ਬੌਬੀ ਦਿਓਲ ਦੀ ਫ਼ਿਲਮ ਕਰੀਬ ਨਾਲ ਹੋਈ ਸੀ ਇਸ ਹੀਰੋਇਨ ਦੀ ਚੜਾਈ, ਅੱਜ ਕੱਲ੍ਹ ਇਸ ਤਰ੍ਹਾਂ ਗੁਜ਼ਾਰ ਰਹੀ ਹੈ ਜ਼ਿੰਦਗੀ

ਬਾਲੀਵੁੱਡ ਫ਼ਿਲਮ ‘ਕਰੀਬ’ ਤੇ ਉਸ ਦੀ ਹੀਰੋਇਨ ਹਰ ਇੱਕ ਨੂੰ ਯਾਦ ਹੋਵੇਗੀ ਕਿਉਂਕਿ ਇਸ ਫ਼ਿਲਮ ਦੀ ਹੀਰੋਇਨ ਨੇਹਾ ਦੀਆਂ ਅਦਾਵਾਂ ਤੇ ਅਦਾਕਾਰੀ ਦਾ ਹਰ ਕੋਈ ਕਾਇਲ ਹੋ ਗਿਆ ਸੀ । ਪਹਿਲੀ ਫ਼ਿਲਮ ਨੇ ਹੀ ਨੇਹਾ ਦੇ ਬਾਲੀਵੁੱਡ ਵਿੱਚ ਚਰਚੇ ਛੇੜ ਦਿੱਤੇ ਸਨ । ਇਸ ਆਰਟੀਕਲ ਵਿੱਚ ਅਸੀਂ ਤੁਹਾਨੂੰ ਉਹਨਾਂ ਦੀਆਂ ਕੁਝ ਖ਼ਾਸ ਗੱਲਾਂ ਦੱਸਾਂਗੇ ।

ਨੇਹਾ ਦਾ ਅਸਲੀ ਨਾਂਅ ਸ਼ਬਾਨਾ ਰਜ਼ਾ ਹੈ । ਨੇਹਾ ਬਾਲੀਵੁੱਡ ਅਦਾਕਾਰ ਮਨੋਜ ਵਾਜਪੇਈ ਦੀ ਪਤਨੀ ਹੈ ਤੇ ਅੱਜ ਕੱਲ੍ਹ ਆਪਣਾ ਘਰ ਬਾਹਰ ਸੰਭਾਲ ਰਹੀ ਹੈ । ਨੇਹਾ ਤੇ ਵਾਜਪੇਈ ਦੀ ਮੁਲਾਕਾਤ ਨੇਹਾ ਦੀ ਪਹਿਲੀ ਫ਼ਿਲਮ ਤੋਂ ਬਾਅਦ ਹੋਈ ਸੀ ਤੇ 2006 ਵਿੱਚ ਦੋਹਾਂ ਨੇ ਵਿਆਹ ਕਰ ਲਿਆ ਸੀ ।

ਭਾਵੇਂ ਨੇਹਾ ਨੇ ਵਿਆਹ ਤੋਂ ਬਾਅਦ ਕੁਝ ਫ਼ਿਲਮਾਂ ਵਿੱਚ ਕੰਮ ਕੀਤਾ ਪਰ ਅਚਾਨਕ ਉਹ ਇੰਡਸਟਰੀ ਵਿੱਚੋਂ ਗਾਇਬ ਹੋ ਗਈ । ਨੇਹਾ ਨੇ ਫਿਜ਼ਾ, ਹੋਗੀ ਪਿਆਰ ਕੀ ਜੀਤ, ਕੋਈ ਮੇਰੇ ਦਿਲ ਮਂੇ ਹੈ ਵਰਗੀਆਂ ਫ਼ਿਲਮਾਂ ਵਿੱਚ ਕੰਮ ਕੀਤਾ ਸੀ ।

ਉਹਨਾਂ ਦੀ ਆਖਰੀ ਫ਼ਿਲਮ 2008 ਵਿੱਚ ਆਈ ਸੀ ਜਿਸ ਦਾ ਨਾਂਅ ਐਸਿਡ ਫੈਕਟਰੀ ਸੀ । ਵਿਆਹ ਤੋਂ ਬਾਅਦ ਨੇਹਾ ਪੂਰੀ ਤਰ੍ਹਾਂ ਬਦਲ ਗਈ ਹੈ ਜਿੱਥੇ ਉਸ ਦੇ ਲੰਮੇ ਵਾਲ ਸਨ ਅੱਜ ਕੱਲ ਉਹ ਬਾਬ ਕੱਟ ਵਿੱਚ ਨਜ਼ਰ ਆਉਂਦੀ ਹੈ । ਨੇਹਾ ਦੀ ਇੱਕ ਬੇਟੀ ਵੀ ਹੈ । ਨੇਹਾ ਨੇ ਬਾਲੀਵੁੱਡ ਤੋਂ ਪੂਰੀ ਤਰ੍ਹਾਂ ਦੂਰੀ ਬਣਾਈ ਹੋਈ ਹੈ ।