ਸ੍ਰੀ ਰਾਜਪੂਤ ਕਰਨੀ ਸੈਨਾ ਨੇ ਦਿੱਤੀ ਧਮਕੀ, ਕਿਹਾ 'ਪਦਮਾਵਤੀ' ਦੀ ਰਿਲੀਜ਼ ਤੇ ਲਗਾਓ ਰੋਕ ਨਹੀਂ ਤਾ ਦੇਸ਼ ਭਰ ਦੇਵਾਂਗੇ ਧਰਨੇ
ਸ੍ਰੀ ਰਾਜਪੂਤ ਕਰਨੀ ਸੈਨਾ ਜੋ ਕਿ ਡਾਇਰੈਕਟਰ ਸੰਜੇ ਲੀਲਾ ਭੰਸਾਲੀ ਦੀ ਆਉਣ ਵਾਲੀ ਹਿੰਦੀ ਫਿਲਮ 'ਪਦਮਾਵਤੀ' ਦਾ ਸ਼ੁਰੂ ਤੋਂ ਵਿਰੋਧ ਕਰ ਰਹੀ ਹੈ, ਨੇ ਧਮਕੀ ਦਿੱਤੀ ਹੈ ਕਿ ਜੇਕਰ ਫਿਲਮ ਦੀ ਰਿਲੀਜ਼ ਨੂੰ ਨਾ ਰੋਕਿਆ ਗਿਆ ਤਾਂ ਉਹ ਪੂਰੇ ਦੇਸ਼ ਵਿਚ ਵਿਚ 1 ਦਿਸੰਬਰ ਨੂੰ ਧਰਨੇ ਤੇ ਬੈਠੇਗੀ | ਕਰਨੀ ਸੈਨਾ ਦਾ ਕਹਿਣਾ ਹੈ ਕਿ ਸੰਜੇ ਲੀਲਾ ਭੰਸਾਲੀ ਨੇ ਫਿਲਮ ਨੂੰ ਆਕਰਸ਼ਿਕ ਬਣਾਉਣ ਦੇ ਚੱਕਰ ਚ ਇਤਿਹਾਸਿਕ ਤੱਥਾਂ ਨਾਲ ਛੇੜਖਾਨੀ ਕੀਨੀ ਹੈ ਜੋ ਕਿ ਕਿਸੇ ਵੀ ਹਾਲਾਤ ਵਿਚ ਮਨਜ਼ੂਰ ਨਹੀਂ ਹੈ |
ਸ੍ਰੀ ਰਾਜਪੂਤ ਕਰਨੀ ਸੈਨਾ ਦੇ ਮੁਖੀ ਲੋਕੇਂਦਰ ਸਿੰਘ ਕਾਲਵੀ ਨੇ ਕਿਹਾ ਕਿ ਉਹ ਕਿਸੇ ਤਰਾਂ ਦੀ ਹਿੰਸਾ ਵਿਚ ਯਕੀਨ ਨਹੀਂ ਰੱਖਦੇ ਪਰ ਜੇਕਰ ਪਦਮਾਵਤੀ ਦੀ ਰਿਲੀਜ਼ ਨੂੰ ਨਾ ਰੋਕਿਆ ਗਿਆ ਤਾਂ ਹਿੰਸਾ ਉਹਨਾਂ ਦੀ ਮਜਬੂਰੀ ਬਣ ਜਾਵੇਗੀ |
1 ਦਸੰਬਰ ਨੂੰ ਰਾਸ਼ਟਰਵਾਦੀ ਧਰਨੇ ਦੀ ਮੰਗ ਕਰਦੇ ਹੋਏ, ਕਾਲਵੀ ਨੇ ਕਿਹਾ ਕਿ ਕਰਨਾਈ ਸੈਨਾ ਅਜਿਹੇ ਵਿਚਾਰਾਂ ਵਾਲੇ ਵਿਅਕਤੀਆਂ ਅਤੇ ਸੰਗਠਨਾਂ ਦਾ ਸਮਰਥਨ ਕਰੇਗੀ, ਜਿਨ੍ਹਾਂ ਨੇ ਇਸ ਫਿਲਮ ਦਾ ਜਨਤਕ ਤੌਰ' ਤੇ ਇਤਰਾਜ਼ ਕੀਤਾ ਹੈ |ਉਨ੍ਹਾਂ ਨੇ ਕਿਹਾ, "ਅਸੀਂ ਰਾਜਸਥਾਨ ਬੰਦ ਦੇ ਬਾਰੇ ਗੱਲ ਨਹੀਂ ਕਰ ਰਹੇ, ਪਰ 1 ਦਸੰਬਰ ਨੂੰ ਭਾਰਤ ਬੰਦ ਹੋਵੇਗਾ |"