ਸੁਨੰਦਾ ਸ਼ਰਮਾ ਭੈਣ ਭਰਾ ਦੇ ਤਿਉਹਾਰ ਰੱਖੜੀ 'ਤੇ ਗੀਤ ਗਾ ਕੇ ਹੋਏ ਭਾਵੁਕ,ਬਚਪਨ ਦੇ ਦਿਨ ਯਾਦ ਕਰ ਪਾਈ ਭਾਵੁਕ ਪੋਸਟ
ਪੰਜਾਬ ਦੀ ਧਰਤੀ ਉੱਤੇ ਮੇਲਿਆਂ ਅਤੇ ਤਿਉਹਾਰਾਂ ਦਾ ਕਾਫਿਲਾ ਤੁਰਿਆ ਚਲਿਆ ਆਉਂਦਾ ਹੈ।ਜੇਠ ਹਾੜ ਦੀਆਂ ਝੁਲਸਾ ਦੇਣ ਵਾਲੀਆਂ ਧੁੱਪਾਂ ਤੋਂ ਬਾਅਦ ਆਉਂਦਾ ਹੈ ਸਾਉਣ ਦਾ ਮਹੀਨਾ । ਇਹ ਮਹੀਨਾ ਜਿੱਥੇ ਤਪਦੀ ਧਰਤੀ ਦੇ ਸੀਨੇ 'ਚ ਠੰਡਕ ਦਾ ਅਹਿਸਾਸ ਕਰਵਾਉਂਦਾ ਹੈ ,ਉੱਥੇ ਜੰਗਲ ,ਬੇਲੇ ਸਭ ਹਰਿਆਲੀ ਨਾਲ ਭਰ ਜਾਂਦੇ ਹਨ ਅਤੇ ਹਾਲੀਆਂ ਪਾਲੀਆਂ ਲਈ ਇਨੀਂ ਦਿਨੀਂ ਫਸਲਾਂ ਨੂੰ ਪਾਣੀ ਦੇਣ ਦੀ ਚਿੰਤਾ ਨਹੀਂ ਰਹਿੰਦੀ ਅਤੇ ਉਹ ਬੇਫਿਕਰ ਹੋ ਜਾਂਦੇ ਹਨ ।
ਇਸ ਤੋਂ ਬਾਅਦ ਆਉਂਦਾ ਹੈ ਭਾਦਰੋਂ ਦਾ ਮਹੀਨਾ ।ਕਹਿੰਦੇ ਹਨ ਕਿ ਭਾਦਰੋਂ ਦੇ ਵੱਟਾਂ 'ਚ ਤਾਂ ਜੱਟ ਵੀ ਫਕੀਰ ਹੋ ਜਾਂਦੇ ਹਨ ਕਿਉਂਕਿ ਇਹ ਮਹੀਨਾ ਬੇਹੱਦ ਹੁੰਮਸ ,ਸਲਾਬੇ ਅਤੇ ਗਰਮੀ ਨਾਲ ਭਰਿਆ ਹੁੰਦਾ ਹੈ । ਭਾਦਰੋਂ ਦੇ ਮਹੀਨੇ ਵਿੱਚ ਹੀ ਆਉਂਦਾ ਹੈ ਇੱਕ ਪਿਆਰਾ ਜਿਹਾ ਤਿਉਹਾਰ ।
ਇਸ ਤਿਉਹਾਰ ਨੂੰ ਮਨਾਉਣ ਲਈ ਭੈਣਾਂ ਆਪਣੇ ਪੇਕੇ ਘਰੀਂ ਆਉਂਦੀਆਂ ਹਨ ਅਤੇ ਆਪਣੇ ਭਰਾਵਾਂ ਦੇ ਗੁੱਟ ਤੇ ਪ੍ਰੇਮ ਰੂਪੀ ਧਾਗਾ ਬੰਨਦੀਆਂ ਹਨ ਅਤੇ ਉਨਾਂ ਦੀ ਲੰਬੀ ਉਮਰ , ਉਨਾਂ ਦੀ ਸੁੱਖ ਮੰਗਦੀਆਂ ਤੇ ਆਪਣੀ ਉਮਰ ਵੀ ਆਪਣੇ ਭਰਾਵਾਂ ਨੂੰ ਲੱਗ ਜਾਣ ਦੀ ਅਸੀਸ ਦੇਂਦੀਆਂ ਹਨ । ਭਰਾ ਵੀ ਆਪਣੀ ਭੈਣ ਦੀ ਪੱਤ ਅਤੇ ਉਸਦੀ ਰੱਖਿਆ ਦਾ ਪ੍ਰਣ ਲੈਂਦਾ ਹੈ ।
