LIVE:
ਈਲੂ ਈਲੂ ਗਾਣੇ ਨਾਲ ਰਾਤੋ-ਰਾਤ ਸਟਾਰ ਬਣ ਗਏ ਸਨ ਵਿਵੇਕ, ਪਰ ਅੱਜ ਗੁਜ਼ਾਰ ਰਹੇ ਹਨ ਇਸ ਤਰ੍ਹਾਂ ਦੀ ਜ਼ਿੰਦਗੀ
ਬਾਲੀਵੁੱਡ ਵਿੱਚ ਕਈ ਸਟਾਰ ਇਸ ਤਰ੍ਹਾਂ ਦੇ ਹਨ ਜਿਨ੍ਹਾਂ ਨੇ ਜਿੰਨੀ ਛੇਤੀ ਬੁਲੰਦੀਆਂ ਨੂੰ ਛੂਹਿਆ, ਓਨੀਂ ਹੀ ਛੇਤੀ ਉਹ ਹੇਠਾਂ ਆ ਗਏ । ਇਹਨਾਂ ਵਿੱਚੋਂ ਇੱਕ ਹਨ ਵਿਵੇਕ ਮੁਸ਼ਰਾਨ । ਵਿਵੇਕ ਨੇ ਸੌਦਾਗਰ ਫ਼ਿਲਮ ਨਾਲ ਬਾਲੀਵੁੱਡ ਵਿੱਚ ਕਦਮ ਰੱਖਿਆ ਸੀ । ਇਸ ਫ਼ਿਲਮ ਨੇ ਉਹਨਾਂ ਨੂੰ ਰਾਤੋ ਰਾਤ ਸਟਾਰ ਬਣਾ ਦਿੱਤਾ ਸੀ । ਇਸ ਤੋਂ ਬਾਅਦ ਉਹਨਾਂ ਨੂੰ ਇੱਕ ਤੋਂ ਬਾਅਦ ਇੱਕ ਕਈ ਫ਼ਿਲਮਾਂ ਮਿਲੀਆਂ ਪਰ ਕੁਝ ਹੀ ਚਿਰ ਬਾਅਦ ਉਹਨਾਂ ਦੀਆਂ ਫ਼ਿਲਮਾਂ ਚਲਣੀਆਂ ਬੰਦ ਹੋ ਗਈਆਂ ਜਿਸ ਕਰਕੇ ਉਹਨਾਂ ਨੂੰ ਫ਼ਿਲਮਾਂ ਵਿੱਚ ਸਾਈਡ ਰੋਲ ਮਿਲਣ ਲੱਗੇ ।
ਪਰ ਅੱਜ ਉਹ ਸਾਈਡ ਰੋਲ ਵਿੱਚ ਵੀ ਨਜ਼ਰ ਨਹੀਂ ਆਉਂਦੇ । ਸੋਦਾਗਰ ਫ਼ਿਲਮ ਵਿੱਚ ਵਿਵੇਕ ਦੇ ਨਾਲ ਦਿਲੀਪ ਕੁਮਾਰ ਤੇ ਰਾਜ ਕੁਮਾਰ ਵਰਗੇ ਅਦਾਕਾਰ ਸਨ ਇਸ ਕਰਕੇ ਵਿਵੇਕ ਨੂੰ ਅਜਿਹਾ ਸਟਾਰਡਮ ਮਿਲਿਆ ਜਿਹੜਾ ਕਿਸੇ ਕਲਾਕਾਰ ਨੂੰ ਮਿਲਣ ਵਿੱਚ ਕਈ ਸਾਲ ਲੱਗ ਜਾਂਦੇ ਹਨ । ਵਿਵੇਕ ਨੇ ਸਾਲ 2੦੦੦ ਵਿੱਚ ਇੱਕ ਵਾਰ ਫਿਰ ਫ਼ਿਲਮ ਅਨਜਾਨੇ ਰਾਹੀਂ ਕਮਬੈਕ ਕੀਤਾ ਸੀ ਪਰ ਉਹ ਕੋਈ ਕਮਾਲ ਨਹੀਂ ਕਰ ਸਕੇ ।
ਜਿਸ ਕਰਕੇ ਉਹਨਾਂ ਨੂੰ ਫ਼ਿਲਮਾਂ ਵਿੱਚ ਛੋਟੇ ਰੋਲ ਮਿਲਣ ਲੱਗੇ । ਹਾਲ ਹੀ ਵਿੱਚ ਉਹ ਵੀਰੇ ਦੀ ਵੈਡਿੰਗ, ਪਿੰਕ, ਬੇਗਮ ਜਾਨ, ਵਿੱਚ ਨਜ਼ਰ ਆਏ ਹਨ । ਵਿਵੇਕ ਛੋਟੇ ਪਰਦੇ ਦੇ ਕਈ ਲੜੀਵਾਰ ਨਾਟਕਾਂ ਵਿੱਚ ਵੀ ਨਜ਼ਰ ਆਏ ਹਨ ।
ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਵਿਵੇਕ ਦੇ ਨਾਲ ਜਿੰਨ੍ਹਾ ਅਦਾਕਾਰਾਂ ਨੇ ਕੰਮ ਕੀਤਾ ਹੈ ਉਹ ਅੱਜ ਵੀ ਲੀਡ ਰੋਲ ਕਰ ਰਹੇ ਹਨ । ਪਰ ਉਹਨਾਂ ਨੂੰ ਹੁਣ ਸਾਈਡ ਰੋਲ ਵੀ ਮਿਲਣੇ ਬੰਦ ਹੋ ਗਏ ਹਨ । ਪਿਛਲੇ 28 ਸਾਲਾਂ ਵਿੱਚ ਵਿਵੇਕ ਲਈ ਬਹੁਤ ਕੁਝ ਬਦਲ ਗਿਆ ਹੈ।
