'ਕੱਟ ਫੀਦਰ' ਲਗਾ ਕੇ ਕਿਸ 'ਤੇ ਕਹਿਰ ਢਾਅ ਰਹੀ ਹੈ ਗੁਰਲੇਜ਼ ਅਖਤਰ

ਗੁਰਲੇਜ਼ ਅਖਤਰ ਦਾ ਨਵਾਂ ਗੀਤ 'ਕਟ ਫੀਦਰ' ਰਿਲੀਜ਼ ਹੋ ਚੁੱਕਿਆ ਹੈ । ਇਸ ਗੀਤ ਦੇ ਬੋਲ ਮਨ ਗਿੱਲ ਨੇ ਲਿਖੇ ਨੇ ।ਇਸ ਗੀਤ 'ਚ ਇੱਕ ਮੁਟਿਆਰ ਦੇ ਹੁਸਨ ਦੇ ਨਾਲ-ਨਾਲ ਉਸ ਦੇ ਸਟਾਇਲ ਦੀ ਵੀ ਗੱਲ ਦਿਨ ਸਿੰਘ ਅਤੇ ਗੁਰਲੇਜ਼ ਅਖਤਰ ਨੇ ਕੀਤੀ ਹੈ । ਇੱਕ ਮੁਟਿਆਰ ਜਦੋਂ ਆਪਣੇ ਹੁਸਨ ਦੇ ਨਾਲ ਨਾਲ ਨਿੱਤ ਨਵੇਂ ਫੈਸ਼ਨ ਅਤੇ ਸਟਾਇਲ ਅਪਣਾ ਕੇ ਘਰੋਂ ਬਾਹਰ ਨਿਕਲਦੀ ਹੈ ਤਾਂ ਮੁੰਡਿਆਂ ਦੀ ਜਾਨ ਨਿਕਲਦੀ ਹੈ ।

ਮੁਟਿਆਰ ਦੇ ਹੁਸਨ ਦੇ ਨਾਲ-ਨਾਲ ਉਸ ਦੇ ਸੂਟ ਦੀ ਵੀ ਤਾਰੀਫ ਕੀਤੀ ਗਈ ਹੈ ।ਇਸ ਦੇ ਨਾਲ ਹੀ ਜਦੋਂ ਇੱਕ ਗੱਭਰੂ ਆਪਣੇ ਸਟਾਇਲ ਦੀ ਗੱਲ ਕਰਦਾ ਹੈ ਤਾਂ ਕਈ ਕੁੜੀਆਂ ਆਪਣੀ ਜਾਨ ਤਲੀ 'ਤੇ ਧਰ ਲੈਂਦੀਆਂ ਨੇ ਅਤੇ ਆਪਣਾ ਦਿਲ ਉਸ ਗੱਭਰੂ ਨੂੰ ਦੇਣ ਲਈ ਉਤਾਵਲੀਆਂ ਨਜ਼ਰ ਆਉਂਦੀਆਂ ਹੈ ।

ਗੱਭਰੂ ਦੇ ਸਟਾਇਲ ਅਤੇ ਮੁਟਿਆਰ ਦੇ ਹੁਸਨ ਦੀ ਤਾਰੀਫ ਕਰਦਿਆਂ ਹੋਇਆਂ ਮੁਟਿਆਰ ਦੇ ਸਿਰ ਤੋਂ ਲੈ ਕੇ ਪੈਰਾਂ ਤੱਕ ਪਾਏ ਗਹਿਣਿਆਂ ਉਸ ਦੇ ਦੁੱਪਟੇ ਅਤੇ ਅੱਖਾਂ ਦੀ ਵੀ ਤਾਰੀਫ ਕੀਤੀ ਗਈ ਹੈ । ਇਸ ਹੁਸਨ ਅਤੇ ਸਟਾਇਲ ਦੇ ਇਸ ਮੁਕਾਬਲੇ ਨੂੰ ਆਪਣੇ ਗੀਤ 'ਚ ਪਿਰੋਣ ਦੀ ਕੋਸ਼ਿਸ਼ ਕੀਤੀ ਹੈ ਦਿਨ ਸਿੰਘ ਅਤੇ ਗੁਰਲੇਜ਼ ਅਖਤਰ ਨੇ । ਇਸ ਦੇ ਨਾਲ ਹੀ ਗੀਤ ਦੀ ਫੀਚਰਿੰਗ 'ਚ ਤਨਵੀ ਨੇਗੀ ਨਜ਼ਰ ਆ ਰਹੇ ਨੇ । ਜਿਨ੍ਹਾਂ ਨੇ ਆਪਣੇ ਹੁਸਨ ਅਤੇ ਸਟਾਇਲ ਦੇ ਜਲਵੇ ਇਸ ਗੀਤ 'ਚ ਵਿਖਾਉਣ ਦੀ ਕਾਮਯਾਬ ਕੋਸ਼ਿਸ਼ ਕੀਤੀ ਹੈ ।