LIVE:
ਦਾਰਾ ਸਿੰਘ ਨੇ ਫ਼ਿਲਮ ਦੀ ਹੀਰੋਇਨ ਨੂੰ ਉਠਾਇਆ ਸੀ ਗੋਦੀ ਵਿੱਚ, ਗੁੱਸੇ ਵਿੱਚ ਪਤਨੀ ਨੇ ਕੀਤੀ ਸੀ ਇਸ ਤਰ੍ਹਾਂ ਦੀ ਹਰਕਤ
ਲਾਕਡਾਊਨ ਦੌਰਾਨ ਜਨਤਾ ਦੀ ਭਾਰੀ ਡਿਮਾਂਡ ਤੇ ਰਾਮਾਇਣ ਸੀਰੀਅਲ ਦੀ ਸ਼ੁਰੂਆਤ ਕੀਤੀ ਗਈ ਸੀ । ਰਾਮਾਇਣ ਵਿੱਚ ਹਨੁੰਮਾਨ ਦਾ ਕਿਰਦਾਰ ਦਾਰਾ ਸਿੰਘ ਨੇ ਨਿਭਾਇਆ ਸੀ । ਇਸ ਕਿਰਦਾਰ ਨੂੰ ਲੋਕਾਂ ਨੇ ਕਾਫੀ ਪਸੰਦ ਕੀਤਾ ਹੈ । ਦਾਰਾ ਸਿੰਘ ਨੇ ਆਪਣੀ ਅਦਾਕਾਰੀ ਨਾਲ ਇਸ ਕਿਰਦਾਰ ਵਿੱਚ ਜਾਨ ਪਾ ਦਿੱਤੀ ਸੀ ਜਿਸ ਕਰਕੇ ਇਹ ਕਿਰਦਾਰ ਅਮਰ ਹੋ ਗਿਆ । ਟੀਵੀ ਨਾਲ ਦਾਰਾ ਸਿੰਘ ਦਾ ਨਾਤਾ ਬਾਅਦ ਵਿੱਚ ਜੁੜਿਆ ਸੀ ਪਹਿਲਾਂ ਉਹ ਫ਼ਿਲਮਾਂ ਵਿੱਚ ਅਦਾਕਾਰੀ ਕਰਦੇ ਸਨ ।
ਉਹਨਾਂ ਦੀ ਜ਼ਿੰਦਗੀ ਦਾ ਖ਼ਾਸ ਕਿੱਸਾ ਹੈ ਜਿਸ ਬਾਰੇ ਤੁਹਾਨੂੰ ਦੱਸਦੇ ਹਾਂ । ਜਦੋਂ ਦਾਰਾ ਸਿੰਘ ਕਿਸੇ ਫ਼ਿਲਮ ਦੀ ਸ਼ੂਟਿੰਗ ਕਰਦੇ ਸਨ ਤਾਂ ਉਹਨਾਂ ਦੇ ਆਲੇ ਦੁਆਲੇ ਹੀਰੋਇਨਾਂ ਨੂੰ ਦੇਖ ਕੇ ਉਹਨਾਂ ਦੀ ਪਤਨੀ ਨੂੰ ਬਹੁਤ ਗੁੱਸਾ ਆਉਂਦਾ ਸੀ । ਇਸ ਬਾਰੇ ਦਾਰਾ ਸਿੰਘ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਸੀ । ਉਹਨਾਂ ਨੇ ਆਪਣੀ ਇੰਟਰਵਿਊ ਵਿੱਚ ਕਿਹਾ ਕਿ ‘ਇੱਕ ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਮੇਰੀ ਪਤਨੀ ਨਵੀਂ-ਨਵੀਂ ਮੁੰਬਈ ਆਈ ਸੀ, ਫ਼ਿਲਮ ਦੇ ਸੈੱਟ ਤੇ ਕਿਸ਼ਤੀ ਚੱਲ ਰਹੀ ਸੀ ।
ਸ਼ੂਟਿੰਗ ਦਾ ਸੀਨ ਇਸ ਤਰ੍ਹਾਂ ਦਾ ਸੀ ਕਿ ਹੀਰੋਇਨ ਕਿਸ਼ਤੀ ਵਿੱਚੋਂ ਡਿੱਗ ਜਾਂਦੀ ਹੈ ਤੇ ਮੈਂ ਉਸ ਨੂੰ ਚੁੱਕ ਕੇ ਬਾਹਰ ਲੈਣ ਕੇ ਆਉਣਾ ਹੁੰਦਾ ਹੈ । ਇਹ ਸੀਨ ਦੋ ਤਿੰਨ ਵਾਰ ਕਰਨਾ ਪਿਆ ਤੇ ਹੀਰੋਇਨ ਨੂੰ ਮੈਨੂੰ ਦੋ ਤਿੰਨ ਵਾਰ ਚੁੱਕਣਾ ਪਿਆ । ਇਸ ਨੂੰ ਦੇਖ ਕੇ ਮੇਰੀ ਪਤਨੀ ਗੁੱਸੇ ਹੋ ਗਈ ਤੇ ਉੱਥੋਂ ਉਠ ਕੇ ਚਲੀ ਗਈ’ । ਦਾਰਾ ਸਿੰਘ ਨੇ ਹਿੰਦੀ ਤੇ ਪੰਜਾਬੀ ਫ਼ਿਲਮਾਂ ਵਿੱਚ ਅਦਾਕਾਰੀ ਕੀਤੀ ਹੈ । ਉਹਨਾਂ ਦੀ ਪਹਿਲੀ ਹਿੰਦੀ ਫ਼ਿਲਮ ਸੰਗਦਿਲ ਸੀ ਜਿਹੜੀ ਕਿ 1952 ਵਿੱਚ ਰਿਲੀਜ਼ ਹੋਈ ।
