ਅਦਾਕਾਰ ਤੁਸ਼ਾਰ ਕਪੂਰ ਨੂੰ ਭਾਵੇਂ ਆਪਣੇ ਪਿਤਾ ਜਤਿੰਦਰ ਵਾਂਗ ਫ਼ਿਲਮੀ ਦੁਨੀਆ ਵਿੱਚ ਸ਼ੋਹਰਤ ਹਾਸਲ ਨਹੀਂ ਹੋਈ ਪਰ ਉਹ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਹਮੇਸ਼ਾ ਚਰਚਾ ਵਿੱਚ ਬਣੇ ਰਹੇ ਹਨ ।2016 'ਚ ਕੁੰਵਾਰੇ ਤੁਸ਼ਾਰ ਨੇ ਸਰੋਗੇਸੀ ਦੇ ਜ਼ਰੀਏ ਸਿੰਗਲ ਪੈਰੇਂਟ ਹੋਣ ਦਾ ਕਦਮ ਚੁੱਕ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ। ਤੁਸ਼ਾਰ ਤੋਂ ਬਾਅਦ ਬਾਲੀਵੁੱਡ ਦੇ ਹੋਰ ਵੀ ਕਈ ਸਿਤਾਰਿਆਂ ਨੇ ਸਰੋਗੇਸੀ ਦੇ ਜਰੀਏ ਮਾਂ-ਬਾਪ ਬਣਨ ਦਾ ਫੈਸਲਾ ਲਿਆ । ਹੋਰ ਪੜ੍ਹੋ :

• ਜਦੋਂ ਅਦਾਕਾਰਾ ਮੌਨੀ ਰਾਏ ਨੂੰ ਦੁਕਾਨਦਾਰ ਨੇ ਨਹੀਂ ਦਿੱਤੀ ਆਈਸ ਕ੍ਰੀਮ ਤਾਂ ਗੁੱਸੇ ‘ਚ ਚੁੱਕਿਆ ਇਹ ਕਦਮ
• ਮਾਨਸੀ ਸ਼ਰਮਾ ਨੇ ਸਾਂਝਾ ਕੀਤਾ ਵਿਆਹ ਦਾ ਵੀਡੀਓ, ਪ੍ਰਸ਼ੰਸਕਾਂ ਨੂੰ ਆ ਰਿਹਾ ਪਸੰਦ

ਹਾਲਾਂਕਿ ਇਸ ਤੋਂ ਬਾਅਦ ਉਨ੍ਹਾਂ ਦੀ ਵੱਡੀ ਭੈਣ ਏਕਤਾ ਕਪੂਰ ਨੇ ਵੀ ਭਰਾ ਦੇ ਕਦਮਾਂ ਨੂੰ ਫਾਲੋ ਕਰਦੇ ਹੋਏ ਆਈਵੀਐੱਲ ਦੇ ਜ਼ਰੀਏ ਸਿੰਗਲ ਮਦਰ ਬਣਨ ਦਾ ਫੈਸਲਾ ਕੀਤਾ। ਤੁਸ਼ਾਰ ਦੇ ਬੇਟੇ ਦਾ ਨਾਂ ਲਕਸ਼ਯ ਹੈ, ਜਦਕਿ ਏਕਤਾ ਦੇ ਬੇਟੇ ਦਾ ਨਾਂ ਰਵੀ ਕਪੂਰ ਹੈ । 20 ਨਵੰਬਰ 1976 ਨੂੰ ਜੰਮੇ ਤੁਸ਼ਾਰ ਨੇ ਆਪਣਾ ਫਿਲਮੀ ਕਰੀਅਰ 2001 'ਚ ਆਈ ਫਿਲਮ 'ਮੁਝੇ ਕੁਛ ਰਹਿਣਾ ਹੈ’ ਤੋਂ ਸ਼ੁਰੂ ਕੀਤਾ ਸੀ, ਜਿਸ 'ਚ ਕਰੀਨਾ ਕਪੂਰ ਉਨ੍ਹਾਂ ਦੀ ਹੀਰੋਇਨ ਸੀ ਤੇ ਸਤੀਸ਼ ਕੌਸ਼ਿਕ ਨੇ ਇਸ ਨੂੰ ਡਾਇਰੈਕਟ ਕੀਤਾ ਸੀ। ਕੁਝ ਸਾਲਾਂ ਤਕ ਤੁਸ਼ਾਰ ਫਿਲਮਾਂ 'ਚ ਕੇਂਦਰੀ ਭੂਮਿਕਾਵਾਂ 'ਚ ਨਜ਼ਰ ਆਏ।ਪਰ ਬਾਅਦ ਵਿੱਚ ਉਹ ਬਾਲੀਵੁੱਡ ਤੋਂ ਦੂਰ ਹੁੰਦੇ ਗਏ ।