ਗਲ਼ੀਆਂ 'ਚੋਂ ਉੱਠ ਇਹਨਾਂ ਭਾਰਤੀਆਂ ਨੇ ਅਮਰੀਕਾ 'ਚ ਜਿੱਤਿਆ ਵਰਲਡ ਆਫ਼ ਡਾਂਸ, ਮਿਲਿਆ ਕਰੋੜਾਂ ਦਾ ਇਨਾਮ, ਦੇਖੋ ਵੀਡੀਓ
ਗਲ਼ੀਆਂ 'ਚੋਂ ਉੱਠ ਇਹਨਾਂ ਭਾਰਤੀਆਂ ਨੇ ਅਮਰੀਕਾ 'ਚ ਜਿੱਤਿਆ ਵਰਲਡ ਆਫ਼ ਡਾਂਸ, ਮਿਲਿਆ ਕਰੋੜਾਂ ਦਾ ਇਨਾਮ, ਦੇਖੋ ਵੀਡੀਓ : ਕਹਿੰਦੇ ਨੇ ਭਾਰਤੀ ਦੁਨੀਆਂ ਦੇ ਜਿਸ ਵੀ ਕੋਨੇ 'ਚ ਜਾਂਦੇ ਹਨ ਆਪਣੇ ਚੰਗੇ ਕੰਮਾਂ ਨਾਲ ਛਾਪ ਜਰੂਰ ਛੱਡਦੇ ਹਨ। ਅਜਿਹਾ ਹੀ ਹੋਇਆ ਹੈ ਅਮਰੀਕਾ ਦੇ ਡਾਂਸ ਰਿਆਲਟੀ ਸ਼ੋਅ ਵਰਲਡ ਆਫ਼ ਡਾਂਸ 'ਚ ਜਿਸ ਦਾ ਖ਼ਿਤਾਬ ਇੱਕ ਭਾਰਤੀ ਡਾਂਸ ਗਰੁੱਪ ਨੇ ਆਪਣੇ ਨਾਮ ਕਰ ਲਿਆ ਹੈ।
ਮੁੰਬਈ ਦੇ ਹਿੱਪ-ਹਾਪ ਡਾਂਸ ਕਰਿਊ 'ਦ ਕਿੰਗ' ਨੇ ਆਪਣੀ ਸ਼ਾਨਦਾਰ ਡਾਂਸ ਪਰਫਾਰਮੈਂਸ ਨਾਲ ਸ਼ੋਅ ਦੀ ਜੱਜ ਜੈਨੀਫਰ ਲੋਪੇਜ਼ ਦਾ ਦਿਲ ਜਿੱਤ ਲਿਆ ਤੇ ਸ਼ੋਅ ਦੀ ਟ੍ਰਾਫ਼ੀ ਦੇ ਨਾਲ 1 ਮਿਲੀਅਨ ਡਾਲਰ ਯਾਨੀ ਭਾਰਤ ਦੇ ਹਿਸਾਬ ਨਾਲ ਲੱਗਭਗ 7 ਕਰੋੜ ਰੁਪਏ ਦਾ ਇਨਾਮ ਵੀ ਹਾਸਿਲ ਕੀਤਾ ਹੈ। ਸ਼ੋਅ ਨੂੰ ਜਿੱਤਣ ਵਾਲੇ 14 ਮੈਂਬਰਜ਼ ਦੀ ਟੀਮ 'ਚ ਸਾਰੇ ਮੈਂਬਰਜ਼ ਦੀ ਉਮਰ 17 ਤੋਂ 27 ਸਾਲ ਦੇ ਵਿੱਚ ਹੈ। ਇਹਨਾਂ ਸਾਰਿਆਂ ਨੇ ਤਿੰਨ ਮਹੀਨੇ ਚੱਲੇ ਇਸ ਸ਼ੋਅ 'ਚ ਸ਼ਾਨਦਾਰ ਪਰਫਾਰਮੈਂਸ ਨਾਲ ਜੱਜਾਂ ਅਤੇ ਦਰਸ਼ਕਾਂ ਦਾ ਦਿਲ ਜਿੱਤਿਆ ਹੈ।
'ਦ ਕਿੰਗ' ਦੇ ਨਾਮ ਨਾਲ ਮਸ਼ਹੂਰ ਡਾਂਸ ਗਰੁੱਪ ਨੇ ਡਾਂਸ ਸਟਾਈਲ ਹਿੱਪ-ਹਾਪ 'ਚ ਮਹਾਰਤ ਹਾਸਿਲ ਕੀਤੀ ਹੈ। ਇਹਨਾਂ ਦੇ ਸੰਘਰਸ਼ ਦੀ ਕਹਾਣੀ ਸਾਲ 2008 'ਚ ਮੁੰਬਈ ਦੀਆਂ ਗਲੀਆਂ 'ਚ ਸ਼ੁਰੂ ਹੋਈ ਸੀ। ਪਰ ਇਸ ਡਾਂਸ ਗਰੁੱਪ ਨੂੰ ਪਹਿਚਾਣ ਪਹਿਲੀ ਵਾਰ ਇੰਡੀਆਜ਼ ਗੌਟ ਟੇਲੈਂਟ ਦੇ ਸੀਜ਼ਨ 3 ਨੂੰ ਜਿੱਤ ਕੇ ਮਿਲੀ ਸੀ। ਉਹਨਾਂ ਨੇ ਸਾਲ 2015 'ਚ ਹਿੱਪ ਹਾਪ ਡਾਂਸ ਚੈਂਪੀਅਨਸ਼ਿਪ 'ਚ ਮੂਹਰਲੇ ਤਿੰਨ ਸਥਾਨਾਂ 'ਚ ਜਗ੍ਹਾ ਬਣਾਈ ਸੀ।
ਹੋਰ ਵੇਖੋ : ਬਲੈਕੀਆ ਤੋਂ ਬਾਅਦ ਡੀ.ਐੱਸ.ਪੀ. ਦੀ ਵਰਦੀ 'ਚ ਦੇਵ ਖਰੌੜ ਦੀ ਸਾਹਮਣੇ ਆਈ ਜ਼ਬਰਦਸਤ ਲੁੱਕ
ਇਸ ਗਰੁੱਪ ਦੇ ਸ਼ੋਅ ਜਿੱਤਣ ਦੀ ਵੀਡੀਓ ਰੈਮੋ ਡਿਸੂਜ਼ਾ ਨੇ ਸਾਂਝੀ ਕੀਤੀ ਹੈ ਜਿਸ 'ਚ ਜਿੱਤ ਦੇ ਐਲਾਨ ਤੋਂ ਬਾਅਦ ਗਰੁੱਪ ਦੇ ਸਾਰੇ ਮੈਂਬਰਜ਼ ਦੀਆਂ ਅੱਖਾਂ ਖ਼ੁਸ਼ੀ ਨਾਲ ਨਮ ਹੋ ਗਈਆਂ ਸਨ। ਅਮਰੀਕੀ ਸ਼ੋਅ ਦੇ ਇਸ ਸ਼ੋਅ ਦਾ ਫਿਨਾਲੇ ਪ੍ਰੋਗਰਾਮ ਐਤਵਾਰ ਨੂੰ ਕਰਵਾਇਆ ਗਿਆ ਸੀ।