ਨੌਜਵਾਨ ਹੀ ਨਹੀਂ ਬਾਬੇ ਵੀ ਆਰ ਨੇਤ ਦੇ ਗੀਤਾਂ 'ਤੇ ਪਾਉਂਦੇ ਨੇ ਇੰਝ ਭੰਗੜੇ, ਵੀਡੀਓ ਹੋ ਰਿਹਾ ਹੈ ਵਾਇਰਲ
ਗਾਇਕ ਤੇ ਗੀਤਕਾਰ ਆਰ ਨੇਤ ਜਿਹੜੇ ਅਕਸਰ ਸ਼ੋਸ਼ਲ ਮੀਡੀਆ 'ਤੇ ਆਪਣੇ ਗੀਤਾਂ ਅਤੇ ਲਾਈਵ ਅਖਾੜਿਆਂ ਦੇ ਕਰਕੇ ਚਰਚਾ 'ਚ ਬਣੇ ਰਹਿੰਦੇ ਹਨ। ਡਿਫਾਲਟਰ ਤੇ ਦੱਬਦਾ ਕਿੱਥੇ ਆ ਵਰਗੇ ਗੀਤਾਂ ਨਾਲ ਨੌਜਵਾਨ ਦਿਲਾਂ ਨੂੰ ਜਿੱਤਣ ਵਾਲੇ ਆਰ ਨੇਤ ਦੇ ਬਜ਼ੁਰਗ ਵੀ ਫੈਨ ਹਨ ਜਿਸ ਦਾ ਸਬੂਤ ਦਿੰਦਾ ਹੈ ਇਹ ਵੀਡੀਓ। ਆਰ ਨੇਤ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ ਜਿਸ 'ਚ ਆਰ ਨੇਤ ਡਿਫਾਲਟਰ ਗੀਤ ਗਾ ਰਹੇ ਹਨ ਅਤੇ ਇਹ ਬਜ਼ੁਰਗ ਉਹਨਾਂ ਨਾਲ ਸ਼ਾਨਦਾਰ ਭੰਗੜਾ ਪਾ ਰਿਹਾ ਹੈ। ਬੱਚਿਆਂ ਅਤੇ ਨੌਜਵਾਨਾਂ ਨੇ ਆਰ ਨੇਤ ਦੇ ਗੀਤਾਂ ਨੂੰ ਪਿਆਰ ਦਿੱਤਾ ਹੀ ਪਰ ਬਜ਼ੁਰਗਾਂ ਦੇ ਦਿਲਾਂ 'ਚ ਵੀ ਉਹ ਵੱਸਦੇ ਹਨ।
ਪਿਛਲੇ ਦਿਨੀਂ ਆਰ ਨੇਤ ਫੌਜੀ ਜਵਾਨਾਂ ਨਾਲ ਨਜ਼ਰ ਆਏ ਸੀ ਅਤੇ ਉਹਨਾਂ ਲਈ ਗੀਤ ਗਾਉਂਦੇ ਹੋਏ ਵੀ ਦਿਖਾਈ ਦਿੱਤੇ ਸਨ। ਸਿੱਧੂ ਮੂਸੇ ਵਾਲਾ ਅਤੇ ਆਰ ਨੇਤ ਦੇ ਗੀਤ ਪੋਆਏਜ਼ਨ ਨੂੰ ਵੀ ਦਰਸ਼ਕ ਬਹੁਤ ਪਸੰਦ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਆਰ ਨੇਤ ਇਸੇ ਮਹੀਨੇ 26 ਸਾਲ ਗੀਤ ਰਿਲੀਜ਼ ਕਰ ਚੁੱਕੇ ਹਨ, ਜਿਸ 'ਚ ਉਹ ਬਚਪਨ ਦੀਆਂ ਯਾਦਾਂ ਤਾਜ਼ੀਆਂ ਕਰਦੇ ਹੋਏ ਨਜ਼ਰ ਆਏ ਸੀ।