ਅਮਿਤਾਬ ਬੱਚਨ ਦੀ ਫ਼ਿਲਮ ਨੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਕਮਾਏ 300 ਕਰੋੜ, ਜਾਣੋ ਕਿਸ ਤਰ੍ਹਾਂ
ਫ਼ਿਲਮਾਂ ਨੂੰ ਆਪਣੀ ਲਾਗਤ ਵਸੂਲਣ ਦਾ ਨਵਾਂ ਜ਼ਰੀਆ ਮਿਲ ਗਿਆ ਹੈ ਜੀ ਹਾਂ ਹੁਣ ਫ਼ਿਲਮਾਂ ਦੇ ਰਾਈਟਸ ਡਿਜੀਟਲ ਪਲੈਟਫਾਰਮ ਤੇ ਵੀ ਵਿੱਕਣ ਲੱਗੇ ਹਨ । ਡਿਜੀਟਲ ਪਲੈਟਫਾਰਮ ਸੈਟੇਲਾਈਟ ਪਲੈਟਫਾਰਮ ਨੂੰ ਵੀ ਇਸ ਮਾਮਲੇ ਵਿੱਚ ਟੱਕਰ ਦੇ ਰਿਹਾ ਹੈ । ਹਾਲ ਹੀ ਵਿੱਚ ਪ੍ਰਭਾਸ ਤੇ ਸ਼ਰਧਾ ਕਪੂਰ ਦੀ ਫ਼ਿਲਮ ਸਾਹੋ ਦੇ ਡਿਜੀਟਲ ਰਾਈਟਸ 42 ਕਰੋੜ ਰੁਪਏ ਵਿਕੇ ਸਨ ।
ਹੁਣ ਇੱਕ ਹੋਰ ਸਾਊਥ ਇੰਡੀਅਨ ਫ਼ਿਲਮ ‘Sye Raa Narasimha Reddy’ ਦੇ ਡਿਜੀਟਲ ਰਾਈਟਸ ਕਰੋੜਾਂ ਰੁਪਏ ਵਿੱਚ ਵਿਕਣ ਦੀ ਖ਼ਬਰ ਆਈ ਹੈ । ਖ਼ਬਰਾਂ ਦੀ ਮੰਨੀਏ ਤਾਂ ਫ਼ਿਲਮ ਨੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ 300 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ । ਇੱਕ ਵੱੈਬਸਾਈਟ ਦੀ ਖ਼ਬਰ ਮੁਤਾਬਿਕ ‘Sye Raa Narasimha Reddy’ ਦੇ ਡਿਜੀਟਲ ਰਾਈਟਸ ਐਮਾਜਨ ਪ੍ਰਾਈਮ ਨੇ ਲਗਭਗ 40 ਕਰੋੜ ਵਿੱਚ ਖਰੀਦੇ ਹਨ ।
ਇਸ ਫ਼ਿਲਮ ਨੂੰ ਸੁਰੇਂਦਰ ਰੈੱਡੀ ਨੇ ਡਾਇਰੈਕਟ ਕੀਤਾ ਹੈ । ਫ਼ਿਲਮ ਦੀ ਕਹਾਣੀ ਅੰਗਰੇਜਾਂ ਦੇ ਖਿਲਾਫ ਭਾਰਤ ਦੀ ਪਹਿਲੀ ਆਜ਼ਾਦੀ ਦੀ ਲੜਾਈ ਤੇ ਅਧਾਰਿਤ ਹੈ । ਇਹ ਲੜਾਈ 1857 ਦੇ ਵਿਦਰੋਹ ਤੋਂ ਪਹਿਲਾਂ ਲੜੀ ਗਈ ਸੀ । ਖ਼ਬਰਾਂ ਦੀ ਮੰਨੀਏ ਤਾਂ ਫ਼ਿਲਮ ਨੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਵਰਲਡਵਾਈਡ 300 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ । ਜਿਸ ਵਿੱਚ 110 ਕਰੋੜ ਤੋਂ ਜ਼ਿਆਦਾ ਨਾਨ-ਥੀਏੇਟ੍ਰੀਕਲ ਰਾਈਟਸ ਤੋਂ ਆਏ ਹਨ ।
ਫ਼ਿਲਮ ਦੇ ਸੈਟੇਲਾਈਟ ਰਾਈਟਸ 67 ਕਰੋੜ ਵਿੱਚ ਵਿਕੇ ਹਨ ਜਦੋਂ ਕਿ ਆਡੀਓ ਰਾਈਟਸ 3.50 ਕਰੋੜ ਵਿੱਚ ਵਿਕੇ ਹਨ । ਫ਼ਿਲਮ ਵਿੱਚ ਮੁੱਖ ਭੂਮਿਕਾ ਚਿੰਰਜੀਵੀ ਨਿਭਾਅ ਰਹੇ ਹਨ ਜਦੋਂ ਕਿ ਅਮਿਤਾਬ ਬੱਚਨ ਸਮੇਤ ਹੋਰ ਕਈ ਵੱਡੇ ਸਿਤਾਰੇ ਅਹਿਮ ਭੂਮਿਕਾ ਵਿੱਚ ਨਜ਼ਰ ਆਉਣਗੇ ।