ਫ਼ਿਲਮ ‘ਸ਼ੰਕੁਤਲਾ ਦੇਵੀ’ ਦਾ ਟੀਜ਼ਰ ਰਿਲੀਜ਼, ਫਸਟ ਲੁੱਕ ‘ਚ ਵੱਖਰੇ ਅੰਦਾਜ਼ ‘ਚ ਨਜ਼ਰ ਆਈ ਵਿਦਿਆ ਬਾਲਨ
ਬਾਲੀਵੁੱਡ ਦੀ ਦਮਦਾਰ ਅਦਾਕਾਰ ਵਿਦਿਆ ਬਾਲਨ ਜੋ ਕਿ ਆਪਣੇ ਕਿਰਦਾਰਾਂ ਨਾਲ ਹਰ ਵਾਰ ਕੁਝ ਵੱਖਰਾ ਹੀ ਪੇਸ਼ ਕਰਦੇ ਹਨ। ਜੀ ਹਾਂ ਮਿਸ਼ਨ ਮੰਗਲ ਦੀ ਸਫਲਤਾ ਤੋਂ ਬਾਅਦ ਉਹ ਬਾਓਪਿਕਸ ਫ਼ਿਲਮ ‘ਚ ਕੰਮ ਕਰ ਰਹੇ ਹਨ। ਜੀ ਹਾਂ ਉਹ ਗਣਿਤ ਦੀ ਮਾਹਿਰ ਸ਼ੰਕੁਤਲਾ ਦੇਵੀ ਉੱਤੇ ਬਣ ਰਹੀ ਬਾਓਪਿਕਸ ‘ਚ ਸ਼ੰਕੁਤਲਾ ਦੇਵੀ ਦਾ ਕਿਰਦਾਰ ਨਿਭਾਉਂਦੇ ਹੋਏ ਨਜ਼ਰ ਆਉਣਗੇ।
ਜੀ ਹਾਂ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਉੱਤੇ ਆਪਣੀ ਫਸਟ ਲੁੱਕ ਤੇ ਫ਼ਿਲਮ ਦਾ ਟੀਜ਼ਰ ਸਾਂਝਾ ਕੀਤਾ ਹੈ। ਪੋਸਟਰ ‘ਚ ਉਹ ਵੱਖਰੀ ਲੁੱਕ ‘ਚ ਨਜ਼ਰ ਆ ਰਹੇ ਨੇ। ਸ਼ੰਕੁਤਲਾ ਦੇਵੀ ਇੰਡੀਅਨ ਲੇਖਿਕਾ ਤੇ ਮੇਂਟਲ ਕੈਲਕੁਲੇਟਰ ਸੀ। ਉਹ ਦਿਮਾਗ ‘ਚ ਹੀ ਸਭ ਕੁਝ ਕੈਲਕੁਲੇਟ ਕਰ ਲੈਣ ਦੀ ਅਦਭੁੱਤ ਸ਼ਕਤੀ ਦੀ ਵਜਾ ਕਰਕੇ ਦਿ ਹਿਊਮਨ ਕੰਪਿਊਟਰ ਦੇ ਨਾਂਅ ਨਾਲ ਮਸ਼ਹੂਰ ਸਨ। ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡਸ ‘ਚ ਵੀ ਉਨ੍ਹਾਂ ਦਾ ਨਾਂ ਦਰਜ ਹੈ।
ਉੱਧਰ ਇਸ ਫ਼ਿਲਮ ਨੂੰ ਲੈ ਕੇ ਵਿਦਿਆ ਬਾਲਨ ਕਾਫੀ ਉਤਸ਼ਾਹਿਤ ਹਨ। ਵਿਦਿਆ ਬਾਲਨ ਦੀ ਫ਼ਿਲਮ ਦੀ ਪਹਿਲੀ ਝਲਕ ਸੋਸ਼ਲ ਮੀਡੀਆ ਦੇ ਗਲਿਆਰਿਆਂ ‘ਚ ਛਾ ਗਈ ਹੈ। ਦਰਸ਼ਕਾਂ ਵੱਲੋਂ ਟੀਜ਼ਰ ਤੇ ਫਸਟ ਲੁੱਕ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਫ਼ਿਲਮ ਨੂੰ ਅਨੂੰ ਮੇਨਨ ਵੱਲੋਂ ਡਾਇਰੈਕਟ ਕੀਤਾ ਜਾ ਰਿਹਾ ਹੈ। ਇਹ ਫ਼ਿਲਮ ਅਗਲੇ ਸਾਲ ਗਰਮੀਆਂ ‘ਚ ਰਿਲੀਜ਼ ਹੋਵੇਗੀ।