ਅਨੰਤ ਅੰਬਾਨੀ ਤੇ ਰਾਧਿਕਾ ਮਾਰਚੈਂਟ ਦੀ ਹਲਦੀ ਸੈਰੇਮਨੀ ਦੀਆਂ ਤਸਵੀਰਾਂ ਹੋਈਆਂ ਵਾਇਰਲ

ਅਨੰਤ ਅੰਬਾਨੀ ਤੇ ਰਾਧਿਕਾ ਮਾਰਚੈਂਟ ਦਾ ਵਿਆਹ ਬੀਤੇ ਦਿਨੀਂ ਬੜੀ ਹੀ ਸ਼ਾਨੋ ਸ਼ੌਕਤ ਦੇ ਨਾਲ ਸਿਰੇ ਚੜਿਆ । ਜਿਸ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓ ਸਾਹਮਣੇ ਆ ਰਹੀਆਂ ਹਨ। ਹੁਣ ਦੋਵਾਂ ਦੀ ਹਲਦੀ ਸੈਰੇਮਨੀ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈਆਂ ਹਨ ।

Reported by: PTC Punjabi Desk | Edited by: Shaminder | July 26th 2024 02:39 PM | Updated: July 26th 2024 02:39 PM

ਅਨੰਤ ਅੰਬਾਨੀ ਤੇ ਰਾਧਿਕਾ ਮਾਰਚੈਂਟ ਦਾ ਵਿਆਹ ਬੀਤੇ ਦਿਨੀਂ ਬੜੀ ਹੀ ਸ਼ਾਨੋ ਸ਼ੌਕਤ ਦੇ ਨਾਲ ਸਿਰੇ ਚੜਿਆ । ਜਿਸ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓ ਸਾਹਮਣੇ ਆ ਰਹੀਆਂ ਹਨ। ਹੁਣ ਦੋਵਾਂ ਦੀ ਹਲਦੀ ਸੈਰੇਮਨੀ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈਆਂ ਹਨ । ਜਿਸ ‘ਚ ਇਸ ਜੋੜੀ ਦੇ ਵੱਲੋਂ ਹਲਦੀ ਸੈਰੇਮਨੀ ਦੇ ਦੌਰਾਨ ਕੀਤੀ ਗਈ ਮਸਤੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਅਦਾਕਾਰ ਰਣਵੀਰ ਸਿੰਘ, ਹਾਰਦਿਕ ਪੰਡਿਆ ਸਣੇ ਕਈ ਹਸਤੀਆਂ ਹਲਦੀ ਸੈਰੇਮਨੀ ਦੇ ਦੌਰਾਨ ਮਸਤੀ ਕਰਦੀਆਂ ਦਿਖਾਈ ਦਿੱਤੀਆਂ।

ਹੋਰ ਪੜ੍ਹੋ : ਸੁਰਿੰਦਰ ਛਿੰਦਾ ਜੀ ਦੀ ਅੱਜ ਹੈ ਬਰਸੀ, ਬਰਸੀ ਮੌਕੇ ਗਾਇਕ ਨੂੰ ਸਮਰਪਿਤ ਗੀਤ ‘ਕਿੱਥੇ ਤੁਰ ਗਿਆ ਯਾਰਾ’ ਹੋਵੇਗਾ ਰਿਲੀਜ਼

ਅਨੰਤ ਅੰਬਾਨੀ ਆਪਣੇ ਪਿਤਾ ਮੁਕੇਸ਼ ਅੰਬਾਨੀ ਤੇ ਮਾਂ ਨੀਤਾ ਅੰਬਾਨੀ ‘ਤੇ ਹਲਦੀ ਦਾ ਭਰਿਆ ਬਰਤਨ ਪਾ ਦਿੰਦੇ ਹਨ ਅਤੇ ਰਾਧਿਕਾ ਵੀ ਹਲਦੀ ਦੇ ਰੰਗ ‘ਚ ਰੰਗੀ ਹੋਈ ਨਜ਼ਰ ਆ ਰਹੀ ਹੈ। ਦੱਸ ਦਈਏ ਕਿ ਬੀਤੇ ਦਿਨੀਂ ਇਹ ਜੋੜੀ ਵਿਆਹ ਦੇ ਬੰਧਨ ‘ਚ ਬੱਝੀ ਸੀ। ਜਿਸ ‘ਚ ਬਾਲੀਵੁੱਡ ਇੰਡਸਟਰੀ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ ਸੀ ।

ਅਨੰਤ ਤੇ ਰਾਧਿਕਾ ਦੇ ਵਿਆਹ ਦੇ ਸਮਾਗਮ ਕਈ ਮਹੀਨੇ ਚੱਲੇ

ਅਨੰਤ ਤੇ ਰਾਧਿਕਾ ਮਾਰਚੈਂਟ ਦੇ ਵਿਆਹ ਸਮਾਗਮ ਕਈ ਮਹੀਨੇ ਤੱਕ ਚੱਲੇ ਸਨ । ਪਹਿਲਾਂ ਭਾਰਤ ‘ਚ ਬਾਅਦ ‘ਚ ਵਿਦੇਸ਼ ‘ਚ ਕਈ ਸਮਾਰੋਹ ਕਰਵਾਏ ਗਏ ਸਨ ।ਜਿਸ ‘ਚ ਦੇਸ਼ ਵਿਦੇਸ਼ ‘ਚ ਬਿਜਨੇਸ, ਮਨੋਰੰਜਨ, ਸਾਧੂ ਸੰਤਾਂ ਸਣੇ ਕਈ ਹਸਤੀਆਂ ਨੇ ਸ਼ਿਰਕਤ ਕੀਤੀ ਸੀ । ਰਿਸੈਪਸ਼ਨ ਪਾਰਟੀ ‘ਚ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਵੀ ਸ਼ਿਰਕਤ ਕੀਤੀ ਸੀ।