ਹਰਭਜਨ ਮਾਨ ਨੂੰ ਬਚਪਨ ‘ਚ ਸਕੂਲ ਮਾਸਟਰ ਤੋਂ ਇਸ ਗੱਲ ਕਰਕੇ ਪਈ ਸੀ ਚਪੇੜ, ਗਾਇਕ ਨੇ ਵੀਡੀਓ ਸਾਂਝਾ ਕਰਕੇ ਦੱਸਿਆ ਕਿੱਸਾ

ਹਰਭਜਨ ਮਾਨ ਨੇ ਆਪਣੇ ਜੱਦੀ ਪਿੰਡ ਖੇਮੂਆਣੇ ਦੀਆਂ ਕੁਝ ਯਾਦਾਂ ਦਾ ਇੱਕ ਵੀਡੀਓ ਯੂਟਿਊਬ ਚੈਨਲ ‘ਤੇ ਸਾਂਝਾ ਕੀਤਾ ਹੈ । ਇਸ ਵੀਡੀਓ ‘ਚ ਉਹ ਆਪਣੇ ਸਕੂਲ ‘ਚ ਪਹੁੰਚੇ ਹਨ । ਜਿੱਥੇ ਉਨ੍ਹਾਂ ਨੇ ਆਪਣੇ ਸਕੂਲ ਸਮੇਂ ਦੌਰਾਨ ਕਈ ਯਾਦਾਂ ਤਾਜ਼ਾ ਕੀਤੀਆਂ । ਉਹ ਇਸ ਵੀਡੀਓ ‘ਚ ਉਨ੍ਹਾਂ ਨੇ ਆਪਣੇ ਕਲਾਸ ਰੂਮ ਦੇ ਨਾਲ ਜੁੜਿਆ ਇੱਕ ਕਿੱਸਾ ਸਾਂਝਾ ਕੀਤਾ ਹੈ । ਉਨ੍ਹਾਂ ਨੇ ਆਪਣੇ ਟੀਚਰ ਬਾਰੇ ਦੱਸਿਆ ਕਿ "ਇੱਕ ਦਿਨ ਉਨ੍ਹਾਂ ਦੇ ਮਾਸਟਰ ਸੇਠੀ ਜੋ ਕਿ ਉਨ੍ਹਾਂ ਨੂੰ ਪੜ੍ਹਾਉਂਦੇ ਸਨ । ਇੱਕ ਦਿਨ ਬੱਚਿਆਂ ਦੇ ਨਾਲ ਇੰਟਰੋਡਕਸ਼ਨ ਕਰ ਰਹੇ ਸਨ ।

ਮਾਸਟਰ ਜੀ ਇੱਕ ਸਵਾਲ ਪੁੱਛਣ ਲੱਗੇ ਤਾਂ ਮੈਂ ਪਹਿਲਾਂ ਹੀ ਆਪਣਾ ਹੱਥ ਖੜਾ ਕਰ ਦਿੱਤਾ ।ਪਰ ਸਵਾਲ ਕੀ ਸੀ ਉਹ ਮੈਂ ਸੁਣਿਆ ਹੀ ਨਹੀਂ ਸੀ । ਜਵਾਬ ਵੀ ਮੈਂਨੂੰ ਪਤਾ ਨਹੀਂ ਸੀ, ਜਿਸ ਤੋਂ ਬਾਅਦ ਮਾਸਟਰ ਜੀ ਨੇ ਉਨ੍ਹਾਂ ਦੇ ਮੂੰਹ ‘ਤੇ ਥੱਪੜ ਰਸੀਦ ਕਰ ਦਿੱਤਾ ਸੀ" ।

https://www.instagram.com/p/B-v4-4bBOv1/

ਹਰਭਜਨ ਮਾਨ ਨੇ ਦੱਸਿਆ ਕਿ ਜ਼ਿੰਦਗੀ ‘ਚ ਇਹ ਵੀ ਉਨ੍ਹਾਂ ਲਈ ਸਬਕ ਸੀ ਕਿ ਕੁਝ ਬੋਲਣ ਤੋਂ ਪਹਿਲਾਂ ਧਿਆਨ ਨਾਲ ਕਿਸੇ ਗੱਲ ਨੂੰ ਸੁਣਨਾ ਚਾਹੀਦਾ ਹੈ" । ਸਕੂਲ ਤੋਂ ਬਾਅਦ ਹਰਭਜਨ ਮਾਨ ਆਪਣੇ ਪਿੰਡ ਦੀ ਕੁਟੀਆ ਵੀ ਵੇਖਣ ਗਏ । ਜਿੱਥੇ ਸੰਤਾਂ ਦੀ ਮੰਡਲੀ ਠਹਿਰਦੀ ਹੁੰਦੀ ਸੀ ।

https://www.instagram.com/p/B-RfibYBrKM/

ਹਰਭਜਨ ਮਾਨ ਇਸ ਤੋਂ ਪਹਿਲਾਂ ਵੀ ਕਈ ਵਾਰ ਆਪਣੇ ਪਿੰਡ ਦੀਆਂ ਯਾਦਾਂ ਸਾਂਝੀਆਂ ਕਰ ਚੁੱਕੇ ਹਨ । ਉਹ ਅਕਸਰ ਆਪਣੇ ਫੈਨਸ ਲਈ ਵੀਡੀਓਜ਼ ਅਤੇ ਤਸਵੀਰਾਂ ਸਾਂਝੀਆਂ ਕਰਦੇ ਰਹਿੰਦੇ ਨੇ ।