‘ਬਿਜਲੀ-ਬਿਜਲੀ’ ਗਾਣੇ ਦੇ ਵੀਡੀਓ ‘ਚ ਡਾਂਸ ਕਰਦੇ ਹੋਏ ਹਾਰਡੀ ਸੰਧੂ ਦੀ ਉਤਰ ਗਈ ਸੀ ਪੈਂਟ, ਭੱਜੀ ਨੇ ਕਮੈਂਟ ਕਰਕੇ ਕਿਹਾ ਸ਼ੁਕਰ ਏ...’
ਪੰਜਾਬੀ ਮਿਊਜ਼ਿਕ ਜਗਤ ਦੇ ਨਾਮੀ ਗਾਇਕ ਹਾਰਡੀ ਸੰਧੂ Harrdy Sandhu ਜੋ ਕਿ ਆਪਣੇ ਗੀਤਾਂ ਕਰਕੇ ਖੂਬ ਸੁਰਖੀਆਂ ‘ਚ ਬਣੇ ਰਹਿੰਦੇ ਨੇ। ਇਸ ਵਾਰ ਉਨ੍ਹਾਂ ਨੇ ਇੱਕ ਹੋਰ ਸੁਪਰ ਹਿੱਟ ਗੀਤ ਦਿੱਤਾ ਹੈ ਬਿਜਲੀ ਬਿਜਲੀ। ਇਸ ਗੀਤ ਨੂੰ ਦਰਸ਼ਕਾਂ ਵੱਲੋਂ ਰੱਜ ਕੇ ਪਿਆਰ ਮਿਲਿਆ ਹੈ। ਬਾਲੀਵੁੱਡ ਤੋਂ ਲੈ ਕੇ ਟੀਵੀ ਜਗਤ ਦੀਆਂ ਕਈ ਨਾਮੀ ਹਸਤੀਆਂ ਨੇ ਇਸ ਗੀਤ ਉੱਤੇ ਰੀਲਾਂ ਬਣਾਈਆਂ ਨੇ। ਪਰ ਹਾਰਡੀ ਸੰਧੂ ਨੇ ਬਿਜਲੀ ਬਿਜਲੀ Bijlee Bijlee, ਗੀਤ ਦੇ ਨਾਲ ਜੁੜੇ ਇੱਕ ਕਿੱਸੇ ਨੂੰ ਸਾਂਝਾ ਕੀਤਾ ਹੈ।
ਜੀ ਹਾਂ ਹਾਰਡੀ ਸੰਧੂ ਦੇ ਨਾਲ ਇੱਕ ਹਾਸੋਹੀਣ ਤੇ ਸ਼ਰਮਿੰਦਗੀ ਵਾਲਾ ਹਾਦਸਾ ਹੋ ਗਿਆ ਸੀ। ਜਿਸ ਦਾ ਵੀਡੀਓ ਖੁਦ ਹਾਰਡੀ ਸੰਧੂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਪੋਸਟ ਕੀਤਾ ਹੈ। ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋਏ ਹਾਰਡੀ ਤੇ ਪਲਕ ਗਾਣੇ ਉੱਤੇ ਡਾਂਸ ਕਰ ਰਹੇ ਨੇ। ਪਰ ਸੌਂਗ ਬਿਜਲੀ ਬਿਜਲੀ ਦਾ ਹੁੱਕ ਸਟੈਪ ਕਰਦੇ ਹੋਏ ਹਾਰਡੀ ਦੀ ਚਮਕਲੀ ਜਿਹੀ ਪੈਂਟ ਉਤਰ ਗਈ ਸੀ। ਪਰ ਸ਼ੁਕਰ ਹੈ ਹਾਰਡੀ ਨੇ ਇਸ ਪਲ ਨੂੰ ਬਹੁਤ ਹੀ ਫਨੀ ਅੰਦਾਜ਼ ਦੇ ਨਾਲ ਠੀਕ ਕਰ ਲਿਆ ਸੀ। ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਹਾਰਡੀ ਨੇ ਲਿਖਿਆ ਹੈ ਆ ਵੀ ਹੋ ਗਿਆ ਸੀ...ਬਿਜਲੀ ਬਿਜਲੀ ..ਬੀਹਾਈਂਡ ਦਾ ਸੀਨ..’। ਪ੍ਰਸ਼ੰਸਕ ਤੇ ਕਲਾਕਾਰ ਵੀ ਮਜ਼ੇਦਾਰ ਕਮੈਂਟ ਕਰ ਰਹੇ ਨੇ । ਕ੍ਰਿਕੇਟਰ ਹਰਭਜਨ ਸਿੰਘ ਨੇ ਲਿਖਿਆ – ਅੱਛਾ ਹੋਇਆ ਕੱਛਾ ਪਿਆ ਹੋਇਆ ਸੀ ਤੇ ਨਾਲ ਹਾਸੇ ਵਾਲਾ ਇਮੋਜ਼ੀ ਪੋਸਟ ਕੀਤਾ ਹੈ। ਚਾਰ ਲੱਖ ਤੋਂ ਵੱਧ ਲਾਈਕਸ ਇਸ ਵੀਡੀਓ ਉੱਤੇ ਆ ਚੁੱਕੇ ਨੇ।
ਜੇ ਗੱਲ ਕਰੀਏ ਹਾਰਡੀ ਸੰਧੂ ਦੇ ਵਰਕ ਫਰੰਟ ਦੀ ਤਾਂ ਉਹ ਪੰਜਾਬੀ ਮਿਊਜ਼ਿਕ ਜਗਤ ਦੇ ਨਾਮੀ ਗਾਇਕ ਨੇ। ਗਾਇਕੀ ਦੇ ਨਾਲ ਉਹ ਅਦਾਕਾਰੀ ਦੇ ਖੇਤਰ ਚ ਵੀ ਐਕਟਿਵ ਨੇ। ਹਾਲ ਹੀ ਚ ਉਹ ਬਾਲੀਵੁੱਡ ਫ਼ਿਲਮ 83 ‘ਚ ਨਜ਼ਰ ਆਏ ਸੀ। ਇਸ ਫ਼ਿਲਮ ‘ਚ ਉਹ ਰਣਵੀਰ ਸਿੰਘ, ਦੀਪਿਕਾ ਪਾਦੁਕੋਣ, ਐਮੀ ਵਿਰਕ ਤੇ ਕਈ ਹੋਰ ਨਾਮੀ ਕਲਾਕਾਰਾਂ ਦੇ ਨਾਲ ਕੰਮ ਕਰਦੇ ਹੋਏ ਨਜ਼ਰ ਆਏ ਸੀ।
View this post on Instagram