚ ਵੀ ਉਹ ਉਹਨਾਂ ਤੋਂ ਆਪਣਾ ਪਸੰਦੀਦਾ ਗੀਤ ਸੁਣ ਰਹੇ ਹਨ। ਦੱਸ ਦਈਏ ਸ਼ਿੱਪਰਾ ਗੋਇਲ ਅਮਰਿੰਦਰ ਗਿੱਲ ਅਤੇ ਪ੍ਰਭ ਗਿੱਲ ਨਾਲ ਇਸ ਤੋਂ ਪਹਿਲਾਂ ਗੀਤ ਗਾ ਚੁੱਕੇ ਹਨ। ਅਮਰਿੰਦਰ ਗਿੱਲ ਨਾਲ ਸ਼ਿੱਪਰਾ ਗੋਇਲ ਨੇ ਫ਼ਿਲਮ ਗੋਰਿਆਂ ਨੂੰ ਦਫ਼ਾ ਕਰੋ ਦਾ ਟਾਈਟਲ ਟਰੈਕ ਗਾਇਆ ਸੀ, ਅਤੇ ਪ੍ਰਭ ਗਿੱਲ ਨਾਲ ਫ਼ਿਲਮ ਦਾਣਾ ਪਾਣੀ ਦਾ ਗੀਤ ਰੱਬ ਖੈਰ ਕਰੇ ਗਾਇਆ ਸੀ।
ਹੋਰ ਵੇਖੋ : ਜਦੋਂ ਸਿੱਪੀ ਗਿੱਲ ਨੇ ਗੁੱਗੂ ਗਿੱਲ ਸਾਹਮਣੇ ਬੋਲਿਆ ਉਹਨਾਂ ਦਾ ਹੀ ਡਾਇਲੌਗ, ਦੇਖੋ ਵੀਡੀਓ
View this post on Instagram
ਇਹਨਾਂ ਤੋਂ ਇਲਾਵਾ ਸ਼ਿੱਪਰਾ ਗੋਇਲ ਪੰਜਾਬੀ ਇੰਡਸਟਰੀ ਦੇ ਵੱਡੇ ਗਾਇਕਾਂ ਜਿਵੇਂ ਬੱਬੂ ਮਾਨ, ਗਿੱਪੀ ਗਰੇਵਾਲ, ਰਵਿੰਦਰ ਗਰੇਵਾਲ, ਸੱਜਣ ਅਦੀਬ, ਵੀਤ ਬਲਜੀਤ, ਰਣਜੀਤ ਬਾਵਾ ,ਕੁਲਵਿੰਦਰ ਬਿੱਲਾ ਹੋਰਾਂ ਨਾਲ ਡਿਊਟ ਗੀਤ ਗਾ ਚੁੱਕੇ ਹਨ। ਸ਼ਿੱਪਰਾ ਗੋਇਲ ਕਈ ਸਿੰਗਲ ਟਰੈਕ ਵੀ ਕਰ ਚੁੱਕੇ ਹਨ ਜਿੰਨ੍ਹਾਂ 'ਚ ਡੀ.ਜੇ 'ਤੇ, ਅੱਖ ਜੱਟੀ ਦੀ, 4 ਬਾਏ 4, ਵਿਆਹ ਵਾਲਾ ਜੋੜਾ, ਆਦਿ ਨੂੰ ਦਰਸ਼ਕਾਂ ਵੱਲੋਂ ਖਾਸਾ ਪਸੰਦ ਕੀਤਾ ਗਿਆ ਹੈ।