ਵੱਖਰੇ ਮੁੱਦੇ ਦੇ ਨਾਲ ਖੂਬ ਹਸਾਉਣ ਵਾਲੀ ਹੈ ਫ਼ਿਲਮ 'ਤਾਰਾ ਮੀਰਾ', ਦੇਖੋ ਸ਼ਾਨਦਾਰ ਟਰੇਲਰ
ਪੰਜਾਬੀ ਸਿਨੇਮਾ ਜਿਸ 'ਤੇ ਹਰ ਹਫ਼ਤੇ ਨਵੀਆਂ 'ਤੇ ਸ਼ਾਨਦਾਰ ਫ਼ਿਲਮਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਅਜਿਹੀ ਇੱਕ ਹੋਰ ਫ਼ਿਲਮ 'ਤਾਰਾ ਮੀਰਾ' ਦਾ ਟਰੇਲਰ ਸਾਹਮਣੇ ਆ ਚੁੱਕਿਆ ਹੈ ਜਿਸ 'ਚ ਗਾਇਕ ਰਣਜੀਤ ਬਾਵਾ ਅਤੇ ਨਾਜ਼ੀਆ ਹੁਸੈਨ ਮੁੱਖ ਭੂਮਿਕਾ 'ਚ ਹਨ। ਫ਼ਿਲਮ ਦੀ ਕਹਾਣੀ ਦੀ ਗੱਲ ਕਰੀਏ ਤਾਂ ਫ਼ਿਲਮ ਦੇ ਲੇਖਕ ਤੇ ਨਿਰਦੇਸ਼ਕ ਰਾਜੀਵ ਢੀਂਗਰਾ ਨੇ ਇਸ ਵਾਰ ਬੜ੍ਹੇ ਹੀ ਅਲੱਗ ਮੁੱਦੇ ਨੂੰ ਛੇੜਿਆ ਹੈ ਜਿਸ 'ਚ ਖੂਬ ਠਹਾਕੇ ਵੀ ਲੱਗਣ ਵਾਲੇ ਹਨ ਤੇ ਪੰਜਾਬ ਦੀ ਸਥਿਤੀ ਵੀ ਕੁਝ ਹੱਦ ਤੱਕ ਸਾਫ ਹੋਣ ਵਾਲੀ ਹੈ।
ਦਰਅਸਲ ਨਾਇਕ ਰਣਜੀਤ ਬਾਵਾ ਦੇ ਪਿਤਾ ਦਾ ਕਿਰਦਾਰ ਨਿਭਾ ਰਹੇ ਯੋਗਰਾਜ ਸਿੰਘ ਪੰਜਾਬ 'ਚ ਪਰਵਾਸੀ ਵਿਅਕਤੀਆਂ ਨੂੰ ਭਜਾਉਣ ਦੀ ਮੁਹਿੰਮ 'ਤੇ ਕੰਮ ਕਰ ਰਹੇ ਹਨ ਪਰ ਦੂਜੇ ਪਾਸੇ ਉਸ ਦਾ ਪੁੱਤਰ ਜਿਹੜਾ ਕਾਲਜ 'ਚ ਪੜ੍ਹਦਾ ਹੈ ਅਤੇ 'ਤੇ ਇੱਕ ਲੜਕੀ ਨਾਲ ਪਿਆਰ ਕਰਨ ਲੱਗਦਾ ਹੈ। ਪਹਿਲਾਂ ਤਾਂ ਉਸ ਨੂੰ ਗਲਤ ਫਹਿਮੀ ਹੁੰਦੀ ਹੈ ਕਿ ਇਹ ਕੁੜੀ ਚੰਗੇ ਸਰਦਾਰਾਂ ਦੀ ਧੀ ਹੈ ਪਰ ਜਦੋਂ ਸੱਚਾਈ ਸਾਹਮਣੇ ਆਉਂਦੀ ਹੈ ਤਾਂ ਪਤਾ ਲੱਗਦਾ ਹੈ ਕਿ ਉਹ ਲੜਕੀ ਵੀ ਪਰਵਾਸੀ ਮਜ਼ਦੂਰਾਂ ਦੀ ਹੀ ਧੀ ਹੈ।
ਫ਼ਿਰ ਇੱਥੋਂ ਸ਼ੁਰੂ ਹੁੰਦਾ ਹੈ ਕਾਮੇਡੀ ਦਾ ਤੜਕਾ ਅਤੇ ਪਰਵਾਸੀ ਮਜ਼ਦੂਰ ਨੂੰ ਜੱਟਾਂ ਦੇ ਰੰਗ ਢੰਗ 'ਚ ਢਾਲਣ ਦਾ ਸਿਲਸਿਲਾ। ਅਜਿਹੇ ਕਾਨਸੈਪਟ ਬਾਲੀਵੁੱਡ ਦੀਆਂ ਫ਼ਿਲਮਾਂ 'ਚ ਤਾਂ ਕਈ ਵਾਰ ਦੇਖੇ ਹੋਣਗੇ ਪਰ ਪੰਜਾਬੀ ਸਿਨੇਮਾ 'ਚ ਅਜਿਹਾ ਫੈਮਿਲੀ ਕਾਮੇਡੀ ਡਰਾਮਾ ਘੱਟ ਹੀ ਦੇਖਣ ਨੂੰ ਮਿਲਦਾ ਹੈ। ਫ਼ਿਲਮ ਨੂੰ ਪ੍ਰੋਡਿਊਸ ਕਰ ਰਹੇ ਗਾਇਕ ਗੁਰੂ ਰੰਧਾਵਾ ਵੀ ਫ਼ਿਲਮ 'ਚ ਕੈਮਿਓ ਕਰਦੇ ਹੋਏ ਨਜ਼ਰ ਆਉਣਗੇ।
ਹੋਰ ਵੇਖੋ : ਦੋ ਹੋਰ ਪੰਜਾਬੀ ਫ਼ਿਲਮਾਂ ਦਾ ਹੋਇਆ ਐਲਾਨ, 2020 'ਚ ਦੇਖਣ ਨੂੰ ਮਿਲੇਗੀ 'ਡਾਕੂਆਂ ਦਾ ਮੁੰਡਾ 2' ਤੇ 'ਮੰਗਲ ਤਾਰਾ'
ਫ਼ਿਲਮ ‘ਚ ਰਣਜੀਤ ਬਾਵਾ ਤੇ ਨਾਜ਼ੀਆ ਹੁਸੈਨ ਤੋਂ ਇਲਾਵਾ ਗੁਰਪ੍ਰੀਤ ਘੁੱਗੀ, ਸੁਦੇਸ਼ ਲਹਿਰੀ, ਯੋਗਰਾਜ ਸਿੰਘ ਵਰਗੇ ਕਈ ਹੋਰ ਚਿਹਰੇ ਅਹਿਮ ਭੂਮਿਕਾ ‘ਚ ਨਜ਼ਰ ਆ ਰਹੇ ਹਨ। ਸੋ ਟਰੇਲਰ ਤਾਂ ਤਾਰਾ ਮੀਰਾ ਦਾ ਸ਼ਾਨਦਾਰ ਹੈ ਹੁਣ 11 ਅਕਤੂਬਰ ਨੂੰ ਪਤਾ ਚੱਲੇਗਾ ਕਿ ਤਾਰਾ ਤੇ ਮੀਰਾ ਦਾ ਵਿਆਹ ਹੁੰਦਾ ਹੈ ਜਾਂ ਨਹੀਂ।