‘ਤਾਰਾ ਤੇ ਮੀਰਾ’ ਦੀ ਖ਼ੂਬਸੂਰਤ ਲਵ ਸਟੋਰੀ ਦੀ ਪਹਿਲੀ ਝਲਕ ਆਈ ਸਾਹਮਣੇ
ਰਣਜੀਤ ਬਾਵਾ ਦੀ ਆਉਣ ਵਾਲੀ ਪੰਜਾਬੀ ਫ਼ਿਲਮ ‘ਤਾਰਾ ਮੀਰਾ’ ਦੀ ਫਸਟ ਲੁੱਕ ਸਾਹਮਣੇ ਆ ਚੁੱਕੀ ਹੈ। ਜੀ ਹਾਂ ਰਣਜੀਤ ਬਾਵਾ ਨੇ ਇੰਸਟਾਗ੍ਰਾਮ ਉੱਤੇ ਪਹਿਲਾ ਪੋਸਟਰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ‘ਜਦੋਂ ਤੁਸੀਂ ਕਿਸੇ ਕਿੱਤੇ ਵਿੱਚ ਹੁੰਦੇ ਹੋ ਤਾਂ ਉੱਥੇ ਚੰਗਾ ਮਾੜਾ ਚਲਦਾ ਰਹਿੰਦਾ, ਤੁਸੀਂ ਹਰ ਕੰਮ ਜ਼ਿੰਦ ਜਾਨ ਲਗਾ ਕੇ ਕਰਦੇ ਹੋ ਤਾਂ ਕਿ ਫੈਨਜ਼ ਨੂੰ ਚੰਗਾ ਲੱਗੇ..ਮੈਂ ਹੁਣ ਤੱਕ ਜਿੰਨ੍ਹੀਆਂ ਵੀ ਫ਼ਿਲਮਾਂ ਕੀਤੀਆਂ ਤੁਸੀਂ ਹਰ ਰੋਲ ਲਈ ਹੌਂਸਲਾ ਅਫ਼ਜ਼ਾਈ ਕੀਤੀ ਹੈ ..ਹਿੱਟ ਸੁਪਰ ਹਿੱਟ ਹੋਣਾ ਉਪਰ ਵਾਲੇ ਦੇ ਹੱਥ 'ਚ..ਸੋ ਇਹ ਹੁਣ ਆਉਣ ਵਾਲੀ ਫ਼ਿਲਮ ਤਾਰਾ ਮੀਰਾ ਦੀ ਪਹਿਲੀ ਲੁੱਕ ਹੈ...ਤਾਰਾ ਤੇ ਮੀਰਾ ਦੀ ਖ਼ੂਬਸੂਰਤ ਜਿਹੀ ਲਵ ਸਟੋਰੀ ਹੈ..ਮੈਂ ਵਾਅਦਾ ਕਰਦਾ ਹਾਂ ਤੁਸੀਂ ਆਪਣੇ ਪਰਿਵਾਰਾਂ ਦੇ ਨਾਲ ਇਸ ਫ਼ਿਲਮ ਨੂੰ ਬਹੁਤ ਪਸੰਦ ਕਰੋਗੇ...’ ਇਸ ਤੋਂ ਇਲਾਵਾ ਅੱਗੇ ਲਿਖਦੇ ਹੋਏ ਉਨ੍ਹਾਂ ਨੇ ਗੁਰੂ ਰੰਧਾਵਾ ਦਾ ‘ਤਾਰਾ ਮੀਰਾ’ ਫ਼ਿਲਮ ਲਈ ਧੰਨਵਾਦ ਕੀਤਾ ਹੈ।
ਜੇ ਗੱਲ ਕਰੀਏ ਪੋਸਟਰ ਦੀ ਤਾਂ ਉਸ ‘ਚ ਰਣਜੀਤ ਬਾਵਾ ਤੇ ਨਾਜ਼ੀਆ ਹੁਸੈਨ ਬਹੁਤ ਹੀ ਕਿਊਟ ਲੁੱਕ ‘ਚ ਨਜ਼ਰ ਆ ਰਹੇ ਹਨ। ਜਿਸ ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਗੁਰੂ ਰੰਧਾਵਾ ਪੰਜਾਬੀ ਫ਼ਿਲਮ 'ਤਾਰਾ ਮੀਰਾ' ਨੂੰ ਪ੍ਰੋਡਿਊਸ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਫ਼ਿਲਮ ਦੀ ਕਹਾਣੀ ਨੂੰ ਲਿਖਿਆ ਅਤੇ ਡਾਇਰੈਕਟ ਕੀਤਾ ਰਾਜੀਵ ਕੁਮਾਰ ਢੀਂਗਰਾ ਨੇ। ਤਾਰਾ ਮੀਰਾ ਇਸੇ ਸਾਲ ਫ਼ਿਲਮ 11 ਅਕਤੂਬਰ ਨੂੰ ਰਿਲੀਜ਼ ਹੋਵੇਗੀ। ਫ਼ਿਲਮ ‘ਚ ਰਣਜੀਤ ਬਾਵਾ ਤੇ ਨਾਜ਼ੀਆ ਹੁਸੈਨ ਤੋਂ ਇਲਾਵਾ ਗੁਰਪ੍ਰੀਤ ਘੁੱਗੀ, ਸੁਦੇਸ਼ ਲਹਿਰੀ ਵਰਗੇ ਕਈ ਹੋਰ ਨਾਮੀ ਚਿਹਰੇ ਅਹਿਮ ਭੂਮਿਕਾ ‘ਚ ਨਜ਼ਰ ਆਉਣਗੇ।