ਬਾਲੀਵੁੱਡ ਵਿੱਚ ਐਕਟਿੰਗ ਗੁਰੂ ਦੇ ਨਾਂ ਨਾਲ ਮਸ਼ਹੂਰ ਰੌਸ਼ਨ ਤਨੇਜਾ ਦਾ 87 ਸਾਲਾਂ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ ਹੈ । ਉਹਨਾਂ ਦੇ ਦਿਹਾਂਤ ਤੋਂ ਬਾਅਦ ਬਾਲੀਵੁੱਡ ਵਿੱਚ ਦੁੱਖ ਦੀ ਲਹਿਰ ਦੌੜ ਗਈ ਹੈ । ਰੌਸ਼ਨ ਤਨੇਜਾ ਨੇ ਸ਼ਬਾਨਾ ਆਜ਼ਮੀ, ਨਸੀਰੂਦੀਨ ਸ਼ਾਹ, ਜਯਾ ਬੱਚਨ, ਅਨਿਲ ਕਪੂਰ ਅਤੇ ਸ਼ਤਰੂਗਨ ਸਿਨ੍ਹਾ ਸਮੇਤ ਕਈ ਵੱਡੇ ਸਿਤਾਰਿਆਂ ਨੂੰ ਅਦਾਕਾਰੀ ਦੀ ਟ੍ਰੇਨਿੰਗ ਦਿੱਤੀ ਹੈ ।
Roshan Taneja, Who Trained Actors Like Jaya Bachchan, Anil Kapoor, Died At 87
ਰੌਸ਼ਨ ਤਨੇਜਾ ਦੇ ਬੇਟੇ ਨੇ ਉਹਨਾਂ ਦੇ ਦਿਹਾਂਤ ਦੀ ਖ਼ਬਰ ਦਿੱਤੀ ਹੈ । ਉਹ ਲੰਮੇ ਸਮੇਂ ਤੋਂ ਬਿਮਾਰ ਸਨ । ਉਹਨਾਂ ਦੇ ਪਰਿਵਾਰ ਦੀ ਗੱਲ ਕੀਤੀ ਜਾਵੇ ਤਾਂ ਪਰਿਵਾਰ ਵਿੱਚ ਉਹਨਾਂ ਦੀ ਪਤਨੀ ਤੇ ਦੋ ਬੇਟੇ ਹਨ ।
https://twitter.com/bollybubble/status/1127082293221158918
ਰੌਸ਼ਨ ਦੇ ਦਿਹਾਂਤ ਤੇ ਸ਼ਬਾਨਾ ਆਜ਼ਮੀ ਨੇ ਭਾਵੁਕ ਟਵੀਟ ਕੀਤਾ ਹੈ । ਉਹਨਾਂ ਨੇ ਲਿਖਿਆ ਹੈ ਕਿ 'ਮੈਨੂੰ ਬੀਤੀ ਰਾਤ ਦੁੱਖ ਭਰੀ ਖ਼ਬਰ ਮਿਲੀ ਕਿ ਰੌਸ਼ਨ ਤਨੇਜਾ ਦਾ ਦਿਹਾਂਤ ਹੋ ਗਿਆ ਹੈ । ਉਹ ਮੇਰੇ ਗੁਰੂ ਸਨ ਤੇ ਉਹ ਇੱਕੋ ਇੱਕ ਅਜਿਹੇ ਵਿਆਕਤੀ ਸਨ ਜਿਨ੍ਹਾਂ ਦੇ ਉਹ ਪੈਰੀਂ ਹੱਥ ਲਗਾaੁਂਦੀ ਸੀ । ਉਹਨਾਂ ਨੇ ਹੀ ਮੈਨੂੰ ਅਦਾਕਾਰੀ ਦੇ ਗੁਰ ਸਿਖਾਏ ਸਨ'
https://twitter.com/AzmiShabana/status/1127012545150111745
ਇਸ ਦੇ ਨਾਲ ਹੀ ਉਹਨਾਂ ਨੇ ਪਰਿਵਾਰ ਦੇ ਨਾਲ ਦੁੱਖ ਜਤਾਇਆ ਹੈ । ਇਸੇ ਤਰ੍ਹਾਂ ਅਦਾਕਾਰ ਰਾਕੇਸ਼ ਬੇਦੀ ਨੇ ਵੀ ਲਿਖਿਆ ਹੈ 'ਉਹਨਾਂ ਲਈ ਅੱਜ ਦਾ ਦਿਨ ਬਹੁਤ ਦੁੱਖ ਭਰਿਆ ਦਿਨ ਹੈ । ਉਹਨਾਂ ਦੇ ਗੁਰੂ ਰੌਸ਼ਨ ਤਨੇਜਾ ਦਾ ਦਿਹਾਂਤ ਹੋ ਗਿਆ ।ਰੱਬ ਉਹਨਾਂ ਦੀ ਆਤਮਾ ਨੂੰ ਸ਼ਾਂਤੀ ਦੇਵੇ ।'
https://twitter.com/bolbedibol/status/1127040081431224320