LIVE:
ਬਰਸਾਤ ‘ਤੇ ਬਣੇ ਹਨ ਕਈ ਪੰਜਾਬੀ ਗੀਤ, ਤੁਹਾਨੂੰ ਕਿਸ ਗਾਇਕ ਦਾ ਗੀਤ ਹੈ ਸਭ ਤੋਂ ਜ਼ਿਆਦਾ ਪਸੰਦ
ਪੰਜਾਬੀ ਇੰਡਸਟਰੀ ‘ਚ ਇੱਕ ਤੋਂ ਬਾਅਦ ਇੱਕ ਗੀਤ ਰਿਲੀਜ਼ ਕੀਤੇ ਗਏ ਹਨ । ਸਾਉਣ ਯਾਨੀ ਕਿ ਬਰਸਾਤ ਦਾ ਮੌਸਮ ਹਰ ਕਿਸੇ ਨੂੰ ਪਸੰਦ ਹੁੰਦਾ ਹੈ । ਕਿਉਂਕਿ ਇਹ ਰੁੱਤ ਮਿਲਣ ਦੀ ਰੁੱਤ ਮੰਨੀ ਗਈ ਹੈ ਅਤੇ ਜਦੋਂ ਬਰਸਾਤ ਸ਼ੁਰੂ ਹੁੰਦੀ ਹੈ ਤਾਂ ਆਪਣਿਆਂ ਨੂੰ ਮਿਲਣ ਦੀ ਤਾਂਘ ਹੋਰ ਵੀ ਜ਼ਿਆਦਾ ਵੱਧ ਜਾਂਦੀ ਹੈ ਅਤੇ ਇਸ ਤਾਂਘ ਨੂੰ ਹੋਰ ਵੀ ਜ਼ਿਆਦਾ ਵਧਾਉਂਦੇ ਹਨ ਬਰਸਾਤ ‘ਤੇ ਬਣੇ ਗੀਤ ।
ਸਾਉਣ ਦੀ ਝੜੀ ਯਾਨੀ ਕਿ ਮੀਂਹ ‘ਤੇ ਕਈਆਂ ਗਾਇਕਾਂ ਨੇ ਗੀਤ ਗਾਏ ਹਨ । ਸਭ ਤੋਂ ਪਹਿਲਾਂ ਗੱਲ ਕਰਦੇ ਹਾਂ ਗਾਇਕ ਬੱਬੂ ਮਾਨ ਦੀ ਜਿਨ੍ਹਾਂ ਦਾ ਗਾਇਆ ਗੀਤ ‘ਸਾਉਣ ਦੀ ਝੜੀ’ ਹਰ ਕਿਸੇ ਦੀ ਪਹਿਲੀ ਪਸੰਦ ਹੈ ।
ਜਸਬੀਰ ਜੱਸੀ ਨੇ ਵੀ ‘ਸਾਵਨ ਦੀ ਰਾਤ’ ਗੀਤ ਗਾਇਆ ਹੈ । ਉਨ੍ਹਾਂ ਦਾ ਇਹ ਗੀਤ ਵੀ ਸਰੋਤਿਆਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਹੈ ।
ਇਸ ਤੋਂ ਇਲਾਵਾ ਮਰਹੂਮ ਗਾਇਕ ਸਾਬਰ ਕੋਟੀ ਦਾ ਗੀਤ ਸਾਉਣ ਦਾ ਮਹੀਨਾ ਹੋਵੇ ਪੈਂਦੀ ਬਰਸਾਤ ਹੋਵੇ । ਸਰੋਤਿਆਂ ਨੂੰ ਪਸੰਦ ਆਇਆ ਸੀ ਅਤੇ ਇਹ ਗੀਤ ਅੱਜ ਵੀ ਸਭ ਦੀ ਪਹਿਲੀ ਪਸੰਦ ਹੈ ।
