ਮਾਤਾ ਦਾ ਭਜਨ ਨਾ ਗਾਉਣ ਕਰਕੇ ਕੁਦਰਤ ਨੇ ਦਿੱਤੀ ਸੀ ਨਰਿੰਦਰ ਚੰਚਲ ਨੂੰ ਸਜ਼ਾ, ਖੁਦ ਕੀਤਾ ਸੀ ਇੰਟਰਵਿਊ ਵਿੱਚ ਖੁਲਾਸਾ

written by Rupinder Kaler | January 23, 2021

ਨਰਿੰਦਰ ਚੰਚਲ ਦਾ ਸ਼ੁੱਕਰਵਾਰ ਨੂੰ ਦਿਹਾਂਤ ਹੋ ਗਿਆ ਹੈ । 80 ਸਾਲ ਦੇ ਨਰਿੰਦਰ ਚੰਚਲ ਨੇ ਹਸਪਤਾਲ ਵਿੱਚ ਆਖਰੀ ਸਾਹ ਲਿਆ ਸੀ । ਨਰਿੰਦਰ ਚੰਚਲ ਪੂਰੀ ਜ਼ਿੰਦਗੀ ਭਜਨ ਗਾਉਂਦੇ ਰਹੇ ਹਨ । ਨਰਿੰਦਰ ਚੰਚਲ ਮਾਤਾ ਦੇ ਜਗਰਾਤਿਆਂ ਵਿੱਚ ਗਾਉਂਦੇ ਸਨ ਤਾਂ ਹਰ ਕੋਈ ਮੰਤਰ ਮੁਗਧ ਹੋ ਜਾਂਦਾ ਸੀ । ਕਹਿੰਦੇ ਹਨ ਕਿ ਇੱਕ ਵਾਰ ਉਹਨਾਂ ਨੇ ਕਾਲੀ ਮਾਤਾ ਦੀ ਭਂੇਟ ਨਾ ਗਾਉਣ ਲਈ ਤਬੀਅਤ ਖਰਾਬ ਹੋਣ ਦਾ ਬਹਾਨਾ ਬਣਾ ਦਿੱਤਾ ਸੀ । ਜਿਸ ਤੋਂ ਅਗਲੇ ਹੀ ਦਿਨ ਉਹਨਾਂ ਦੀ ਆਵਾਜ਼ ਚਲੇ ਗਈ ਸੀ ।

ਹੋਰ ਪੜ੍ਹੋ :

ਨਰਿੰਦਰ ਚੰਚਲ ਦੇ ਦਿਹਾਂਤ ‘ਤੇ ਪੰਜਾਬੀ ਇੰਡਸਟਰੀ ਦੇ ਸਿਤਾਰਿਆਂ ਨੇ ਜਤਾਇਆ ਦੁੱਖ

ਅਦਾਕਾਰ ਵਰੁਣ ਧਵਨ ਅਤੇ ਨਤਾਸ਼ਾ ਦਲਾਲ ਦੇ ਵਿਆਹ ਦੀਆਂ ਤਸਵੀਰਾਂ ਹੋਈਆਂ ਵਾਇਰਲ, 24 ਜਨਵਰੀ ਨੂੰ ਨਤਾਸ਼ਾ ਦਲਾਲ ਨਾਲ ਲੈਣਗੇ ਫੇਰੇ

narendra_chanchal

ਇਸ ਕਿੱਸੇ ਦਾ ਖੁਲਾਸਾ ਉਹਨਾਂ ਨੇ ਖੁਦ ਇੱਕ ਇੰਟਰਵਿਊ ਵਿੱਚ ਕੀਤਾ ਹੈ । ਉਹਨਾਂ ਨੇ ਦੱਸਿਆ ਕਿ ‘ਬਾਲੀਵੁੱਡ ਫ਼ਿਲਮ ਵਿੱਚ ਗਾਣਾ ਗਾਉਣ ਤੋਂ ਬਾਅਦ ਉਹਨਾਂ ਦੇ ਦਿਮਾਗ ਵਿੱਚ ਇਹ ਗੱਲ ਬੈਠ ਗਈ ਸੀ ਕਿ ਉਹ ਹੁਣ ਬਾਲੀਵੁੱਡ ਸਿੰਗਰ ਬਣ ਗਏ ਹਨ । ਇਸ ਲਈ ਉਹ ਜਗਰਾਤਿਆਂ ਵਾਲਿਆਂ ਦੇ ਪ੍ਰੋਗਰਾਮ ਕਰਨ ਤੋਂ ਮਨਾ ਕਰਨ ਲੱਗੇ । ਇੱਕ ਸਟੇਜ ਸ਼ੋਅ ਲਈ ਮੈਂ ਆਗਰਾ ਜਾਣਾ ਸੀ ।

ਇਹ ਪ੍ਰੋਗਰਾਮ ਫ਼ਿਲਮੀ ਗਾਣਿਆਂ ਤੇ ਅਧਾਰਿਤ ਸੀ । ਇਸ ਪ੍ਰੋਗਰਾਮ ਵਿੱਚ ਜਾਣ ਤੋਂ ਪਹਿਲਾਂ ਮੈਂ ਕਾਲੀ ਮਾਤਾ ਦੇ ਮੰਦਰ ਵਿੱਚ ਮੱਥਾ ਟੇਕਣ ਗਿਆ । ਇਸ ਦੌਰਾਨ ਕਿਸੇ ਨੇ ਮੈਨੂੰ ਮਾਤਾ ਦੀ ਭਂੇਟ ਸੁਨਾਉਣ ਲਈ ਕਿਹਾ ਪਰ ਮੈਂ ਤਬੀਅਤ ਖਰਾਬ ਹੋਣ ਦਾ ਬਹਾਨਾ ਬਣਾ ਕੇ ਨਿਕਲ ਗਿਆ । ਇਸ ਤੋਂ ਅਗਲੇ ਦਿਨ ਮੇਰੀ ਆਵਾਜ਼ ਬੰਦ ਹੋ ਗਈ । ਜਿਸ ਤੋਂ ਬਾਅਦ ਮੈਂ ਸਮਝ ਗਿਆ ਮਿ ਮੈਨੂੰ ਸਜ਼ਾ ਮਿਲ ਗਈ ਹੈ । ਇਸ ਤੋਂ ਬਾਅਦ ਮੈਂ ਕਦੇ ਵੀ ਭਜਨ ਗਾਉਣ ਤੋਂ ਮਨਾ ਨਹੀਂ ਕੀਤਾ’ ।

0 Comments
0

You may also like