ਸੰਨੀ ਦਿਓਲ ਨੂੰ ਅਨਿਲ ਕਪੂਰ ਦੀ ਇਸ ਗੱਲ ’ਤੇ ਚੜ੍ਹਿਆ ਸੀ ਗੁੱਸਾ, ਗੁੱਸੇ ’ਚ ਸੰਨੀ ਨੇ ਅਨਿਲ ਕਪੂਰ ਦਾ ਦਬਾ ਦਿੱਤਾ ਸੀ ਗਲਾ

ਸੰਨੀ ਦਿਓਲ ਦੇ ਚਾਹੁਣ ਵਾਲਿਆਂ ਦੀ ਕੋਈ ਕਮੀ ਨਹੀਂ ਹੈ । ਉਹਨਾਂ ਦਾ ਐਕਸ਼ਨ ਅਤੇ ਡਾਲੀਲੌਗ ਬੋਲਣ ਦਾ ਅੰਦਾਜ਼ ਦਰਸ਼ਕਾਂ ਨੂੰ ਖੂਬ ਪਸੰਦ ਆਉਂਦਾ ਹੈ । ਸੰਨੀ ਦਿਓਲ ਨੇ ਦਾਮਿਨੀ, ਘਾਇਲ, ਘਾਤਕ, ਬੇਤਾਬ, ਗਦਰ ਵਰਗੀਆਂ ਫ਼ਿਲਮਾਂ ਦੇ ਕੇ ਬਾਲੀਵੁੱਡ ਵਿੱਚ ਵੱਖਰੀ ਪਹਿਚਾਣ ਬਣਾਈ ਹੈ । ਪਰ ਉਹਨਾਂ ਬਾਰੇ ਇੱਕ ਗੱਲ ਬਹੁਤ ਮਸ਼ਹੂਰ ਹੈ ਕਿ ਉਹਨਾਂ ਨੂੰ ਗੁੱਸਾ ਬਹੁਤ ਛੇਤੀ ਆਉਂਦਾ ਹੈ । ਉਹਨਾਂ ਦੇ ਇਸ ਗੁੱਸੇ ਦਾ ਸ਼ਿਕਾਰ ਕਈ ਅਦਾਕਾਰ ਵੀ ਹੋ ਚੁੱਕੇ ਹਨ । ਇਹਨਾਂ ਵਿੱਚੋਂ ਅਨਿਲ ਕਪੂਰ ਵੀ ਇੱਕ ਹਨ ।

ਇੱਕ ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਸੰਨੀ ਨੂੰ ਅਨਿਲ ਤੇ ਏਨਾਂ ਗੁੱਸਾ ਆਇਆ ਕਿ ਉਹਨਾਂ ਨੇ ਅਸਲ ਵਿੱਚ ਅਨਿਲ ਕਪੂਰ ਦਾ ਗਲਾ ਦਬਾ ਦਿੱਤਾ ਸੀ । ਅਨਿਲ ਨੂੰ ਜਿਸ ਕਰਕੇ ਸਾਹ ਲੈਣ ਵਿੱਚ ਵੀ ਤਕਲੀਫ ਹੋਣ ਲੱਗ ਗਈ ਸੀ । ਇਹ ਕਿੱਸਾ ਉਹਨਾਂ ਦਿਨਾਂ ਦਾ ਹੈ ਜਦੋਂ ਅਨਿਲ ਤੇ ਸੰਨੀ ਫ਼ਿਲਮ ‘ਰਾਮ ਅਵਤਾਰ’ ਦੀ ਸ਼ੂਟਿੰਗ ਕਰ ਰਹੇ ਸਨ । ਇਸ ਤੋਂ ਪਹਿਲਾਂ ਦੋਵੇਂ ਫ਼ਿਲਮ ‘ਜੋਸ਼ੀਲੇ’ ਵਿੱਚ ਕੰਮ ਕਰ ਚੁੱਕੇ ਸਨ । ਇਸ ਫ਼ਿਲਮ ਵਿੱਚ ਸੰਨੀ ਦਾ ਨਾਂਅ ਕ੍ਰੈਡਿਟ ਲਿਸਟ ਵਿੱਚ ਅਨਿਲ ਕਪੂਰ ਤੋਂ ਬਾਅਦ ਆਉਂਦਾ ਹੈ ।

