ਸ਼ੇਰਨੀ ਨੇ ਮੂੰਹ ਨਾਲ ਖੋਲ੍ਹਿਆ ਕਾਰ ਦਾ ਦਰਵਾਜ਼ਾ, ਜੰਗਲ ‘ਚ ਸ਼ੇਰ ਦੇਖਣ ਆਏ ਸੈਲਾਨੀਆਂ ਦੇ ਉੱਡੇ ਹੋਸ਼

written by Lajwinder kaur | January 06, 2023 03:49pm

Viral Video : ਜੰਗਲ ਦੇ ਰਾਜੇ ਸ਼ੇਰ ਤੋਂ ਹਰ ਜਾਨਵਰ ਡਰਦਾ ਹੈ। ਲੋਕ ਅਕਸਰ ਹੀ ਜੰਗਲ ਸਫਾਰੀ ਵਿੱਚ ਜਾਂਦੇ ਨੇ ਤਾਂ ਜੋ ਉਹ ਲਾਈਵ ਇੱਕ ਝਲਕ ਸ਼ੇਰ ਦੀ ਦੇਖ ਪਾਉਣ। ਜੇਕਰ ਗਲਤੀ ਨਾਲ ਵੀ ਸਾਹਮਣੇ ਆ ਜਾਵੇ ਤਾਂ ਸ਼ਾਇਦ ਡਰ ਦੀ ਹਰ ਹੱਦ ਹੀ ਪਾਰ ਹੋ ਜਾਂਦੀ ਹੈ। ਅਕਸਰ ਕੁਝ ਲੋਕ ਪਿੰਜਰੇ ਵਿੱਚ ਬੰਦ ਸ਼ੇਰ ਨੂੰ ਛੂਹਣ ਦੀ ਗਲਤੀ ਕਰਦੇ ਦੇਖੇ ਜਾਂਦੇ ਹਨ। ਸੋਸ਼ਲ ਮੀਡੀਆ 'ਤੇ ਅਜਿਹੀਆਂ ਵੀਡੀਓਜ਼ ਅਕਸਰ ਦੇਖਣ ਨੂੰ ਮਿਲਦੀਆਂ ਹਨ, ਜਿਸ ਦਾ ਨਤੀਜਾ ਕਈ ਵਾਰ ਬਹੁਤ ਡਰਾਉਣਾ ਵੀ ਨਜ਼ਰ ਆਉਂਦਾ ਹੈ। ਇਸ ਦੇ ਬਾਵਜੂਦ ਲੋਕ ਜੰਗਲੀ ਜਾਨਵਰਾਂ ਨਾਲ ਅਕਸਰ ਹੀ ਫਰੈਂਕ ਹੋਣ ਦੀ ਕੋਸ਼ਿਸ਼ ਕਰਦੇ ਹਨ।

inside image of lioness

ਹੋਰ ਪੜ੍ਹੋ : ਅਨੁਸ਼ਕਾ ਅਤੇ ਵਿਰਾਟ ਦੀ ਵਰਿੰਦਾਵਨ ਟ੍ਰਿਪ ਦਾ ਵੀਡੀਓ ਹੋਇਆ ਵਾਇਰਲ, ਧੀ ਵਾਮਿਕਾ ਦੇ ਕਿਊਟ ਅੰਦਾਜ਼ ਨੇ ਜਿੱਤਿਆ ਪ੍ਰਸ਼ੰਸਕਾਂ ਦਾ ਦਿਲ, ਦੇਖੋ ਵੀਡੀਓ

ਹਾਲ ਹੀ 'ਚ ਅਜਿਹੀ ਹੀ ਇੱਕ ਜੰਗਲ ਸਫਾਰੀ ਦਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਨੂੰ ਦੇਖ ਕੇ ਯੂਜ਼ਰਸ ਵੀ ਦੰਗ ਰਹਿ ਗਏ ਹਨ।

ਇਸ ਹੈਰਾਨ ਕਰਨ ਵਾਲੀ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਕਾਰ ਚਲਾ ਰਹੀ ਔਰਤ ਸੜਕ ਕਿਨਾਰੇ ਕਾਰ ਰੋਕਦੀ ਹੈ ਅਤੇ ਸਾਈਡ 'ਤੇ ਬੈਠੇ ਸ਼ੇਰਾਂ ਦੀ ਵੀਡੀਓ ਬਣਾਉਣ ਲੱਗਦੀ ਹੈ। ਇਸੇ ਦੌਰਾਨ ਇੱਕ ਸ਼ੇਰਨੀ ਕਾਰ ਦੇ ਨੇੜੇ ਆਉਂਦੀ ਹੈ ਅਤੇ ਕਾਰ ਦੇ ਅੰਦਰ ਝਾਕਣ ਲੱਗ ਜਾਂਦੀ ਹੈ।

Lioness image

ਵੀਡੀਓ 'ਚ ਅੱਗੇ ਦੇਖਿਆ ਜਾ ਸਕਦਾ ਹੈ ਕਿ ਸ਼ੇਰਨੀ ਆਸਾਨੀ ਨਾਲ ਆਪਣੇ ਮੂੰਹ ਨਾਲ ਕਾਰ ਦਾ ਦਰਵਾਜ਼ਾ ਖੋਲ੍ਹਦੀ ਹੈ, ਜਿਸ ਤੋਂ ਬਾਅਦ ਕਾਰ 'ਚ ਬੈਠੇ ਲੋਕ ਡਰ ਦੇ ਮਾਰੇ ਚੀਕਾਂ ਮਾਰਦੇ ਹਨ। ਹਾਲਾਂਕਿ ਇਹ ਵੀਡੀਓ ਪੁਰਾਣੀ ਹੈ ਪਰ ਇੱਕ ਵਾਰ ਫਿਰ ਤੋਂ ਇਹ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਅਤੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਰਹੀ ਹੈ।

viral video

ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ 'ਤੇ @TansuYegen ਹੈਂਡਲ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਇਸ ਵੀਡੀਓ ਨੂੰ ਹੁਣ ਤੱਕ 12.5 ਮਿਲੀਅਨ ਲੋਕ ਦੇਖ ਚੁੱਕੇ ਹਨ, ਜਦਕਿ 9 ਹਜ਼ਾਰ ਤੋਂ ਵੱਧ ਲੋਕ ਇਸ ਵੀਡੀਓ ਨੂੰ ਪਸੰਦ ਕਰ ਚੁੱਕੇ ਹਨ। ਵੀਡੀਓ ਦੇਖਣ ਤੋਂ ਬਾਅਦ ਡਰ ਦੇ ਮਾਰੇ ਯੂਜ਼ਰਸ ਦੇ ਸਾਹ ਵੀ ਰੁਕ ਗਏ ਹਨ।

 

You may also like