ਅੱਜ ਹੈ ਅੰਮ੍ਰਿਤ ਮਾਨ ਦਾ ਜਨਮ ਦਿਨ, ਇਸ ਹਿੱਟ ਗਾਣੇ ਨਾਲ ਅੰਮ੍ਰਿਤ ਮਾਨ ਨੇ ਸ਼ੁਰੂ ਕੀਤਾ ਸੀ ਗਾਇਕੀ ਦਾ ਸਫ਼ਰ 

ਚੰਗੇ ਗੀਤਕਾਰ, ਵਧੀਆ ਗਾਇਕ ਤੇ ਅਦਾਕਾਰ ਅੰਮ੍ਰਿਤ ਮਾਨ ਦਾ ਅੱਜ ਜਨਮ ਦਿਨ ਹੈ । ਸਾਲ ੨੦੧੫ ਵਿੱਚ ਦੇਸੀ ਡਰੰਮ ਗੀਤ ਨਾਲ ਆਪਣੇ ਗਾਇਕੀ ਦੇ ਸਫ਼ਰ ਦੀ ਸ਼ੁਰੂਆਤ ਕਰਨ ਵਾਲੇ ਅੰਮ੍ਰਿਤ ਮਾਨ ਨੇ ਹੁਣ ਤੱਕ ਕਈ ਹਿੱਟ ਗਾਣੇ ਦਿੱਤੇ ਹਨ । ਇਸ ਤੋਂ ਇਲਾਵਾ ਹੋਰ ਕਲਾਕਾਰ ਵੀ ਉਸ ਦੇ ਲਿਖੇ ਗਾਣੇ ਗਾਉਂਦੇ ਆ ਰਹੇ ਹਨ ।

ਗਾਇਕੀ ਦੇ ਖੇਤਰ ਵਿੱਚ ਆਉਣ ਤੋਂ ਪਹਿਲਾਂ ਅੰਮ੍ਰਿਤ ਮਾਨ ਹੋਰ ਗਾਇਕਾਂ ਨੂੰ ਆਪਣੇ ਗੀਤ ਦਿੰਦਾ ਸੀ । ਗਾਣੇ ਲਿਖਣ ਦਾ ਸ਼ੌਂਕ ਉਸ ਨੂੰ ਕਾਲਜ ਦੇ ਦਿਨਾਂ ਤੋਂ ਹੀ ਸੀ । ਅੰਮ੍ਰਿਤ ਮਾਨ ਵਧੀਆ ਅਦਾਕਾਰ ਵੀ ਹੈ ਉਸ ਨੇ ਚੰਨਾ ਮੇਰਿਆ ਫ਼ਿਲਮ ਦੇ ਨਾਲ ਪਾਲੀਵੁੱਡ ਵਿੱਚ ਕਦਮ ਰੱਖਿਆ ਸੀ ।

ਇਸ ਫ਼ਿਲਮ ਤੋਂ ਬਾਅਦ ਉਹ ਕਈ ਫ਼ਿਲਮਾਂ ਵਿੱਚ ਨਜ਼ਰ ਆ ਚੁੱਕੇ ਹਨ । ਦੋ ਦੂਣੀ ਪੰਜ ਤੇ ਆਟੇ ਦੀ ਚਿੜੀ ਫ਼ਿਲਮ ਵਿੱਚ ਉਸ ਦੀ ਅਦਾਕਾਰੀ ਨੂੰ ਬਹੁਤ ਪਸੰਦ ਕੀਤਾ ਗਿਆ ਹੈ । ਆਪਣੇ ਕੰੰਮ ਨਾਲ ਅੰਮ੍ਰਿਤ ਮਾਨ ਨੇ ਪੰਜਾਬੀ  ਇੰਡਸਟਰੀ ਵਿੱਚ ਅਪਣਾ ਰੋਹਬ ਜਮਾਇਆ ਹੋਇਆ ਹੈ।