https://www.instagram.com/p/B1Ik8NdFK-e/
ਭੈਣਾਂ ਸੁੱਚੇ ਮੂੰਹ ਉੱਠ ਕੇ ਭਰਾਵਾਂ ਦੇ ਗੁੱਟ 'ਤੇ ਰੱਖੜੀ ਬੰਨਦੀਆਂ ਹਨ ਅਤੇ ਸ਼ਗਨ ਵਜੋਂ ਮਠਿਆਈ ਨਾਲ ਉਨਾਂ ਦਾ ਮੂੰਹ ਮਿੱਠਾ ਕਰਵਾਉਂਦੀਆਂ ਹਨ ਪੰਜਾਬੀ ਕਲਾਕਾਰ ਵੀ ਇਸ ਤਿਉਹਾਰ ਨੂੰ ਮਨਾਉਂਦੇ ਹਨ ।
ਸੁਨੰਦਾ ਸ਼ਰਮਾ ਨੇ ਵੀ ਇਸ ਪਵਿਤਰ ਦਿਹਾੜੇ ਦੇ ਮੌਕੇ 'ਤੇ ਭੈਣ ਭਰਾ ਦੇ ਇਸ ਰਿਸ਼ਤੇ ਨੂੰ ਦਰਸਾਇਆ ਹੈ ਆਪਣੇ ਗੀਤ ਦੇ ਰਾਹੀਂ। ਇਸ ਦੇ ਨਾਲ ਹੀ ਉਹ ਇਹ ਗੀਤ ਗਾਉਂਦੇ –ਗਾਉਂਦੇ ਭਾਵੁਕ ਵੀ ਹੋ ਗਏ ਅਤੇ ਉਨ੍ਹਾਂ ਨੇ ਬਹੁਤ ਹੀ ਭਾਵੁਕ ਪੋਸਟ ਸਾਂਝੀ ਕੀਤੀ ਅਤੇ ਲਿਖਿਆ "ਵੀਰ ਤੇ ਭੈਣ ਦਾ ਰਿਸ਼ਤਾ ਇਕ ਅਟੁੱਟ ਰਿਸ਼ਤਾ ਹੈ , ਕਦੇ ਭੈਣ ਵੀਰੇ ਨੂੰ ਵੀਰ ਦੀਆਂ ਤੋਤਲੀ ਜ਼ੁਬਾਨ ਦੀਆਂ ਬਾਤਾਂ ਦੀ ਯਾਦ ਦੁਵਾਉਂਦੀ ਐ ਕਦੇ ਵੀਰਾ ਭੈਣ ਨੂੰ ਉਸਦੀਆਂ ਬਚਪਨ ਦੀਆਂ ਲੋਰੀਆਂ ਵਰਗੀਆਂ ਨਿੱਕੀਆਂ ਨਿੱਕੀਆਂ ਕਹਾਣੀਆਂ ਦੀ ਯਾਦ ਦੁਵਾਉਂਦਾ ਹੈ ! ਕਾਸ਼ ਉਹ ਬਚਪਨ ਦੇ ਦਿਨ, ਅੱਜ ਦੇ ਦਿਨ ਘੜੀ ਦੋ ਘੜੀ ਲਈ ਹੀ ਵਾਪਿਸ ਆ ਜਾਣ | ਇਸ ਗੀਤ ਨੂੰ ਗਾਉਂਦੇ ਸਮੇਂ ਕਈ ਵਾਰ ਮਨ ਭਾਵੁੱਕ ਹੋਇਆ "|