ਇੱਕ ਹਾਦਸੇ ਵਿੱਚ ਇਸ ਮੁੰਡੇ ਨੇ ਗਵਾ ਦਿੱਤੇ ਸਨ ਹੱਥ-ਪੈਰ, ਇਸ ਦੇ ਬਾਵਜੂਦ 12ਵੀਂ ਵਿੱਚੋਂ ਲਏ 92 ਫੀਸਦੀ ਨੰਬਰ

ਇਨਸਾਨ ਜੇ ਹਿੰਮਤ ਕਰੇ ਤਾਂ ਕਿਸੇ ਵੀ ਮੰਜ਼ਿਲ ਨੂੰ ਪਾ ਸਕਦਾ ਹੈ, ਅਜਿਹਾ ਹੀ ਕੰਮ ਕਰ ਦਿਖਾਇਆ ਹੈ ਗੁਜਰਾਤ ਦੇ ਰਹਿਣ ਵਾਲੇ ਸ਼ਿਵਮ ਸੋਲੰਕੀ ਨੇ । ਸ਼ਿਵਮ ਨੇ ਕੁਝ ਸਾਲ ਪਹਿਲਾਂ ਇੰਝ ਹਾਦਸੇ ਵਿੱਚ ਆਪਣੇ ਦੋਵੇਂ ਹੱਥ ਤੇ ਇੱਕ ਪੈਰ ਗਵਾ ਦਿੱਤਾ ਸੀ, ਪਰ ਇਸ ਦੇ ਬਾਵਜੂਦ ਉਸ ਨੇ ਹਿੰਮਤ ਨਹੀਂ ਹਾਰੀ । ਸ਼ਿਵਮ ਨੇ ਗੁਜਰਾਤ ਬੋਰਡ ਤੋਂ 12ਵੀਂ ਕਲਾਸ ਦੀ ਪ੍ਰੀਖਿਆ ਦਿੱਤੀ ਤੇ 92 ਫੀਸਦੀ ਨੰਬਰ ਲਏ ।

ਸ਼ਿਵਮ ਡਾਕਟਰੀ ਦੀ ਪੜ੍ਹਾਈ ਕਰਨਾ ਚਾਹੁੰਦਾ ਹੈ ਜੇਕਰ ਇਹ ਸੰਭਵ ਨਾ ਹੋਇਆ ਤਾਂ ਉਹ ਕਿਸੇ ਹੋਰ ਫੀਲਡ ਵਿੱਚ ਆਪਣਾ ਹੱਥ ਅਜ਼ਮਾਏਗਾ । ਸ਼ਿਵਮ ਨਾਲ ਵਾਪਰੇ ਹਾਦਸੇ ਦੀ ਗੱਲ ਕੀਤੀ ਜਾਵੇ ਤਾਂ ਜਦੋਂ ਉਹ 12 ਸਾਲ ਦਾ ਸੀ ਤਾਂ ਘਰ ਦੀ ਛੱਤ ਤੇ ਪਤੰਗ ਉਡਾਉਂਦਾ ਹੋਇਆ ਹਾਈ ਵੋਲਟੇਜ ਤਾਰਾਂ ਦੀ ਲਪੇਟ ਵਿੱਚ ਆ ਗਿਆ ਸੀ ਜਿਸ ਕਰਕੇ ਉਸ ਨੂੰ ਆਪਣੇ ਹੱਥ ਪੈਰ ਗਵਾਉਣੇ ਪੈ ਗਏ ਸਨ ।

https://twitter.com/ANI/status/1263740450352979970

ਇਸ ਦੇ ਬਾਵਜੂਦ ਉਸ ਨੇ ਹਿੰਮਤ ਨਹੀਂ ਹਾਰੀ ਤੇ ਉਸ ਨੇ ਆਪਣੀਆਂ ਕੂਹਣੀਆਂ ਨਾਲ ਲਿਖਣਾ ਸਿੱਖਿਆ ਤੇ 10ਵੀਂ ਦੀ ਪ੍ਰੀਖਿਆ ਵਿੱਚੋਂ 89 ਫੀਸਦੀ ਅੰਕ ਹਾਸਲ ਕੀਤੇ । ਸ਼ਿਵਮ ਦੇ ਪਿਤਾ ਮੁਤਾਬਿਕ ਸ਼ਿਵਮ ਨੂੰ ਆਪਣੇ ਸਕੂਲ ਤੋਂ ਕਾਫੀ ਮਦਦ ਮਿਲਦੀ ਹੈ ।