ਬੱਬੂ ਮਾਨ ਦੇ ਸ਼ਾਗਿਰਦ ਦਰਸ਼ਨ ਲੱਖੇਵਾਲ ਨੇ ਫ਼ਤਿਹਵੀਰ ਦੀ ਮਾਂ ਦੇ ਜਜ਼ਬਾਤਾਂ ਨੂੰ ਗੀਤ ਰਾਹੀਂ ਇਸ ਤਰ੍ਹਾਂ ਕੀਤਾ ਬਿਆਨ
ਫ਼ਤਿਹਵੀਰ ਜਿਹੜਾ ਪਿਛਲੇ ਦਿਨੀਂ ਸੰਗਰੂਰ ਦੇ ਭਗਵਾਨਪੁਰਾ ਪਿੰਡ 'ਚ ਇੱਕ ਬੋਰਵੈੱਲ 'ਚ ਡਿੱਗਣ ਕਾਰਣ ਉੱਥੇ ਹੀ ਦਮ ਤੋੜ ਗਿਆ।ਫ਼ਤਿਹਵੀਰ ਦੀ ਮੌਤ ਨੇ ਪ੍ਰਸ਼ਾਸ਼ਨ ਅਤੇ ਸਰਕਾਰਾਂ ਦੀ ਪੋਲ ਖੋਲ ਦਿੱਤੀ ਸੀ। ਇਸ ਘਟਨਾ ਨੇ ਹਰ ਇੱਕ ਦੇ ਦਿਲ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ । ਇਸੇ ਲਈ ਕਈ ਕਵੀਆਂ ਤੇ ਗਾਇਕਾਂ ਨੇ ਆਪਣੀ ਰਚਨਾ ਨਾਲ ਫ਼ਤਿਹਵੀਰ ਨੂੰ ਸ਼ਰਧਾਂਜਲੀ ਦਿੱਤੀ ਹੈ ।
https://www.youtube.com/watch?v=rNlTY-ene3c
ਇਸ ਸਭ ਦੇ ਚਲਦੇ ਬੱਬੂ ਮਾਨ ਦੇ ਸ਼ਾਗਿਰਦ ਤੇ ਗਾਇਕ ਦਰਸ਼ਨ ਲੱਖੇਵਾਲ ਨੇ ਵੀ ਆਪਣੇ ਗੀਤ ਨਾਲ ਫ਼ਤਿਹਵੀਰ ਨੂੰ ਸ਼ਰਧਾਂਜਲੀ ਦਿੱਤੀ ਹੈ । ਇਸ ਗਾਣੇ ਦੇ ਬੋਲ ਖੁਦ ਲੱਖੇਵਾਲ ਨੇ ਲਿਖੇ ਹਨ । ਇਹਨਾਂ ਬੋਲਾਂ ਵਿੱਚ ਲੱਖੇਵਾਲ ਨੇ ਉਸ ਮਾਂ ਦੇ ਜਜ਼ਬਾਤਾਂ ਨੂੰ ਬਿਆਨ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ ਜਿਸ ਦਾ ਦੋ ਸਾਲ ਦਾ ਪੁੱਤ ਤੜਫ ਤੜਫ ਕੇ ਮੌਤ ਦੇ ਆਗੋਸ਼ ਵਿੱਚ ਚਲਾ ਗਿਆ ਤੇ ਉਹ ਕੁਝ ਨਾ ਕਰ ਸਕੀ । ਗਾਣੇ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਗਾਣੇ ਦਾ ਮਿਊਜ਼ਿਕ Jassujax ਨੇ ਤਿਆਰ ਕੀਤਾ ਹੈ ।
https://www.instagram.com/p/BzLW_vVFTr-/
ਇਸ ਗਾਣੇ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ । ਲੋਕ ਇਸ ਗਾਣੇ ਨੂੰ ਲਗਾਤਾਰ ਸ਼ੇਅਰ ਕਰ ਰਹੇ ਹਨ । ਇਸ ਤੋਂ ਪਹਿਲਾਂ ਦੀ ਗੱਲ ਕੀਤੀ ਜਾਵੇ ਤਾਂ ਕੁਝ ਦਿਨ ਪਹਿਲਾਂ ਦਰਸ਼ਨ ਲੱਖੇਵਾਲ ਨੇ ਆਪਣੇ ਸ਼ੋਸ਼ਲ ਮੀਡੀਆ ਅਕਾਊਂਟ 'ਤੇ ਪੋਸਟ ਪਾ ਕੇ ਫ਼ਤਿਹਵੀਰ ਲਈ ਗੀਤ ਗਾਉਣ ਦੀ ਸਰੋਤਿਆਂ ਤੋਂ ਸਹਿਮਤੀ ਮੰਗੀ ਸੀ ਜਿਸ ਤੋਂ ਬਾਅਦ ਹੁਣ ਦਰਸ਼ਨ ਲੱਖੇਵਾਲ ਇਹ ਗੀਤ ਲੈ ਕੇ ਆਏ ਹਨ ।