ਸੁਰਵੀਨ ਨੇ ਵਿਆਹ ਕਰਕੇ ਦਿੱਤਾ ਫੈਨਸ ਨੂੰ ਕਰਾਰਾ ਝੱਟਕਾ, ਵੇਖੋ ਤਸਵੀਰਾਂ
ਪੰਜਾਬੀ ਤੇ ਬਾਲੀਵੁੱਡ ਅਦਾਕਾਰਾ ਸੁਰਵੀਨ ਚਾਵਲਾ ਦੇ ਵਿਆਹ ਵਾਲੇ ਟਵੀਟ ਨੇ ਫੈਨਜ਼ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਬੀਤੇ ਦਿਨੀਂ ਉਸ ਨੇ ਇਕ ਟਵੀਟ ਕਰਕੇ ਆਪਣੇ ਵਿਆਹ ਬਾਰੇ ਖੁਲਾਸਾ ਕੀਤਾ। ਖਬਰਾਂ ਮੁਤਾਬਕ ਸੁਰਵੀਨ ਨੇ ਦੋ ਸਾਲ ਪਹਿਲਾਂ ਹੀ ਵਿਆਹ ਕਰਵਾ ਲਿਆ ਸੀ। ਉਸ ਨੇ ਵਿਆਹ ਵਿਰਾਟ ਕੋਹਲੀ-ਅਨੁਸ਼ਕਾ ਸ਼ਰਮਾ ਵਾਂਗ ਇਟਲੀ 'ਚ ਹੀ ਗੁਪਤ ਤਰੀਕੇ ਨਾਲ ਕਰਵਾਇਆ।
“One half of me is yours,the other half yours,
Mine own,I would say;but if mine,then yours,
And so all yours.”
-(The Merchant of Venice) Shakespeare Lots of ❤️Surveen & Akshay #HappilyMarried #Love #Bliss pic.twitter.com/PClQSm17Dl
— Surveen (@SurveenChawla) December 27, 2017
ਇਸ ਦੌਰਾਨ ਸਿਰਫ ਕਰੀਬੀ ਰਿਸ਼ਤੇਦਾਰ ਹੀ ਸ਼ਾਮਲ ਹੋਏ ਸਨ। ਸੁਰਵੀਨ ਨੇ 28 ਜੁਲਾਈ 2015 ਨੂੰ ਬਿਜ਼ਨੈੱਸਮੈਨ ਅਕਸ਼ੈ ਠੱਕਰ ਨਾਲ ਵਿਆਹ ਕਰਵਾਇਆ ਸੀ, ਜਦੋਂਕਿ ਇਸ ਗੱਲ ਦਾ ਖੁਲਾਸਾ ਉਸ ਨੇ ਬੀਤੀ ਦਿਨੀਂ ਟਵਿਟਰ 'ਤੇ ਕੀਤਾ।
ਹਾਲ ਹੀ 'ਚ ਉਸ ਨੇ ਪਤੀ ਨਾਲ ਇਕ ਰੋਮਾਂਟਿਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ ਤੋਂ ਇਹ ਖਬਰ ਪੱਕੀ ਹੋ ਜਾਂਦੀ ਹੈ ਕਿ ਸੁਰਵੀਨ ਅਸਲ 'ਚ ਵਿਆਹ ਦੇ ਬੰਧਨ 'ਚ ਬੱਝ ਚੁੱਕੀ ਹੈ।
ਦੇਖਣ 'ਚ ਇਹ ਤਸਵੀਰ ਕਾਫੀ ਰੋਮਾਂਟਿਕ ਹੈ। ਕੁਝ ਘੰਟੇ ਪਹਿਲਾਂ ਹੀ ਸੁਰਵੀਨ ਨੇ ਇਹ ਤਸਵੀਰ ਆਪਣੇ ਟਵਿਟਰ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ।
ਦੱਸਣਯੋਗ ਹੈ ਕਿ ਸੁਰਵੀਨ ਚਾਵਲਾ Surveen Chawla 'ਪਾਰਚਡ', 'ਹੇਟ ਸਟੋਰੀ 2' ਤੇ ਕਈ ਟੀ. ਵੀ. ਸੀਰੀਅਲਾਂ 'ਚ ਵੀ ਨਜ਼ਰ ਆ ਚੁੱਕੀ ਹੈ। ਇਸ ਤੋਂ ਇਲਾਵਾ ਸੁਰਵੀਨ 'ਡਿਸਕੋ ਸਿੰਘ', 'ਲੱਕੀ ਦੀ ਅਨਲੱਕੀ ਸਟੋਰੀ', 'ਸਿੰਘ ਵਰਸੇਜ ਕੌਰ' ਤੇ 'ਸਾਡੀ ਲਵ ਸਟੋਰੀ' ਵਰਗੀਆਂ ਕਈ ਪੰਜਾਬੀ ਫਿਲਮਾਂ 'ਚ ਕੰਮ ਕਰ ਚੁੱਕੀ ਹੈ।
'ਡਿਸਕੋ ਸਿੰਘ' 'ਚ ਸੁਰਵੀਨ ਤੇ ਦਿਲਜੀਤ ਦੋਸਾਂਝ ਦੀ ਜੋੜੀ ਨੂੰ ਖੂਬ ਪਸੰਦ ਕੀਤਾ ਗਿਆ ਸੀ।