ਇਹ ਗੱਲ ਸੰਨੀ ਨੂੰ ਪਸੰਦ ਨਹੀਂ ਸੀ ਆਈ ਜਿਸ ਕਰਕੇ ਉਹਨਾਂ ਨੇ ਇਸ ਦੀ ਸ਼ਿਕਾਇਤ ਫ਼ਿਲਮ ਦੇ ਡਾਇਰੈਕਟਰ ਨੂੰ ਕੀਤੀ । ਉਹਨਾਂ ਨੇ ਕਿਸੇ ਤਰੀਕੇ ਨਾਲ ਸੰਨੀ ਨੂੰ ਸਮਝਾ ਲਿਆ ਤੇ ਮਾਮਲਾ ਠੰਡੇ ਬਸਤੇ ਵਿੱਚ ਚਲਾ ਗਿਆ । ਪਰ ਸੰਨੀ ਦਾ ਗੁੱਸਾ ਠੰਡਾ ਨਹੀਂ ਹੋਇਆ, ਇਸੇ ਦੌਰਾਨ ਫ਼ਿਲਮ ‘ਜੋਸ਼ੀਲੇ’ ਲਈ ਵੀ ਪੂਰੀ ਟੀਮ ਨੂੰ ਕਾਸਟ ਕਰ ਲਿਆ ਗਿਆ । ਜਿਸ ਵਿੱਚ ਅਨਿਲ ਕਪੂਰ ਤੇ ਸੰਨੀ ਦਿਓਲ ਵੀ ਸਨ ।

ਇਸ ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਸੰਨੀ ਅਨਿਲ ਕਪੂਰ ਨਾਲ ਬਹੁਤ ਘੱਟ ਬੋਲਦੇ ਸਨ ਤੇ ਉਹ ਉੱਖੜੇ ਉਖੜੇ ਰਹਿੰਦੇ ਸਨ । ਇੱਕ ਦਿਨ ਫ਼ਿਲਮ ਦਾ ਫਾਈਟ ਸੀਨ ਫ਼ਿਲਮਾਇਆ ਗਿਆ । ਇਸ ਸੀਨ ਵਿੱਚ ਸੰਨੀ ਨੇ ਅਨਿਲ ਕਪੂਰ ਦਾ ਗਲਾ ਦਬਾਉਣਾ ਸੀ । ਸੀਨ ਨੂੰ ਫ਼ਿਲਮਾਉਂਦੇ ਹੋਏ ਸੰਨੀ ਨੇ ਅਨਿਲ ਦਾ ਗਲਾ ਘੁੱਟ ਕੇ ਦਬਾ ਦਿੱਤਾ, ਜਿਸ ਨਾਲ ਅਨਿਲ ਦਾ ਦਮ ਘੁੱਟਣ ਲੱਗ ਗਿਆ ।

ਡਾਇਰੈਕਟਰ ਦੇ ਕੱਟ ਕਹਿਣ ਤੇ ਵੀ ਸੰਨੀ ਨਹੀਂ ਰੁਕੇ, ਤੇ ਬਾਅਦ ਵਿੱਚ ਕਰੂ ਮੈਂਬਰਾਂ ਨੇ ਸੰਨੀ ਨੂੰ ਅਨਿਲ ਕਪੂਰ ਤੋਂ ਵੱਖ ਕੀਤਾ । ਅਨਿਲ ਕਪੂਰ ਨੇ ਇਸ ਬਾਰੇ ਮੀਡੀਆ ਨੂੰ ਵੀ ਦੱਸਿਆ ਸੀ ਜਦੋਂ ਸੰਨੀ ਤੋਂ ਇਸ ਬਾਰੇ ਪੁੱਛਿਆ ਗਿਆ ਤਾਂ ਉਹਨਾਂ ਨੇ ਕਿਹਾ ਕਿ ਉਹ ਤਾਂ ਫ਼ਿਲਮ ਦਾ ਸੀਨ ਫ਼ਿਲਮਾ ਰਹੇ ਸੀ । ਸੀਨ ਦੇ ਹਿਸਾਬ ਨਾਲ ਅਦਾਕਾਰੀ ਕਰ ਰਹੇ ਸਨ ।