ਦੇਬੀ ਮਖਸੂਸਪੁਰੀ ਤੇ ਰਣਜੀਤ ਰਾਣਾ ਦੇ ਨਵੇਂ ਗੀਤ 'ਤੇਰੀਆਂ ਗੱਲਾਂ' ਦਾ ਪੀਟੀਸੀ 'ਤੇ ਹੋਵੇਗਾ ਵਰਲਡ ਪ੍ਰੀਮੀਅਰ

ਦੇਬੀ ਮਖਸੂਸਪੁਰੀ ਅਤੇ ਰਣਜੀਤ ਰਾਣਾ ਪੰਜਾਬੀ ਸੰਗੀਤ ਦੇ ਦੋ ਵੱਡੇ ਨਾਮ ਹਨ। ਦੋਨਾਂ ਦੇ ਗੀਤਾਂ ਨੂੰ ਦਰਸ਼ਕਾਂ ਨੇ ਬਹੁਤ ਪਸੰਦ ਕੀਤਾ ਹੈ। ਹੁਣ ਦੇਬੀ ਅਤੇ ਰਣਜੀਤ ਰਾਣਾ ਇਕੱਠੇ ਗੀਤ ਲੈ ਕੇ ਆ ਰਹੇ ਹਨ ਜਿਸ ਦਾ ਨਾਮ ਹੈ 'ਤੇਰੀਆਂ ਗੱਲਾਂ' ਜਿਸ ਦੀ ਉਡੀਕ ਲੰਬੇ ਸਮੇਂ ਤੋਂ ਦੋਨਾਂ ਦੇ ਪ੍ਰਸ਼ੰਸਕਾਂ ਵੱਲੋਂ ਕੀਤੀ ਜਾ ਰਹੀ ਹੈ। ਦੱਸ ਦਈਏ ਇਸ ਗੀਤ ਦਾ 15 ਸਤੰਬਰ ਨੂੰ ਪੀਟੀਸੀ ਪੰਜਾਬੀ ਅਤੇ ਪੀਟੀਸੀ ਚੱਕਦੇ 'ਤੇ ਵਰਲਡ ਪ੍ਰੀਮੀਅਰ ਹੋਣ ਜਾ ਰਿਹਾ ਹੈ।

ਦੱਸ ਦਈਏ ਗਾਣੇ ਦੇ ਬੋਲ ਅਤੇ ਕੰਪੋਜ਼ ਦੇਬੀ ਮਖਸੂਪੁਰੀ ਵੱਲੋਂ ਕੀਤਾ ਗਿਆ ਹੈ, ਜਦੋਂ ਕਿ ਰਣਜੀਤ ਰਾਣਾ ਅਤੇ ਦੇਬੀ ਮਖਸੂਸਪੁਰੀ ਦੋਵਾਂ ਨੇ ਮਿਲ ਕੇ ਗਾਇਆ ਹੈ। ਜੱਸੀ ਬ੍ਰੋਜ਼ ਵੱਲੋਂ ਗਾਣੇ ਦਾ ਸੰਗੀਤ ਤਿਆਰ ਕੀਤਾ ਗਿਆ ਹੈ। ਗਾਣੇ ਦਾ ਵੀਡੀਓ ਆਰ ਸਵਾਮੀ ਵੱਲੋਂ ਤਿਆਰ ਕੀਤਾ ਗਿਆ ਹੈ।

 

View this post on Instagram

 

A post shared by Debi Makhsoospuri (@debiofficial) on Sep 11, 2019 at 1:06am PDT

ਰਣਜੀਤ ਰਾਣਾ ਅਤੇ ਦੇਬੀ ਮਖਸੂਸਪੁਰੀ ਦੋਵਾਂ ਦੇ ਇਕੱਲੇ ਇਕੱਲੇ ਗਾਏ ਗੀਤਾਂ ਨੂੰ ਤਾਂ ਦਰਸ਼ਕਾਂ ਵੱਲੋਂ ਬਹੁਤ ਪਸੰਦ ਕੀਤਾ ਗਿਆ ਹੈ ਹੁਣ ਦੇਖਣਾ ਹੋਵੇਗਾ ਦੋਨਾਂ ਵੱਲੋਂ ਗਾਏ ਇਸ ਗੀਤ ਨੂੰ ਕਿੰਨ੍ਹਾਂ ਕੁ ਪਿਆਰ ਮਿਲਦਾ ਹੈ।