ਪੰਜਾਬੀ ਸੂਫੀ ਗਾਇਕ ਸਤਿੰਦਰ ਸਰਤਾਜ ਜੋ ਕਿ ਬੈਕ ਟੂ ਬੈਕ ਗੀਤਾਂ ਦੇ ਨਾਲ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕਰ ਰਹੇ ਨੇ। ਇਸ ਵਾਰ ਉਹ ਜੋਸ਼ੀਲੇ ਗੀਤਾਂ ਦੇ ਚੜ੍ਹਦੀ ਕਲਾਂ ਚ ਰਹਿਣ ਵਾਲੇ ਗੀਤਾਂ ਦੇ ਨਾਲ ਪੰਜਾਬੀਆਂ ਦੇ ਹੌਸਲੇ ਬੁਲੰਦ ਕਰ ਰਹੇ ਨੇ। ਜੀ ਹਾਂ ਉਹ “ਫ਼ਤਹਿ ਇਬਾਰਤ” ਟਾਈਟਲ ਹੇਠ ਨਵਾਂ ਟਰੈਕ ਲੈ ਕੇ ਆਏ ਨੇ।
Image Source: youtube
ਉਨ੍ਹਾਂ ਨੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਗੀਤ ਦਾ ਛੋਟਾ ਜਿਹਾ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ- ‘𝐅𝐀𝐓𝐄𝐇 𝐈𝐁𝐀𝐑𝐀𝐓📜#Released📯
ਜੇ ਸਾਡੀ ਤਕ਼ਦੀਰ ‘ਚ “ਫ਼ਤਹਿ ਇਬਾਰਤ”ਲਿਖੀ ਹੋਈ
ਤਾਂ ਫਿਰ ਰੱਬ ਨੇ ਕ਼ਦਮਾਂ ਨੂੰ ਵੀ ਡੋਲਣ ਨਹੀਂ ਦੇਣਾ’ ।
ਜੇ ਗੱਲ ਕਰੀਏ ਇਸ ਗੀਤ ਦੀ ਤਾਂ ਬੋਲ ਖੁਦ ਸਤਿੰਦਰ ਸਰਤਾਜ ਦੀ ਕਲਮ ਚੋਂ ਹੀ ਨਿਕਲੇ ਨੇ ਤੇ ਮਿਊਜ਼ਿਕ Beat Minister ਨੇ ਦਿੱਤਾ ਹੈ । ਗਾਣੇ ਦਾ ਲਿਰਿਕਲ ਵੀਡੀਓ Garry Rajowal ਨੇ ਤਿਆਰ ਕੀਤਾ ਹੈ।
Image Source: youtubeਗਾਇਕ ਸਤਿੰਦਰ ਸਰਤਾਜ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਬਾਕਮਾਲ ਗੀਤ ਦੇ ਚੁੱਕੇ ਨੇ। ਗਾਇਕੀ ਦੇ ਨਾਲ ਉਹ ਅਦਾਕਾਰੀ ਦੇ ਖੇਤਰ ਕਾਫੀ ਐਕਟਿਵ ਨੇ । ਉਹ ਅਖੀਰਲੀ ਵਾਰ ‘ਇੱਕੋ ਮਿੱਕੇ’ ‘ਚ ਅਦਾਕਾਰੀ ਕਰਦੇ ਹੋਏ ਨਜ਼ਰ ਆਏ ਸੀ। ਏਨੀਂ ਦਿਨੀ ਉਹ ਆਪਣੀ ਨਵੀਂ ਫ਼ਿਲਮ ‘ਕਲੀ ਜੋਟਾ’ ਉੱਤੇ ਕੰਮ ਕਰ ਰਹੇ ਨੇ।
