ਸਾਲਾਂ ਬਾਅਦ ਝਲਕਿਆ ਇਸ ਨਿਰਮਾਤਾ ਦਾ ਦਰਦ, ਕਿਹਾ- 'ਸੰਨੀ ਦਿਓਲ ਨੇ ਕੀਤਾ ਧੋਖਾ, ਨਾ ਫ਼ਿਲਮ ਕੀਤੀ, ਨਾ ਹੀ ਪੈਸੇ ਮੋੜੇ'

Sunny Deol News: ਐਕਟਰ ਸੰਨੀ ਦਿਓਲ ਨੇ ਲੰਬੇ ਸਮੇਂ ਤੱਕ ਸਿਨੇਮਾ 'ਤੇ ਰਾਜ ਕੀਤਾ। ਸੰਨੀ ਦਿਓਲ ਦੀਆਂ ਕਈ ਫਿਲਮਾਂ ਦੇ ਕਿਰਦਾਰਾਂ ਤੋਂ ਲੈ ਕੇ ਕਈ ਡਾਇਲਾਗਜ਼ ਲੋਕ ਨੂੰ ਅੱਜ ਵੀ ਯਾਦ ਹਨ। ‘ਢਾਈ ਕਿੱਲੋ ਕਾ ਹੱਥ’, ‘ਤਾਰੀਖ ਪੇ ਤਾਰੀਖ' ਵਰਗੇ ਕਈ ਸ਼ਾਨਦਾਰ ਡਾਇਲਾਗ ਇਸ ਲਿਸਟ 'ਚ ਸ਼ਾਮਿਲ ਹਨ। ਪਰ ਫਿਲਮ ਨਿਰਮਾਤਾ ਸੁਨੀਲ ਦਰਸ਼ਨ ਨੇ ਇੱਕ ਇੰਟਰਵਿਊ ਦੌਰਾਨ ਸੰਨੀ ਦਿਓਲ ਬਾਰੇ ਇੱਕ ਵੱਡੀ ਗੱਲ ਕਹੀ ਹੈ।

Image Source: Twitter

ਹੋਰ ਪੜ੍ਹੋ : ਆਪਣੇ ਹੇਅਰ ਡਰੈਸਰ ਦੀ ਮੌਤ ਤੋਂ ਬਾਅਦ ਅਕਸ਼ੈ ਕੁਮਾਰ ਨੇ ਉਸ ਦੇ ਪਰਿਵਾਰ ਦੀ ਦੇਖਭਾਲ ਦਾ ਚੁੱਕਿਆ ਜ਼ਿੰਮਾ

ਅਕਸ਼ੇ ਕੁਮਾਰ ਸਟਾਰਰ ਫਿਲਮ 'ਜਾਨਵਰ' 1999 ਵਿੱਚ ਰਿਲੀਜ਼ ਹੋਈ ਸੀ ਅਤੇ ਉਸ ਸਾਲ ਦੀ ਸਭ ਤੋਂ ਸਫਲ ਫਿਲਮਾਂ ਵਿੱਚੋਂ ਇੱਕ ਸੀ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਫਿਲਮ 'ਚ ਪਹਿਲਾਂ ਸੰਨੀ ਦਿਓਲ ਨੂੰ ਕਾਸਟ ਕੀਤਾ ਗਿਆ ਸੀ। ਪਰ ਨਾ ਸਿਰਫ ਉਹ ਆਖਰੀ ਸਮੇਂ 'ਤੇ ਫਿਲਮ ਤੋਂ ਬਾਹਰ ਹੋ ਗਿਆ, ਸਗੋਂ ਉਸ ਨੇ ਨਿਰਮਾਤਾ ਨੂੰ ਆਪਣੀ ਸਾਈਨਿੰਗ ਰਕਮ ਵੀ ਵਾਪਸ ਨਹੀਂ ਕੀਤੀ। ਇਹ ਖੁਲਾਸਾ ਖੁਦ ਨਿਰਮਾਤਾ-ਨਿਰਦੇਸ਼ਕ ਸੁਨੀਲ ਦਰਸ਼ਨ ਨੇ ਕੀਤਾ ਹੈ।

Image Source: Twitter

ਹਾਲ ਹੀ ‘ਚ ਦਿੱਤੇ ਆਪਣੇ ਇੱਕ ਇੰਟਰਵਿਊ ਵਿੱਚ ਸੁਨੀਲ ਨੇ ਦੱਸਿਆ ਸੀ ਕਿ ਇੱਕ ਸਮਾਂ ਸੀ ਜਦੋਂ ਉਨ੍ਹਾਂ ਦੇ ਸੰਨੀ ਦਿਓਲ ਨਾਲ ਬਹੁਤ ਚੰਗੇ ਰਿਸ਼ਤੇ ਸਨ। ਪਰ ਸੰਨੀ ਦੇ ਅੰਦਰ ਵਚਨਬੱਧਤਾ ਦੀ ਪੂਰਤੀ ਦੀ ਕਮੀ ਨੂੰ ਦੇਖ ਕੇ ਉਨ੍ਹਾਂ ਨੂੰ ਉਸ ਦੀ ਨੀਅਤ 'ਤੇ ਸ਼ੱਕ ਹੋਣ ਲੱਗਾ ਸੀ। ਉਨ੍ਹਾਂ ਮੁਤਾਬਿਕ ਉਨ੍ਹਾਂ ਨੇ ਸੰਨੀ ਦਿਓਲ ਸਟਾਰਰ ਫਿਲਮ 'ਅਜੇ' ਨੂੰ ਬਿਨਾਂ ਅੰਤ ਤੋਂ ਰਿਲੀਜ਼ ਕੀਤਾ। ਪਰ ਬਿਨਾਂ ਅੰਤ ਤੋਂ ਰਿਲੀਜ਼ ਹੋਣ ਦੇ ਬਾਵਜੂਦ ਇਹ ਫਿਲਮ ਹਿੱਟ ਹੋ ਗਈ ਸੀ।

