ਅੱਜ ਹੈ ਅਦਾਕਾਰਾ ਨਰਗਿਸ ਦਾ ਜਨਮ ਦਿਨ, ਤਵਾਈਫ ਦੇ ਘਰ ਜਨਮੀ ਸੀ ਨਰਗਿਸ, ਪਿਤਾ ਨੇ ਬਦਲਿਆ ਸੀ ਧਰਮ
ਆਪਣੀ ਅਦਾਕਾਰੀ ਨਾਲ ਲੱਖਾਂ ਦਿਲਾਂ ਤੇ ਰਾਜ ਕਰਨ ਵਾਲੀ ਨਰਗਿਸ ਦਾ ਅੱਜ ਜਨਮ ਦਿਨ ਹੈ । 1 ਜੂਨ 1929 ਨੂੰ ਤੱਤਕਾਲੀ ਬੰਗਾਲ ਪ੍ਰੇਸੀਡੈਂਸੀ ਦੇ ਕਲੱਕਤਾ ਵਿੱਚ ਜਨਮੀ ਨਰਗਿਸ ਦੀ ਨਿੱਜੀ ਤੇ ਫ਼ਿਲਮੀ ਲਾਈਫ ਕਾਫੀ ਸੁਰਖੀਆਂ ਵਿੱਚ ਰਹੀ ਹੈ । ਉਹਨਾਂ ਦੇ ਜਨਮ ਦਿਨ ਤੇ ਜਾਣਦੇ ਹਾਂ ਉਹਨਾਂ ਦੀ ਨਿੱਜੀ ਜ਼ਿੰਦਗੀ ਦੇ ਅਹਿਮ ਪੱਖ । ਨਰਗਿਸ ਦੇ ਪਿਤਾ ਮੋਹਨ ਚੰਦ ਉਤਮ ਚੰਦ ਜਾਂ ਮੋਹਨ ਬਾਬੂ ਸੀ ਜਿਨ੍ਹਾ ਨੇ ਇਸਲਾਮ ਧਰਮ ਅਪਣਾ ਕੇ ਅਬਦੁਲ ਰਾਸ਼ਿਦ ਨਾਂਅ ਰਖ ਲਿਆ ਸੀ ।
Pic Courtesy: Instagram
ਹੋਰ ਪੜ੍ਹੋ :
ਗਾਇਕਾ ਕੌਰ ਬੀ ਨੇ ਏਨਾਂ ਕੁਝ ਦੇਣ ਲਈ ‘ਵਾਹਿਗੁਰੂ ਜੀ’ ਦਾ ਸ਼ੁਕਰਾਨਾ ਅਦਾ ਕਰਦੇ ਹੋਏ ਕੀਤਾ ਪਾਠ
Pic Courtesy: Instagram
ਉਹਨਾਂ ਦੀ ਮਾਂ ਦਾ ਨਾ ਜੋਨੇਦਾ ਬਾਈ ਸੀ । ਜਦੋਂ ਕਿ ਨਰਗਿਸ ਦਾ ਅਸਲ ਨਾਂਅ ਫਾਤਿਮਾ ਰਾਸ਼ੀਦ ਸੀ । ਨਰਗਿਸ 1935 ਵਿੱਚ ਆਈ ਫ਼ਿਲਮ ਤਲਾਸ਼ ਏ ਹੱਕ ਵਿੱਚ ਸਿਰਫ 5 ਸਾਲ ਦੀ ਉਮਰ ਵਿੱਚ ਨਜ਼ਰ ਆਈ ਸੀ । ਪਰ ਉਹਨਾਂ ਨੇ ਹੀਰੋਇਨ ਦੇ ਤੌਰ ਤੇ 1942 ਵਿੱਚ ਆਈ ਫ਼ਿਲਮ ਤਮੰਨਾ ਵਿੱਚ ਕੰਮ ਕੀਤਾ ਸੀ । ਨਰਗਿਸ ਬਚਪਨ ਤੋਂ ਹੀ ਡਾਕਟਰ ਬਨਾਉਣਾ ਚਾਹੁੰਦੀ ਸੀ ।
Pic Courtesy: Instagram
ਕਹਿੰਦੇ ਹਨ ਕਿ ਨਰਗਿਸ ਰਾਜ ਕਪੂਰ ਨਾਲ ਕਈ ਸਾਲ ਰਿਲੇਸ਼ਨ ਵਿੱਚ ਰਹੀ ਸੀ । ਇਸ ਤੋਂ ਬਾਅਦ ਉਹਨਾਂ ਨੂੰ ਸੁਨੀਲ ਦੱਤ ਨਾਲ ਪਿਆਰ ਹੋ ਗਿਆ ਤੇ ਦੋਹਾਂ ਨੇ ਵਿਆਹ ਕਰ ਲਿਆ । ਉਹ ਪਹਿਲੀ ਅਦਾਕਾਰਾ ਸੀ ਜਿਸ ਨੂੰ ਪਦਮਸ਼੍ਰੀ ਮਿਲਿਆ ਸੀ ਤੇ ਰਾਜ ਸਭਾ ਮੈਂਬਰ ਬਣੀ ਸੀ । ਕੈਂਸਰ ਦੀ ਬਿਮਾਰੀ ਕਰਕੇ ਨਰਗਿਸ ਦੀ ਮੌਤ 3 ਮਈ 1981 ਨੂੰ ਹੋ ਗਈ ਸੀ ।