ਸੁਨੀਲ ਨੇ ਕਿਹਾ ਕਿ ਇਸ ਦੌਰਾਨ ਸੰਨੀ ਦਿਓਲ ਨੇ ਮੇਰੇ 'ਤੇ ਦਬਾਅ ਪਾਇਆ ਕਿ ਮੈਂ ਉਸਦੇ ਕਰੀਅਰ 'ਚ ਉਨ੍ਹਾਂ ਦਾ ਸਾਥ ਦੇਵਾਂ। ਮੈਂ ਇੱਕ ਸਾਲ ਲਈ ਯੋਗਦਾਨ ਦਿੱਤਾ, ਉਸ ਨਾਲ ਵਾਅਦਾ ਕੀਤਾ ਕਿ ਉਹ ਮੇਰੀ ਅਗਲੀ ਫ਼ਿਲਮ ਵਿੱਚ ਹੋਵੇਗਾ। ਉਸ ਨੇ ਇਹ ਫ਼ਿਲਮ ਸਾਈਨ ਕੀਤੀ ਸੀ ਅਤੇ ਪੈਸੇ ਦਾ ਲੈਣ-ਦੇਣ ਕੀਤਾ।"

Image Source: Twitter

ਸੁਨੀਲ ਕਹਿੰਦੇ ਹਨ, "ਮੈਂ ਉਸ ਨੂੰ ਕੁਝ ਹੋਰ ਸਮਾਂ ਦੇਣ ਦਾ ਫੈਸਲਾ ਕੀਤਾ। ਪਰ ਦੂਜੇ ਪ੍ਰੋਜੈਕਟਾਂ ਨੂੰ ਲੈ ਕੇ ਕੁਝ ਵਿੱਤੀ ਪੇਚੀਦਗੀਆਂ ਸਨ। ਉਸ ਨੂੰ ਮੇਰੇ ਪੈਸੇ ਵਾਪਸ ਕਰਨ ਦੀ ਲੋੜ ਸੀ। ਪਰ ਅਜਿਹਾ ਨਹੀਂ ਹੋਇਆ। ਫਿਰ ਇੱਕ ਸਮਾਂ ਅਜਿਹਾ ਆਇਆ ਜਦੋਂ ਮੈਨੂੰ ਲੱਗਾ ਕਿ ਮੈਂ ਹੁਣ ਹੋਰ ਇੰਤਜ਼ਾਰ ਨਹੀਂ ਕਰ ਸਕਦਾ ਅਤੇ ਮੈਂ ਅੱਗੇ ਵਧਿਆ।"

ਖਬਰਾਂ ਮੁਤਾਬਕ ਜਦੋਂ ਸੁਨੀਲ ਦਰਸ਼ਨ ਨੇ ਫ਼ਿਲਮ ਲਈ ਅਕਸ਼ੇ ਕੁਮਾਰ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾਂ ਨੇ ਫ਼ਿਲਮ ਲਈ ਆਪਣਾ ਸਭ ਕੁਝ ਦੇਣ ਦਾ ਭਰੋਸਾ ਦਿੱਤਾ। ਸੁਨੀਲ ਨੇ ਅਕਸ਼ੇ ਨੂੰ ਸਾਈਨ ਕੀਤਾ। ਦੱਸਿਆ ਜਾਂਦਾ ਹੈ ਕਿ ਇਸ ਫਿਲਮ ਤੋਂ ਪਹਿਲਾਂ ਅਕਸ਼ੇ ਦੀਆਂ ਬੈਕ ਟੂ ਬੈਕ 10 ਫਿਲਮਾਂ ਫਲਾਪ ਹੋ ਗਈਆਂ ਸਨ। 'ਜਾਨਵਰ' ਨੇ ਨਾ ਸਿਰਫ ਅਕਸ਼ੇ ਦੇ ਰੁਕੇ ਹੋਏ ਕਰੀਅਰ ਨੂੰ ਨਵੀਂ ਦਿਸ਼ਾ ਦਿੱਤੀ, ਸਗੋਂ ਉਸ ਤੋਂ ਅਕਸ਼ੇ ਤੇ ਸੁਨੀਲ ਦੀ ਜੋੜੀ ਨੇ ਕਈ ਹਿੱਟ ਫ਼ਿਲਮਾਂ ਦਿੱਤੀਆਂ।